كيف أسوي الجدول ؟

[نقــآء]

السلام عليكم ..
أختي بأول سنه تحضيريه وتبيني أصلح لهآ جدولهآ وانآ بصراحه
نظآمي قـديم ويختلف عن نظآمها
دخلنا ع البوابه الالكترونيه وصلت رساله عزيزتي الطالبه
يعني بمفهومها ان الجدول نزل ونزلت لها المواد
واظغط موافق او هنا ونزلت لها المواد اللي راح تدرسها
وفيه حذف واضافه وتعديل
اسم المحاضره , النشاط ، الشعبه , الساعه ,الحذف , التعديل , اسم المحاضر (لم يحدد من قبل الكليه)
يعني مختصر الكلام اللي قلته كيف اسوي جدولها >متوهقه ووهقتني معها
بالتفصيل وأتمنى يكون الشرح وآضح أو بالصور يعطيكم ألف عآفيه

[الله يعين]

وعليكم السلام والرحمه ....

أنا في اول ولا راح اعدل واحوس في الجدول لان مالنا صلاحيه

الكليه يعطونا الجدول وخليها تتأكد اذا داومت احسن وبالتوفيق

[عبدالعزيز المجمعة]

وعليكم السلام
جدولها جاهز. والوقت لمحاضرات جميع المواد حددته منسقة قسمها بالتعاون مع هيئة أعضاء التدريس. لذلك لا داعي للحذف حتى لا تتأخر عن زميلتها في الدفعة وأيضاً لتكفي نفسها التعارض مع المواد مستقبلاً.
أما إذا كانت حاملة مواد من المستوى السابق. هنأ الحديث يختلف.
أيضاً أطمئنك. عبارة ( لم يحدد من قبل الكلية) طبيعية. لأن الدوام لم يبدأ حتى الآن رسمياً.
يبدأ يوم غداً السبت إن شاء الله.

[نقــآء]

أهآ طيب هي الحين في المستوى الثاني ومامعهآ محمول الحمدالله
شيكت ع البوابه الالكترونيه ودخلت ع الحذف والاضافه يقول غير مسوح في الوقت الحالي
ولا قبل يوم أكتب الموضوع كان منزل لهآ الجدول
الحين لا .. وأختي الى الان مـآسوت شي بجدولهآ نهائياً
طيب بمآ أنو بكره رآح يكون دوآمات للموظفين راح ينزلون الجدآول صح ؟
المطلوب مني وش راح أقدر اسوي فيه الحين اللي نزل لهاا ست مواد بس (هذا امس بس اليوم مافيه شي )
ثلاث عامه وثلاث تخصص أقدر ازيد لهآ موآد لها او لا
واقدر اعدل لها وقت المحاضره لان محاضراتها اغلبها من الساعه 12 لما 2
وكل يوم محاضره سآعتين يعني الجدول يطفش بصراحه لازم تعديل
معليشش بتعبكم معي شوي ..

[عبدالعزيز المجمعة]

حياك الله
الجدول نازل الحين بإمكانك مشاهدته. ثم إذا رغبت الطالبة بإضافة مواد من القسم القادم فيجب أن يكون معدلها مرتفع وأيضاً مستعدة لتحمل ضغط المواد. لا يمكن تغيير موعد المحاضرة إلا من مكتب تنسيق القسم. بإمكان الطالبات الاجتماع والحديث مع الإدارة حتى يهونوا الأمر عليهم إن شاء الله. وأنصح الاستعجال في القيام بالأمر.
بالتوفيق لكم