آه ياللقافة

[قلم صريح]

صحيح أختي الكريمه ,
لكن الواحد المفروض أنه يكون شجاع و يوقف أي كلام في ظهور خلق الله و التشفح و التطفل على ناس غايبه على الأقل ينتظرون حضور الشخص و الكلام قدامه ,
الناس إن شاء الله أنها بدت توعى و تعرف أنها غيبه و نميمه و بهته ,
حفظنا و إياك الكريم

[وَدْقْ ,]

. اللَهم كُفَني عن خلقك وكُفَ خلقك عني .

هذولا الاشكال ماينجلس معهم ولاجلست معهم جبها فالوجه (على بلاطة)

ولاسمعت يتكلم عن الغير قول (دع الخلق للخالق )

لازم ننصح نوجه وفالوجه علشان يحس ببحرارة وجهه

والله يهديهم ويهدينا جميع يارب

اسعدني

شكراً

,

[قلم صريح]

كفو والله ياخت زخات المطر
ام صعرور لوها موجودة كان عطتك وسام " ماعندي فحد " الذهبي .

[وَدْقْ ,]

اذكر موقف لي كنت واقفة اسولف في جوالي جتني وحدة قالت لي وش تسوين وتطل واكره هالحركة وخرت جوالي قلت مالك شغل بلا لقافة المفترض اكون البق من كذا بس لادبلت كبدك يستاهل مايجيهم حتى لو مزح لان اشوفها كخصوصيات حتى لو جت بمزح نضطر لرزحهم ,

يازينها بس ودي انها صديقتي عشان احس اني عايشة طفولتي صح ؛ مو كلها موقات وهيتس

بس حلو الشعار ولا النينجا هههه

كفوك الطيب يالطيب

,

[طيف الأمل]

أكثر شئ في ‏
مجتمع ‏ المعلمات ‏
اللقافه ‏
لما ‏
تتزوج ‏
الوحده

يالله وش أنواع اللقافه تطلع ‏
شئ ‏
خيال

استكشاف مو طبيعي تدقيق لكل حركاتها وسكناتها ويتابعونها هذا عدا الأسئله ‏

وين رحتوا وين جيتوا وين سافرتوا وش أول طبخه حرقتيها وهلما جرا ‏...

‏...‏ يآآآآه شئ مو طبيعي ‏

[رحيق الياسمين]

اذكر مو قف الابوى الله يرحمه

جاء واحد ملقوف اي شئ يسوى ابوى في النخل او المكينه يجئ متى سويت هذا وش له سويت

عاد ابوى اذا عصب عصب

دخل علينا وخذ فرش وبطانيه وطلع له وفرشه عند الباب قل اسمع يا ملقوف نم فيذا وبيجب لك بعد طاسه لبن علشان تعرف كل شئ عنى واذا جاء اصبح امشئ وعلم وش سويت في بيتى ونخل بس بشرط لاتجيب لي اخبارهم با العجر على راسك

وربي ماعاد حتس في احد بعد ذاك اليوم

ربي يرحمك يالغالى موت المسلمين

[بنت الاصول]

وفيه تعبير افضل من هذا التعبير عن اللقافة

شوفو الي في الاخير وشلون ماغط ظهره على الاخر علىشان يشوف

[ســاري]

هذي الصورة تُمثّل اللقافة بعينها



شوفوا وشلون القطاوة تناظر

الله من اللقافة

[قلم صريح]

مستديتن فيها يا خت زخات المطر ماينفع أحياناً الا الدروس العمليه
شكرًا على الإضافة
**
يا خت اطيف الأمل اللقافة في كل مكان و زمان بس إن شاء الله مع التعليم و الوعي تنحصر إلى أدنى مستوياتها
شكرًا لإضافتك الطيبة
**
قصة الوالد يا خت رحيق الياسمين درس عملي فعلاً , نفع به الملقوف و الملقوف عليهم
شكرًا على هالسالفة الطيبة
***************
أول مره أشوف أن العصافير الطيبه المسالمه تتفرج و تتشمت , و لا اللي ماط رقبته , بس والله دمهم عسل.
اما القطاوه أنا أحسبهم قطوه وحده , وجع هذي لقافه و لا فراغه و لا جوع و لا كلهم ؟

الأخت المطمئنة و الأخ ساري , شكرًا على ما أمتعتونا به ,
*****

[قلم صريح]

المشاركة الأصلية كتبت بواسطة لواء العز   موضوعية البليهي وحديثه عن عمق العمق لطالما جذبتني مع أن أسلوبه لا يعجبني .. ربما لهُ مبررات لم يدركها عقلي حتى الآن .. وها أنت في هذا المتصفح تدعمني بهذه المقولة. أقول: صدق من كتب وأحسن إلي كثيراً من نقل. هل أشكرك صاحبي أو نواصل الأخذ والعطاء في بقية الموضوعات وندردش ... لا. سوف أشكرك لأنهُ المستقبل غيب وربما لا نجتمع مرة أخرى.

كنت أبا أرد عليك ونسيت , السموحه :
واصل ياخوي و خلنا ندردش في عاميتنا و مع عاميتنا حتى لو دخلنا المفكر البليهي فهو من اهل بريده مهوب غريب
وش رايك تطرح موضوع في الأقلام مادام أن أسلوبه لا يعجبك و خساره أن شخص مثلك يتجنبه و نناقش أسلوبه و نشوف الأخوات و الإخوان ورايهم ؟

[بنت الاصول]

رررررررررررررررررررروعه اعجبتني جدا

هاذي وانا اختك مهيب لقافة

هاذي مجازفه للحصول على الماء

بايع عمره المسيكين

[قلم صريح]

أختي المطمئنة :
شفتي , هذا هو مربط الفرس , ناس يشوفونها لقافة و ناس يشوفونها مغامرة , يوم تقولين " مو حلو أضحك على الناس " هو ماضحك على أحد هو كان يعد عدد المغامرين ,, بالنسبة لوجهة نظرك الأن مع هذه الصورة , و لا وشوله يروح يطل . وبيعة العمر لقافة .

[بنت الاصول]

فعلا اخي قلم صريح بيعة العمر لقافة


انا اسحب كلامي الاول

[بنت الاصول]

شوفو اللقافة على اصولها

[وَدْقْ ,]

لا المجازفة مو لقافة حب مغامرة لااكثر برأيي ,
.

وانتم ملاقيف بعد وش عليكم من الناس حتى الحيوانات ماسلمت من لقافتكم ,
.