جيز كيك الفراوله
منقول من : الاخ وجيه مغترب بكندا
وهذي الطريقه :
الطبقه الاولى
اول شي البسكوت اللي تحت :
بتجيبي صينيه تشيز كيك اللى بتفتح من تحت و هيا موجوده و متوفره بكل الاسواق
هلأ بتجيبي بسكوت دايجيستيف (تقريبا 18 الا 20 حبه) و بتطحنيه بخلاط العصير و بعدين بتسيحي شويه زبده (تقريبا 1 اصبع) و بتفركي فيه البسكوت لحد ما كله يصير لونه اغمق و ما يكون كتير دهني يعني صبي الزبده و بتخلطي لحد ما تحسي انه الخلطه كلها اخدت زبده و بتصيري تفردي البسكوت بالصينيه بسماكة 1 سانتي(انا بصراحه ما عندي مقادير للبسكوت و الزبده لانه بكندا عندي البسكوت بيكون بعلب جاهز و مطحون )
حمي الفرن على حراره 450 فهرنهايتي او سيليزي250 حسب شو فرنك
الطبقه الثانيه :
1- جرام900 جبنه فيلاديلفيا (او كيري اللى متوفر عندك) هاي السبب اللي بيخليها تكون سميكه و عاليه ممكن تقللي الكميه و بتصير ارفع (بس لازم طبعا تقسمي كل المقادير ازا حابه تقللي السماكه
2- كوب و ربع سكر عادي (بس ما يكون خشن كتييييير متل سكر الشاي العادي)
3-ربع كوب طحين عادي
4- 3 بيض
5- ملعقه صغيره فانيلا
6-نصف كوب سور كريم او كريمه حامضه متوفره عندكم بالاسواق الكبيره
الطريقة :
بخلاط الكيك اخفقي الجبنه لحد ما تصبح لينه و حاولى تنزلى الاطراف علشان تنخلط مع الكميه
عندما تصبح الجبنه لينه نضيف السكر شوي شوي حتي يمتزج تماما و نستمر بتنزيل الزوائد من الاطراف
ثم نضيف البيض بيضه في كل مره حتى يمتزجو تماما
ثم الفانيلا ثم السور كريم او الكريمه الحامضه
نضع الخليط على البسكوت
ونخبز داخل الفرن على الرف الوسطاني (متل الكيك) لمدة عشر دقائق ثم نخفض الحراره الي 350ف او 180 سليزي ترك التشيز كيك بعد ما نزلنا الحراره ل 180 نتركها لمدة 30 دقيقه
هلأ نيجي للطبقه الثالثه:
المقادير :
واحد و نصف كوب سور كريم
ربع كوب سكر
1 ملعقه فانيلا
نخلط المقادير حتي يمتزجو تماما و يذوب السكر وتصير متل الكريمه
عندما تنتهي التشيز كيك من الخبز نخرجها من الفرن
ونضيف الطبقه الثالثه بعنايه و خفه و نعيد ادخالها الفرن لمده ربع ساعه 15 دقيقه
وعندما نخرجها نتركها تبرد لمده نصف ساعه 30 دقيقه
ثم نضعها بالثلاجه لمده لا تقل على عن 6 ساعات
وعند التقديم نمرر سكين حول الحواف حتى تنفصل عن التشيز كيك ثم نرفع الحافه او طرف الصينيه
و نزينها ب الباي فيلينج او بالعربي حشوة الفطيره او البايما بعرف شو الماركات اللى بتستخدموها بالامارات المهم انها تكون تقيله متل المربي تقريبا و تدهن على الوجه اكتر شي انا بفضل الفراوله او التوت
""م ن ق و ل""