هديه قيمه جدا لمن يجد لي مزرعه بالعطار

[خالد الرميج]

السلام عليكم

يا اهل سدير انا تعبت ادور مزرعه بالعطار وللاسف مالقيت
المشكله المزارع الموجوده هناك قديمه ومهمله ومالها صكوك
وبعضها فيها ميه الف نفس اسبال يعني..
انا ماعندي مشكله اشتري من احد عنده اوراق وااشتغل لين اطلع الصك
المشكله مالقيت احد يبيع وكل من سالت قالوا مالك قبيل
المزرعه لال فلان ومهملينها مافيه واحد مستلمها عشان تتفاهم معه
فاللي عنده علم عن اي مزرعه بالعطار يفيديني وله هدبه قيمه جدا

[أمير الحوطة]

دور غير العطار بتلقى مزارع واجد

[خالد الرميج]

والله يا الغالي ودي بالديره القديمه بالعطار
بس ما يخالف تخبر مزارع بمواقع ثانيه بس بالديار القديمه؟.

[قلم صريح]

فيه ارض في العطار مع راعيها ورقتها تبي تطليع صك
و الهدية أن الله يوفق البيعه

[خالد الرميج]

المشاركة الأصلية كتبت بواسطة قلم صريح   فيه ارض في العطار مع راعيها ورقتها تبي تطليع صك و الهدية أن الله يوفق البيعه

جزاك الله خير على كلامك اولا
ثانيا والله ليتك تعطيني التفاصيل تكفى من موقع و مساحه وهل الاوراق بيد شخص واحد اتصر معه والا بيد عشره ..
ثالثا الله يوفقنا وياك وييسر امرنا وامرك قل امين

[قلم صريح]

هي ارض لورثه و الورقه موجوده مع الوكيل
اذا تبي شف لك واحد يقدر يراسل بالخاص و اتفاهم معه على طريقة الاتصال
لانك ماتقدر ترسل من الخاص لان مشاركاتك اقل من 100 مشاركه

[خالد الرميج]

اخي قلم صريح
يبدو ان المنتدى بمشرفيه لازال لا يفرق بين عالمي ما قبل 2011 وبعده
او لنقل ما قبل الربيع العربي وبعده.. فها هو يفرض سلطويته على اعضاء المنتدى الجدد
ويحرمهم من حقوق يرضاها لغيرهم وهو ما يدخل بالتميز العنصري مما قد يولد ثوره تقلب
الامور عاليها واطيها..
ومنهذا المنبر احذر مسؤلي المنتدى من مغبه التمميز العنصري بين اعضاءه ومنح الجميع
نفس الحقوق ومطالبي تتلخص بالتالي:
منحي الفرصه لارسال الرسائل الخاصه لمن ارغب حال كحال البقيه ممن لديهم مشاركات
بعدد 100 فاكثر..
فقط لاغير
وبما ان المشرفين مطنشين وبما ان الموضوع مداعبه
فرسالتي لك اخي قلم صريح :
حاولت ارسال رساله خاصه لك ولكن لم استطع ذلك بسبب قوانين المنتدى
بالتالي اتمنى منك ارسال رساله خاصه لي توضح فيها رقم هاتفك ليتم التعرف
بك اولا والنقاش بموضوع المزرعه ثانيا ان احببت
وفي حال عدم رغبتك ذلك اتمنى ان تكون واسطه خير بيني وبين الرجل
عل حلمي يتحقق واحيي ارضا في بلدتي تكون موطنا لي ولاهلي بعد عقود هجرنا
فيها دارنا ودار اجدادنا وشكرا

[خالد الرميج]

ليتك تراسلني على الايميل او تضيفيني ماسنجر للمحادثه

[خالد الرميج]

اخي قلم صريح لا اعرف احد بالمنتدى للاسف والا كان راسلتك
اتمنى مراسلتي عن طريق الايميل المعلن في الرد اعلاه بقارب فرصه
الجديه التامه موجوده لدي فقط ارغب التفاهم ومعرفه بعض الامور منك
المساحه السعر الموقع .. اتمنى الرد باسرع فرصه وماراح انسى جميلك
واسف جدا على الحاحي

[قلم صريح]

الايمل فيه خطأ أخي العزيز

[خالد الرميج]

الضاهر اني كنت كاتبه وحاط مسافه بين بعض الحروف او ماشابه

انسخ الحين والصق ولو ما نفع اكتبه بيدك عادي بدون اي مسافه وفواصل

ان شالله ننجح

[قلم صريح]

تم

[فهد المنيع]

حياك الله أخ خالد في منتديات سدير ونتمنى أن تجد ما يرضيك .

تم نقل الموضوع لقسم البيع والشراء لانه القسم المناسب للموضوع ، كذلك هنا يسمح بادراج ارقام الجوال وجميع وسائل الاتصال .

بالتوفيق

[ورد]

ازرع لك مزرعه مهمله ولو جوك اهلها يحمدون ربهم انك احييتها لهم بعد الله

[خالد الرميج]

المشاركة الأصلية كتبت بواسطة ورد   ازرع لك مزرعه مهمله ولو جوك اهلها يحمدون ربهم انك احييتها لهم بعد الله

لوازرع ارض مهمله واخليها جنه كان طلعوا اهلها من تحت الارض وطالبوا بتعويض على حفرها وتخريبها بدال ما يكتفون ويقولون عطناها وخلها لنا بس الله يرحم حالنا بس