مسك دفتر بدا يكتب بدا يشرح بدون حروف

[فقيدة امها]

على درب الأمل يمشي ويتحاشى طريق الخوف

على صوت المطر يصحى ويذكر وقته الماضي

يعالج بالدموع ألوان من حرنٍ سطى بالجوف

يعزّي نفسه بنفسه ويرثي حاله القاضي

مسك دفتر بدا يكتب بدا يشرح بدون حروف

رسم نخله رسم له قلب لكن للأسف فاضي

رسم شخصين وسْط القلب ولا منهم أحد معروف

يقول أمي يقول أبوي ألا يا باقي أنقاضي

تركتوني وأنا صغيّر تركتوا قلبي الملهوف

وصار الدار للأيتام بيتي فيه أغراضي


تركني العم ويّا الخال أبكي حالي المكسوف


رموني رمية الأغراب وماتت فيني ألفاظي

وصرت أمشي وأنا حافي وراسي للسما مكشوف

ولا به من يعالجني إذا صابتني أمراضي

أبيك تجين يا يمّه ووينك يا أبوي تشوف

أبي لي صدر يحضني ويطفي صدري اللاضي

دعيت الله يساعدني في دربٍ بالخطر محفوف

عساني بس أموت اليوم وألقاكم وأنا راضي

كتبت القصّة المرّة وختمي عالي المظروف

وطلبت الله يلمّ الشمل ونعم الحكم والقاضي

[مشتاق لك]

من جد اشكرك قصيده حزينه ومعبره عن نفسها
ومشكوره يالغلا

[فقيدة امها]

أشكر لك حضورك أخي الكريم مشتاق
بارك الله فيك واسعدك الله برضاه

[مذهل]

سلمت اناملك على هذه الكلمات الرائعة
هذي مو ابيات شعر
هذي هامات تمرعليها نسايم شعر عطره
تقبلي اعجابي بنبضك وبحرفك يامشرفتنا فقيدت امها
ولك تحياتي وفالك طييييييييييييب يامشرفتنا

[فقيدة امها]

أسعدني تواجدك في متصفحي أخي الكريم مذهل
وتشرفت كذالك بطيب حرفك هنا بارك الله فيك
لك كل الشكر والتقدير علي مرورك الرائع
دمت بكل خير ودامت إطلالتك