أموت لك \ أموت منك \ أموت معك \ أموت فيك

[بنت الاصول]

محتاج لك

محتاج لك بأدفّـي يدينـي مـن ملامـس يديـك



هالثانيه بالضبـط مـا أظـن الشعـور يفوتهـا



عندي قصيده ودّها من خالص إحساسـي تجيـك



حتى معانيهـا تبـي تاصلـك .. قبـل بيوتهـا



قصيـدةٍ يرجـع سبـب تركيبهـا منّـك وإليـك



وانت تعرفهـا مـن ملامحهـا وبحّـة صوتهـا



ياللي بديتك شوق كيف أشـواق قلبـي تنتهيـك



وأحـلام عمـري لا فقدتـك ترجـع لتابوتـهـا



إي والله أحبّك ولا زلت أعشق وصالـك وأبيـك



وفي خاطري لك هيبة ملـوك العـرب ببشوتهـا



لا جيت أبشكي لك رجعت وقلت وشلون أشتكيك !



وأسكت لو إن جروح قلبي مـا تطيـق سكوتهـا



كم لي وأنا أنادي عليك آمال عمـري وأحتريـك



وكم لك تجيب أعذار من زرق البحـور وحوتهـا



مع كل هذا .. والله إنـي مشتريـك وبأشتريـك



وأحسد عليك أهـل الريـاض وجوّهـا وبيوتهـا



لا تكثر ظنوني عليّ .. وتكثـر ظنونـك عليـك



نفسي فراقك ضيـم حالتهـا .. وقربـك قوتهـا



أموت لك \ أموت منك \ أموت معك \ أموت فيك



ضع خط .. تحت الموته اللي تعجبـك وأموتهـا

[خفوق إنسانة]

سلم لنا احساسك المميز بذائقة عذبه ,, كل الود لروحك عزيزتي ..

[حُلُمٌ مُبَعْثَرْ]

ჱٻٳڒک ٳڵڵہ ڡيکِჱ

[بنت الاصول]

المشاركة الأصلية كتبت بواسطة خفوق إنسانة   سلم لنا احساسك المميز بذائقة عذبه ,, كل الود لروحك عزيزتي ..

غاليتي كل العذوبه في مرورك الكريم
اشكرك على ذالك
جزاك الله كل خير

[بنت الاصول]

المشاركة الأصلية كتبت بواسطة وبشر الصابرين   ჱٻٳڒک ٳڵڵہ ڡيکِჱ

وفيك يالغاليه
اشكرك على مرورك
جزاك الله كل خير

[عبدالرحمن الفهد]

نعم محتاجك انا ليش لا لا تسأليني
داخلي شيٍ غريب ماني عارف له جواب

غامضٍ وضعي عجيب رافضٍ يضهر يبيني
وعاجزٍ القى طريقي وكاسيٍ جوي ضباب

نورٍ بعتمه سطع حاول انه يعمي عيني
ثم اجهرني وزاح وتهت في طرد السحاب

تقبل احزاني تجيني ابعده ترجع تجيني
محترق وانا ما ادري وانكويت من العذاب

وانمزج دافي حنانك مع ثلوجٍ تحتويني
واحتويت الثلج جله بعدها ه القلب ذاب

وانكتم صدري وطحت وكنت راجي تساعديني
ولا لقيتك لي قريبه رغم واقعنا قراب

وبديت اتبعلي دروب ما ادري وين بترتميني
ماني عارف وش اتبع بس متأكد سراب

واكتسيت الهم كله ثم اصبح يكتسيني
واحتضن ه الشيب راسي وانا في عز الشباب

جل اسمك يا كريم قالب لي ميازيني
صرت هايب منهو حولي وانا قلبي ما يهاب

وعاجزٍ تفسير حالي ونوع ه الاحساس فيني
تبرق الاوهام فجأه وتختفي مثل الشهاب

بس محتاجك انا ليش لا لا تسأليني
داخلي شيٍ غريب يمكن بيديك الجواب

[بنت الاصول]

شكرا لك اخي الكريم عبد الحمن الفهد

اضافه رائعه ومرور اروع جزاك الله كل خير