هذي قصيده سويتها بمناسبة الحادث الله يكفي المسلمين الشر
الشاحنه
مع بزوغ الصبح 7 بالتمام
من دوي الصوت..قمنا خايفين
نارآ شبت والسماء فيها جهام
وكلآ يهوبي .. يبي علمً يقين
أصتدآم الشاحنه والغآز خام
والطريق المزدحم .... والميتين
طهور يادارالمحبه والسلام
طهور ياأرض العز والحق المبين
الله اللي راد .. مافيها كلام
وماكتبه الله.... فحنا... قابلين
نور ياشرق الرياض عن الغمام
تنجلي ياديرتي ...ثمن تزين
يرحم الله من توفى به قوآم
ويشفي ..الله المصابين ويعين
وربي يعوض الخساير للكرام
والله يفرج... كروب المسلمين
ومن نوى بالشر أوقال أنتقآم
خاسي ومكشوف وبليسه لعين
حسبي الله ..عليه ابن الحرام
كان ..له نيه ..عساها به تحين
وش لي بكثر التحدي والملام
تبت يديهم..... وردوا خايبين
ديرة التوحيد والله ماتضام
كلنا لأرض الكرامه جاهزين
أرقدي ياديرتي بأعلى مقآم
والقلوب تحفك يسار .. ويمين
دونك سباع الفلا مثل السهآم
تفتديك الروح ...لاباح الكنين
الرضيع اللي على وقت الفطام
لك يبيع الروح ... قبل البالغين
والعيون اللي سهيره ماتنام
لا دعيتيهم ...يجونك طايعين
جندآ يديهم بها حد الحسآم
مبايعينك بالفخر دنيا.. ودين
حافظك ربي ..في أمن ووئآم
عن نوآيا الشر وعين الحاسدين
فوق هآم السحب والمغروم هآم
والثرى .. نشري ترابه.. بالثمين
ديرتي تحيا بعزه وأنسجآم
وراية التوحيد تعمي الجايرين
وياعسى قلب المعادي للعدام
ياعسى العزه.. تذل الكافرين
وأقبلوا مني التحيه فالختام
ياعساكم دووم ياأهلي سالمين
وسلامتكم
الدانه
08-11-2012, 04:07 PM
الشاحنه.... للدانه
العرض العادي
