تقول الدار عقبك غادروني

نور الأصايل · 10-10-2011, 06:26 PM

تقول الدار عقبـك غادرونـي

تقول الدار عقبك غادروني ............ وخلونـي لعيـات الهبـايـب
وسافر من تـود وحـال دونـه .......... بحر وبرور واخطار ومصايب
رجعت بحسرتي وهموم صدري .......... وتقلاني مـن العبـره لهايـب
وهانا قد بليـت بـذى المصيبـه .......... مصيبة حب والدنيـا مصايـب
ونا من قبل لاجي كان ظنـي .......... على هذا وظني كـان صايـب
الايالله لاتقطـع رجـا اللـي .......... يسألك عن رجوع محب غايـب
عسى المحبوب يرجع بالسلامه .......... بحفظ منك ماتصيبـه نوايـب
محبا مالكـا عقلـي وروحـي .......... وفي حبه رخيص العمر ذايـب
يحلي بلؤلؤ البحريـن صـدره .......... وحنى العين حطه في الروايب
عسى كل عام ياديـرة حبيبـي .......... عليك يصب هطـال السحايـب
لقيت الدار من بعـد الحبايـب .......... خليـه باكيـه وبهـا عجايـب
وقفت بها وأنا حيران ساعة ......... ودمع العين من موقي صبايب
ألا يـــــادار بالله خــــبريني .......... عن المحبوب قولي وين غايب

القصيدة لشاعر من دولة الإمارات العربية
مما راق لي

نــــــورهـ · 10-10-2011, 07:28 PM

عوافي اخوي راقت لي وهذه تكمله ان سمحت ""

كبح جماح الشوق يا قلب ترتاح

حسبك مصايب حـادثات الليالي

ما كن مرت تبــاريح واتراح

ولا ذقت من بلوى زمانك نكالي

ما للجــلاده عن مراميك تنزاح

والصبر ما تعطيه بعض المـجالي

عودتني ما تخلط الجد بـمــزاح

ولا تراوغ في صحيح المقـــالى

شف كيف عمقت المآسي والجراح

و اشغلتني من عقب ما كنت خالى

وانا الشقي بك بين مسري ومرواح

يمكدرٍ بالهم بــــالك وبــالي

أراك تبحث عن خيالات و اشبـاح

يا قلب من عـــز الحبيب المثالي

لا لا تعيد الي مضى لي مضى راح

ما ينفع الترقيع في ثوب ثوب بـالى

ولا تستوي في مطلب الود لحــاح

يا قلب بـا ترخص ولو كنت غالى

عواصف الهجران بالحيل تجتــاح

وش تنتظر غير الوهم والخيــالي

من قلب خلك ودنا ذات و انمــاح

حسيبك الله مــــا تراعي لحالي

من هان ذل و ذلة النفس يـا صاح

على العزيز الحر أكبر وبـــالي

ما أقدر اطفي نار الأشواق بصياح

واشمت اللي بالوفا مــــا يبالي

يا ابو جبينٍ في دجى الليل وضاح

نجل العيون اللي سحرهن حلالي

والقد غصنٍ دون الأنسام ميــاح

يسلب قلوب أهل السمو والجلالي