عز الله اخطا من مسميك رجّال

[بنت الاصول]

عز الله اخطا من مسميك رجّال

<B>

_

جاني يعايرنـي بقولـه: "فقيـره "
قلت الفقر ماهوب فـي قلـة المـال

الفقر هو نقـص العقـل والستيـره
واما بغيرة يـا"...." نستـر الحـال

قال: وعلى فقـرك وكنـك اميـره

تحكي بعز وتمشـي بفخـر" تختـال "

قلت: ايه وازيدك من البيـت غيـره
الله عطاني مـن عطايـاه " مكيـاااال "

وش هو له امشي في حياتي كسيـره
مادامني من خير ربـي انـا "اكتـال "

مـادام مايسجـد جبينـي لغـيـره
أللي خلق ارض وسمـوات" وجبـال "

اللي حباني نـور عيـن وبصيـره
أميز يمين الخطـاوي مـن" شمـال "

مانـي قليلـة فهـم مثلـك غريـره
أمشي عدل واميـل للوقـت "لامـال "

ماغرني صوف الزمـان وحريـره
ومهما يضيق الوقت فيّه أبا" احتـال "

وكانك تعايرنـي بقولـة " فقيـره "
بقول شي(ن)صعب اشـوي ينقـال

صحيـح املاكـك عددهـا كثيـره
صحيح تلبس غتره وثـوب و"عقـال "

بقول لك كلمة ولـو هـي كبيـره:
" عزالله اخطا من مسميك رجّال"!!!

</B>

[غلآ الروح]

المشاركة الأصلية كتبت بواسطة   "عزالله اخطا من مسميك رجّال"!!!

أن شهـد والله . .
صح لسآأإنهآأإ والله . . قصيده تلج الصـدر
صح لسانك يَ منيره . .
عآفك الله يَ الغآأإليه على هـذآ النقل المميـز =)

[نور الأصايل]

صح لسان الشاعر
وجزاك الله خير
اخت منيره على الاختيار
في انتظار القادم

[حُلُمٌ مُبَعْثَرْ]

صح لسان الشاعر
وجزاك الله خير

[خفوق إنسانة]

نَص يَنْبِض بِالْإِبْدَاع
حَتَّى فِي تَفَاصِيْلِه الْدَقِيقَة
حُرُوْف أَطْرَبَت الْذَّائِقَة
وَحُضُوْر مميز لَيْس بِمُسْتَغْرِب
جل تقديري

[عبدالرحمن الفهد]

بعض الناس في عقله نقص وهبال

يلبس ثياب جميلة يحسب أنها تغطيه

يدور على الجاه بجذا امير وحبــــــال

ويحسب أن الجاه با وراق يشــــــريه

المرجلة تبي صفة معاميل ودلال

وتبي نجر يدندن به تا لي الليل راعيه

المرجله ماهي شهادات والقاب تنقال

المرجله جاه تقدمه لمن جاك يبغيه

والمرجله باب مشرع وللضيفان مدهال

ماهو قصر وصاحبه مجحر فيه

الجاه والمرجله رجم باعالي جبال

مايرتكي له الامن يرخص الغالي ويفنيه

بعض الناس لاعنزت عليه جاله هبال

ا نتبه لايغرك واحذره واحذر تماشيه

وبعض الناس اذا احتجته قام يحتال

مثل ثعل يلعب بذيله ومدلدل اذا نيه

وبعض الناس مثل باقي الدلة حثال

لاخير فيه وعساك تسلم من بلأويه

حاولت اختصر وتركت الباقي على البال

هذي نصيحة والمذنب يفتش مخابيه

(( الرجال افعال ومعادن ))
وانتم يا أهلي وعزوتي في سديركلكم رجال قول وفعل

[بنت الاصول]

المشاركة الأصلية كتبت بواسطة غلآ الروح   أن شهـد والله . . صح لسآأإنهآأإ والله . . قصيده تلج الصـدر صح لسانك يَ منيره . . عآفك الله يَ الغآأإليه على هـذآ النقل المميـز =)

الضاهر يالغاليه ان فيك شيء عليهم مضيقين صدرك ==عادي تحملي

ترى الحريم بعضهم فيهم حقهم

شكرا لمرورك ولروحك المرحة
بارك الله فيك ورزقكي بالي في بالك من كل خير ورضى من الله

[بنت الاصول]

المشاركة الأصلية كتبت بواسطة نور الأصايل   صح لسان الشاعر وجزاك الله خير اخت منيره على الاختيار في انتظار القادم

واياك انشاء الله

شكرا لك ايها الفاضل على مرورك

اسعدك الله وجزاك كل خير

[بنت الاصول]

المشاركة الأصلية كتبت بواسطة وبشر الصابرين   صح لسان الشاعر وجزاك الله خير

اهلا بكي يالغاليه في متصفحي
شكرا لكي وبارك الله فيك

[بنت الاصول]

المشاركة الأصلية كتبت بواسطة خفوق إنسانة   نَص يَنْبِض بِالْإِبْدَاع حَتَّى فِي تَفَاصِيْلِه الْدَقِيقَة حُرُوْف أَطْرَبَت الْذَّائِقَة وَحُضُوْر مميز لَيْس بِمُسْتَغْرِب جل تقديري

غاليتي لقد اخجلتيني بكلامك الرائع
اشكرك من كل قلبي على روحك الرائعة وعلى مرور ك الاروع

لكي مني كل حب وتقديرواعجاب

[بنت الاصول]

المشاركة الأصلية كتبت بواسطة عبدالرحمن الفهد   بعض الناس في عقله نقص وهبال يلبس ثياب جميلة يحسب أنها تغطيه يدور على الجاه بجذا امير وحبــــــال ويحسب أن الجاه با وراق يشــــــريه المرجلة تبي صفة معاميل ودلال وتبي نجر يدندن به تا لي الليل راعيه المرجله ماهي شهادات والقاب تنقال المرجله جاه تقدمه لمن جاك يبغيه والمرجله باب مشرع وللضيفان مدهال ماهو قصر وصاحبه مجحر فيه الجاه والمرجله رجم باعالي جبال مايرتكي له الامن يرخص الغالي ويفنيه بعض الناس لاعنزت عليه جاله هبال ا نتبه لايغرك واحذره واحذر تماشيه وبعض الناس اذا احتجته قام يحتال مثل ثعل يلعب بذيله ومدلدل اذا نيه وبعض الناس مثل باقي الدلة حثال لاخير فيه وعساك تسلم من بلأويه حاولت اختصر وتركت الباقي على البال هذي نصيحة والمذنب يفتش مخابيه (( الرجال افعال ومعادن )) وانتم يا أهلي وعزوتي في سديركلكم رجال قول وفعل

ماعليك زود يابو فهد

شكرا لمرورك واضافتك الجميلة

بارك الله فيك وجزاك كل خير