يالله يامحيَي العظام الرميمات
ياخالقن خلقـَك بفطره سويه
استغفرك واندم على كل مافات
والعفو ياربي على كَـل سيه
يالله طهرَني من الذات للذات
أغسل خفوقي من ذنوبِ عليَه
مدامعي تحشد باأشد العبارات
تتوق لك يارب صبح وعشيه
وخلاصة الدنيا ماتعطي حلاوات
ولآ تمـَد الى الجروح النديه
يعيش الانسان بحياته واذا مات
ينسونه اصحابـه بعدها شويه
وياليتها صكة زمان ومنيـَأت
مآ وقفـَت على الحظوظ الرديه
أصلن وش الانسان غير المسامات
في عالمِ يشكي من العنصريه
اللي مَلك منهم رصيد وعمارات
كنـَه موردَهم على العيطليه
واللي تجمَل واغرقته الجمالات
ماعاد له بين الميامين هيـَه
قضى حياته فالكرم والبطولات
عسى عوضه التاليه حوريه
ويآطارد الدنيا مافيها سهالات
دايم على الطيب عجورِ عصيه
ماجازني فيها كبار الشهادات
ولاشفع لي حسن سيره ونيه
صدَيت عنها واخربن العلاقات
وأوكلت للرحمن رب البريه
مشيتي بـ أيدين رب السماوات
ماهيب فـ ايديها ولا في يـَديه
يرزقني اللي فج نحر المحيطات
صفَق بها الكفار وانجا البقيه
مما راق لي