لاتنشد الخافق عن الهم ياسعود ..!

[ابراهيم المغامس]

السلام عليكم ورحمة الله وبركاته
أبيات متواضعه أضعها بين ايديكم وكم اتمنى ان تنال القبول والرضا :

من عقب ماقفا وقد شبله عود
بديتله تسني غريب ونازح

يطلق من ارصاص البلاوي ببارود
ويطرح خفوقي من علا الحب طايح

يالله عسا عقب البطا برق ورعود
تنبت به افياض الشعور القرايح

اللي شكت ضيمن على القلب مارود
يلبس من الباس العنا له وشايح

ياما تذوقت العنا دون مجهود
وشربت من عوم العنى والنوايح

لاتنشد الخافق عن الهم ياسعود
يكفيه ماذاقه وماكان رايح

امعقلن قلبي كما تعقل اقعود
وامعرضن قلبي لدون اللفايح

ولاتنشد الخافق عن الهم ياسعود
يكفيه ماذاقه وماكان رايح

وسلامتكم

[رحّال]

و أنت سالم و غانم.
صح لسانك ، و علا شانك.

[ابراهيم المغامس]

المشاركة الأصلية كتبت بواسطة رحّال   و أنت سالم و غانم. صح لسانك ، و علا شانك.

صح بدنك ياغالي
أسعدني هذا التواجد

[بن زامل]

.
.



عز الله انك شاعر متمكن يا ابراهيم وصح لسانك على هالقصيده الجزلة اللي ماخلتني اكتفي بقراءة وحده الا قريتها مرة ومرتين وثلاث ..

ياما تذوقت العنا دون مجهود
وشربت من عوم العنى والنوايح

الله عليك , لاهنت واطمع بالجديد ..

[رمشه وعينه]

امعقلن قلبي كما تعقل اقعود
وامعرضن قلبي لدون اللفايح

ي سلآآآم ..

مافيك حيله
صح لسانك

[أبوإبراهيم الشويعر]

مشاعر طيبة والمعاني جميلة ...
ثم تحية تشبه رفيقك تركي الوكيل بس أكبر وزن .