يا البن آدم لو تصول ولو تجول @@@ كل يومٍ من حياتك تشطبه

[ابن شارخ]

مساكم ورد يا هل الخير ، سامحوني على الانقطاع الطويل، مشغولين بهالدنيا
ومرات تمر الايام اطلع بعد صلاة الفجر ولا ارجع الا بعد الاخير ، دنيا تبي كفاح
ولا احد راح يعطيك وانت نايم ، الله يشغلنا بطاعته

حبيت أشارك بهذه الابيات المتواضعه أتمني ان تعجبكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يـا محمـد لـو تصـول ولـو تـجـول= كــل يــوم مـــن حـيـاتـك تشـطـبـه
العمـر فـي كــل دقيـقـه لــه نــزول= والـمـنـيــة بـالـثـوانــي مـحـسّــبــه
اتّبـع هــدي الصحـابـه والـرسـول=واسـتـعــن بالله وابـلـيــس اغـلـبــه
اسلـك دروب النشامـا لــو تـطـول =ومــن يـدسّـم بالـمـراجـل شـاربــه
الـعـقــول الله مـقــسّــم هـالـعـقــول= تـعـرف الـرجــال يـــوم تخـاطـبـه
بالشدايد تكتشف راعـي الاصـول=بـالـشـهـامـه والـعــلــوم الـطـيــبــة
النـداوي الحـر مـا يهـوى السهـول= الاشـــم امْـــن الـنـوايـف يـطـربــه
يفخـر الصقـار بالطيـر الصّـمـول =ويفـخـر الـرجـال بالـلـي يصْحـبـه
الفـحـل تلـقـاه مـــا بـيــن الـفـحـول =الـحـمــيــة والـطـبــايــع تــجــذبــه
والاصـيـل تمـيـزه بـيـن الـخـيـول =والكـديـش انـصـحـك لالا تـقـربـه
الـمـعــادن معـرفـتـهـا بـالـصـقـول = والـذهـب شــرواك طـيّـب مذهـبـه
والنحاس انْحاس ما لك فيـه حـول =كـالـردي الـلـي طبـوعـه تـعـذربـه
والصبخ ما زان في كـل الفصـول = لــو يـزيــن ايـــام قـاعــه خـاربــه
لـو سقـاه الغيـم مـع عـذب السيـول = كاللـئـيـم الــلــي يــخــون مـعـزبــه
مــا تطـهّـر مــن تـطـبّـع بـالـنـذول = حــتــى بـالـديـتـول لــــو تـشـرّبــه
كـم ردي ٍ مـا يـسـرّح بالصـخـول =يـتــصــدّر بـالـمـجـالــس بــذنــبــه
مـن بعـد مـا كـان ينـزل بالـدحـول =لا قــعــد تـلـقــاه بــاعــلا مـرتـبــه
صـارت فلوسـه تـرزه لــو يـقـول =مـاحــد ٍ وســـط المـجـالـس كـذبــه
راحـت علـوم النشـامـا والـزحـول =صـارت حـقـوق الـرجـال مسلـبـه
مـات ولـد الشيـخ شـيّـال الحـمـول =قـامــت الـحـرمـه بـديـهـا تـكـربــه
صـار حـل الـراي بيديـن الخـبـول = ومــن تـقــوده حـرمـتـه اوتـركـبـه
مـا يـسـرك بالرجاجـيـل العـجـول =والحـمـق منـبـوذ حـتــى صـاحـبـه
بالسـفر لا تصْحب الرجل المـلول =مـا يطيـعـك لــو تـحـاول تغصـبـه
والـزعـول الله يعيـنـك عالـزعـول =كـل حـرف ٍ مـن لسـانـك يغضـبـه
والبخـيـل بعـشـرتـه مـالــه قـبــول =مــادفــع لــريــال حــتــى يـحـلـبــه
والمزاجـي كـل سـاعـه لــه مـيـول = لــو يـزيـن الـجـو عـنــدك خـرّبــه
لا تـحـيّـرك المـسـائـل والـحـلــول =اســأل الله فــي صـلاتـك واطلـبـه
اسـلـك دروب النشـامـا والـعــذول =احـقــره بــيــن الـخـلايــق تـغـلـبـه
العنب من لا استطاع الْه الوصول =لازم انـــــه بـالـعــيــوب يـعـيــبــه
[/poem]

[نور الأصايل]

أبيات جميلة
مليئة بالحكم
تسلم أخوي ابن شارخ
في انتظار جديدك
جزاك الله كل خير

[بن زامل]

.
.


عز الله انك شاعر علم يابن شارخ ولا منك قصور ..
صح لسانك على هالقصيدة الكايفة

[ابن شارخ]

نور الاصايل
يسعد صباحك وصح بدنك
شكرًا لمرورك وتعليقك علي أبياتي المتواضعه الله لا يخلينا منك

[ابن شارخ]

حياك الله يا بن زامل
صح بدنك يا غالي وشكرا لمرورك على أبياتي المتواضعه وتعليقك وسام على صدري
أتمني تقديم ما يصل الى اذواقكم الراقيه
أخوكم / عبدالخالق البعيجان

[سعود الخليل]

يا هلا ويا مرحبا بك أخوي عبدالخالق ...

ومن طول الغيبات جاب الغنايم ،،،


مميز دوماً كما عهدناك من قبل تغيب وتحضر بالدرر ...

صح لسانك يالغالي ...

[وَدْقْ ,]

ابتسمت
تألمت
افتخرت
ابتسمت
من الاعماق شكراً وأكثر
,

[بنت الاصول]

يفـخـر الـصـقـار بالـطـيـر الـصّـمـول

ويـفـخــر الــرجــال بـالـلــي يـصْـحـبــه

الـفـحــل تـلـقــاه مـــــا بــيـــن الـفــحــول

الــحــمـــيـــة والــطـــبـــايـــع تـــجــــذبــــه

اخي الكريم ابن شارخ

صح لسانك وعلى مقامك على هذه الابيات
الاكثر من رائعه ابيات كلها حكم ومواعض

اشكرك على اتحافنا بها سلمت يمينك وبارك الله فيك
وجزاك كل خير وننتظر جديدك القادم لاتحرمنا ذلك

فنحن نتعطش الى مثل هذه الكلمات الرائعة