(( الله حلو العيد ))

[مازر]

(( الله حلو العيد ))

نهنئ الجميع بالعيد المبارك وكل عام وأنت بخير .. ونخص بالذكر محافظ المجمعة الله يعطيه العافية ..
ماشاء الله تبارك الله على استعداد جملة العيد هذه السنة .. ولو تعرفون يا جماعة الخير إن الفرحان الأول هو الشارع و الطرقات ؟
لأن الإنارة كانت هي الفعالية الأجمل في شوارع المجمعة وخاصة في استراحة البلدية .. وأنا صراحة تركت كل شيء وقمت أناظر جمال هذه الإنارة .. وتعرفون يا أهل المجمعة أن بلدية المجمعة تشرف على فعاليتها في موقعها الرائع والمنظم .. وتعرفون أن العرضة هذه السنة كانت أجمل عرضة في تاريخ احتفالات العيد بالمجمعة وأيقنت فعلا أن الطبول لها دور كبير في أهازيج ذلك اليوم .. والجميع تمايل على العرضة النجديّة التي تأثر معها الحضور لدرجة أن الجميع قبع ينتظر الشيلات بعد مائدة العشاء .. بس يا خسارة خلصوا بدري مدري ليش الله يهديهم ..
أما النقلة الاحترافية هذه السنة هي : حضور فرقة الحيوانات المفترسة ..
ولو تكلمنا قليلا عن هذا العرض الجميل الذي تخلله الكثير من الإثارة وتفاعل معه الجمهور لدرجة أن المعلق المخضرم أصابتهم نوبة ذهول وبدأ يمدح الجمهور ويقول يكفي تشجيع يكفي تشجيع يا أهل المجمعة مانقدر نكمل من تشجيعكم .. بعدين أنا شفت إن الفرقة ماشاء الله ( قولوا ماشاء الله يمكن تنضلونهم ترا ) تعمل بحتراف عالي و الدليل أن الجميع ما غلط وصرف غلطته !!
أما مكان العرض الذي كنت أحسبه وأنا مقبل عليهم أننا لازم نلبس لبس الغطس عشان نوصل لمكان الرؤية الواضحة بس ما قصروا الجو العام كان رومنسي جداً وياسلام على المكان .. وبعدين الجمهور كان مرتاح جداً في الجلوس والله يعطيهم العافية المنظمون أخلاقهم جداً عالية و مهارة اتصالهم كانت مميزة جداً مع الجمهور ووفروا كراسي لهم و الجميع حصل ما يناسبه .. والغريب أن بعض الجمهور ترك العرض وبدأ يرقص على الموسيقى الأجنبية ( ليش يا أخي ما شفت الأسد كيف يسمع كلام مدربة تاركه وترقص غريبة والله )
وبعد ما طلعت قلت لصاحبي ياليت أول يوم وثاني يوم كان فيه فعالية في مكان موحد .. بس رد علي وقال لا يا غبي !! لازم يفرقونها عشان المجمعة كبيرة مرة و السكان يضايقهم لو تحطها في مكان واحد .. وبعدين ما تدري أن ثاني يوم العيد ما حطوا شيء ! ؟ عشان الجميع يحضر للعرضة القوية ..
قلت : آها صح عليك توني أفهم معليش يا أخي دائما المسئولين عندهم الصواب في كل شيء .. عشان كذا أي أحد ينتقدهم هو الخطأ .
أما فعالية السيارات المعدلة ياسلام ياسلام .. تشوف الشباب متجمهرين حسبت أن سيارات الشرطة تفحط .. وأصحاب السيارات المعدلة كل واحد حاط رقم البن حقة على الزجاجة الظاهر عشان الدعاية لسيارة ( أحسن النيّة يا رجال ) واللجنة اللي نظمت أبشركم وصلت الرسالة لشباب كما وصّل قبلهم فعاليات النصب ..

شكرا للجان المنظمة هذا التنظيم المميز هذه السنة و الذي استمتع به جميع شرائح المجتمع .. بس أنا ما قدرت أناظر كل وقت الفعاليات عشان الأنوار مره حبيتها وأنا منسدح عندها الحين قبل ما يشلونها البلدية .

تحياتي لكم ..

[اخوالطيبين]

اخي الكريم

كل عام وانتم بخير

نحمد الله اولاً وأخيرا

على الأمن والإيمان

والصحة بالأبدان

ونشكر ونثني على كل اللجان اللتي بذلت وسهرت

على اظهار هذه الكرنفالات في جميع مراكز سدير ومحافظة المجمعة

ولا يوجد شي كامل لأن الكمال لله وحده

ويجب علينا دائماً ان نبدأ ان نظهر المحاسن والأشياء الجميلة بأي عمل ونثني على صانعيها

وبعد ما ينتهي حقهم من الثناء بعد مرور قليل من الزمن

من الجميل اذا اردنا ان يتم اظهار السلبيات بطريقة تنم عن رغبتنا باستكمال النواقص للمنظمين مع الثناء على العطاء الجميل لهم

وأتمنى ان كل لجنة ان تضع لها بريد اكتروني للتواصل مع الجمهور

لإبداء الاراء الايجابية التي لديهم وإذا يوجد من له الرغبة بالمشاركة معهم بالمناسبات القادمة

شكراً اخي على هذا الطرح

وفقكم الله

[عبدالعزيز العمران]

أهالي المجمعة والأعزاء في الحوطة يحتاجون إلى وقفة مع النفس

وإعادة الحسابات فيما يخص احتفالات العيد ..

شكراً جزيلاً أخي الكريم مازر ..

-