حال بعض الاسر السعوديه يومي الاربعاء والخميس ...!!!

[متعب الهلال]

بسم الله الرحمن الرحيم


حال الأسر السعوديه في يومين الخميس و الجمعه

بالبدايه نص رسايل جوالي من العصر

1_جب خبز

2_جب زبده

3_جب دريم ويب

4_جب وجب وجب وجب وووو.......... اخ

وبعد العصر ينقلب البيت استاذ الملك فهد

بزران فوق الثلاجه

بزران فوق الخزان

بزران تحت السياره

سته يلعبون كوره وكل ما كسرو لمبه صاحووواااا (قزاز .. قزاز ..البسوا نعال)

بزارين توهم يمشون كنهم بطاريق تلقاهم في كل مكان

ودك تجيب لك كرتون تايد وتحطهم فيه وتفتح لهم فتحه للنفس وعلى سوق الحمام على طول

وكله كوم واذا جاك بزر يتفل

تسلم عليه ..... يتفل
تهاوشه ..... يتفل
تطقه .... يتفل
يروح لامه يصيح .... يتفل عليها<< ماعنده تفاهم

حط على فمه قضابه وخلاص

ولا اذا جاك ثنين اخوان يتلاعنون
الاول يلعن ابوك..
يرد الثاني يلعن ابوك انت...!!!!

ولا اذا شفت لك عيال متجمعين على مقطع جوال مع واحد منهم واذا شافوك .. ماتشوف الا غبارهم لا بوكم لابو الي جابكم في ذا

واذا دخلت للبيت ..تبدأ استقبال الشكاوي

اول الميزره

_شف هذا يطق

_تعال عقل ذا

_ويبدأ الحلف عاد... والله فلان وهاذا والله فلان الحلف عادي عندهم

ثانيا الحريم

شف فلان تراه سوا كذا وكذا... والمسكين يقعد يصيح خايف

ولا واحده من خلاتك ولا خواتك ولا عماتك تأكل ولدها وهو ماوده ياكل وتقول تعال شفه ما ياكل<<< وانا وش دخل امي فيه كل ماكل مع نفسه

والابو جالس في المجلس وجالس ع الشماغ ويصايح حطوووو العشااااااا

وبعد العشا
رز في كل مكان في البيت
حتى جيوبك تلقى فيها رز

وبعد العشا خلاص يبدا الصراخ الامهات على عيالهم ويييييين نعالك ابوك عند الباب وبعد مايلاقي نعاله تبدأ سخافه البزران


حبشه حبشه ودروان في الشارع والابو ياولد وخر عن السيارات تعال اركب والمبزره شغاله حبشه وحبشه


وبكذا ينتهي اليوم وتنتهي السالفه



م ن ق و ل

[قوتشي]

[موسى الموسى]

شكرا على الموضوع الرائع

[نــــــورهـ]

ياربيــــــه كل ذا الله يعين اللي بيتهم كذا
الحمدلله بس الصدق ونااااســــــه

[هلاااليه]

يعطييك العااافيه