صور وتعليق @في النفود@!!؟؟

[أبو ماهر]

.



هذي الطعوس الي نطلع ونطق الخيمه فيها ونسمر ونعين خير يازينها من جلسه والله وياحلووها من وناسه فيها




شووفو كيف الطعوس والرمال وقدامها الجبال الي نسميها ضلعان مو حقت الصدر لا هي نسميها كذا




هذي الارض وش زينها وانت جالس وقت العصر ومعك عزبتك وتصلح الشاهي والقهوه ومعك عيال عمك او اخوياك وتسولفون بالبراد وتقهوه شي لافيها لاشوك ولاحصى ونتبر يالله من فضلك




اه يالمكان وينك وأجيك يزين ذا الربيع





أحمدو ربكم عندنا ربيع وديرة ولا أزين منها وأزين من ذا الصوربعد بس في المربعانية





قلولي في ذمتكم مهيب ديرتنا ازين من ذا ذالدير هي زينه ديرتنا بس في الربيع ولا في الصيف والله ماتنبغى لو بربع ريال هالمناطق

[تأبط شرًا]

حلوه الصور وأحلى منها تعليقاتك أضحك الله سنك ( بس لاتصير أثرم )

أولاً حقت الصدر أسمها ضلوع مو ضلعان

ثانيًا ديرتنا أزين ما فيها كثرة المساجد والخطوط السريعه ولا يعرف ذا الأمور إلا اللي يسافر مسافات طويله بسيارته في دول الخليج والدول العربيه .

أما بالنسبه لأزين جو في الربيع والمربعانيه فجونا عمومًا في أي وقت ما يعيش فيه كما ذكرت أنا سابقًا إلا :

1) النخله .
2) البعير .
3) الددسن .
4) والشهبان اللي يقرون ذا الموضوع .

تراها مزحه طبعًا . (كلنا شهبان لهبان )

[اتيكا]

ماشاء الله عليك ياأمير العشاق أثرك راعي طلعات وأحنا مادرينا

وعلى قولك وش زين القعدة إذا كان الجو مغيم ومعه شويت رذاذ ( مطر خفيف )

وأحلى شئ المطامر من شعيب إلى شعيب ومشاهد السيل وهو يملي في الغدران

إن شاء الله في 10 شعبان يدخل الوسم وتكثر الأمطار وتشوف الربيع ألي تحلم به

00000000000000000000000000000000000000000000000000

أخوي تأبط شرًا ياهلا بك ومرحبا

وشوي شوي على أمير العشاق

;)

[أبو أنــــــس]

واللي مزينها تعليقك
وأيظاً اللي مكحلها الردين الحلوين اللي كل واحد أحلى من الثاني من تأبط شراً واتيكا

[الجريوي]

أمير ...
أنا اشهد أن تقليعاتك من تالي رهيبة