الاسطـــــــــــورة

[فقيدة امها]

ماتــقبـلت الفراق ما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها

ما هقـيت الليله اللي جابت الفرقا طــويله
لين صارت ليلة امس بعيني اطول من شهرها

والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها

والــحبيب اللي صدوده مثل مداته جزيــله
صد عني واعرفه لو صد عن حاجه هجرها

كن روحي يوم حست في جفاه وصعب نيــله
بشرتني بالضياع وشدة العزم لسفرها

مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها

عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها

لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها

من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟

اشــتكيته لـلرفوف وللبراويز الــهزيله
وانذعرت من النياح اللي سمعته في صورها

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحدٍ حقق جماله كذب اساطير الف لــيله
يسكن السبع البحور ويحبس الحور بدررها

الدروب بــكبرياها ترتجف تحته ذليــله
والورود اللي تقبّل خطوته تنبت بأثرها

والغصــون اليا بغاها تنثني لــه.تنثني له
والفياض ان حب ينثر عطرها يلمس زهرها

لو يصـوّت للغدير المنجرف جفــف سبيله
وان تبسّم للجبال الصامته نطّق حجرها

ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها

كـن ربي سخر له المعجزات المستحيــله
واصبح اسطوره وكل الالسنه تنقل خبرها

هان محجر دمع عيني لين جفّف سلسبيــله
والتفت لأخير دمعه قبّلت يده ونثرها

دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها

له علي انه ليا من طاح من عيني تشـــيله
ولي عليه انه يرجّع لابتساماتي ثغرها

لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها

واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بــالنفس الاصيله
تقطع يدين الردا لو مس شعره من شعرها

مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها

والعطايا من يدين الخلــق للطالب قــليله
والوهايب من يد الله للعباد اجل وأرها

وان نسيت اني زرعت العشق وحظوظي بخيله
ما نسيت ان العطايا تستحق اللي شكرها

صعب تلقى شخص وافي يجزي الطيب بمثيله
والعرب كد قالت ان : الناس ما تترك قشرها

[مذهل]

بوح قلمك رائع للغايه يامشرفتنا فقيدت امها
دائماً مبدعه كما عهدتك
تقبلي تحياتي وتقديري وفالك طييييييب

[مشتاق لك]

الله يعطيك العافيه يالغلا
من جد قصيده فوق الخيال والوصف

[فقيدة امها]

المشاركة الأصلية كتبت بواسطة مذهل   بوح قلمك رائع للغايه يامشرفتنا فقيدت امها دائماً مبدعه كما عهدتك تقبلي تحياتي وتقديري وفالك طييييييب

أخي الكريم مذهل
لك مني جل الشكر والتقدير والاحترام
على هذا المرورك والحضور لجميل
بارك الله فيك وجزاك الله خير

[بنت الاصول]

غاليتي فقودت
كمآ عهدتك دائما

تختآرين لنآ كل مآ هو جديد و مميز ،،

فـ تميّز الموآضيع من تميّزك ،،

شكرا لك وجزاك المولى كل خير

[فقيدة امها]

المشاركة الأصلية كتبت بواسطة مشتاق لك   الله يعطيك العافيه يالغلا من جد قصيده فوق الخيال والوصف

الله يعافيك أخي الكريم مشتاق
كل الشكر والتقدير لمرورك الطيب
بارك الله فيك وجزاك الله خير

[فقيدة امها]

المشاركة الأصلية كتبت بواسطة بنت الاصول   غاليتي فقودت كمآ عهدتك دائما تختآرين لنآ كل مآ هو جديد و مميز ،، فـ تميّز الموآضيع من تميّزك ،، شكرا لك وجزاك المولى كل خير

هلا وغلا بك غاليتي بنت الاصول
التميز عندي هو تشريفك واطلالتك
وجمال حضورك الرااائع لا حرمت من جميل مرورك
تقديري وامتناني وشكري لك يالغلا