يالعبـد لوتملـك ملاييـن فالبـنـك

[الجنراااال]

يالعبـد لوتملـك ملاييـن فالبـنـك
ماتنفعـك مادمـت للـرب عـاصـي
تدري وش اللي يجلب الضيق والضنك
ان كان ماتـدري تراهـا المعاصـي
وان كان داري خلهـا يافتـي عنـك
من قبل يومٍ بـه تشيـب النواصـي
وتـرى بـلاك وعلتـك كلهـا منـك
بس اسأل المعبـود منهـا الخلاصـي
وارجع قبل في باطن الارض ندفنـك
ماينفعـك لامـت دانـي وقـاصـي
لاضامـنٍ حيـاً ولاحـي ضامـنـك
مال البشـر عـن مايقـدر مناصـي
واحـذر تصيرالنـار دارك ومسكنـك
اللـي حرارتهـا تذيـب الرصاصـي
وممشاك مـع رجـلٍ عزيـزٍ يثمنـك
ينفعـك لاجـاء فالسنيـن اختباصـي
في واجبك يمشـي ولاهـوب هاينـك
يكمل مطاليبـك اليـا جيـت ناصـي
يعجبك لاحطيت مثلـه علـى ايمنـك
قـرمٍ يحـل المعضـلات العواصـي
واحـذر تماشـي واحـدٍ مايواطنـك
اليـا بدالـك لازمٍ عنـك حـاصـي


مما تصفحت

[مطلبي الجنان]

يالعبـد لوتملـك ملاييـن فالبـنـك
ماتنفعـك مادمـت للـرب عـاصـي

قمة الروعه ان نستخدم الشعر في النصح والدعوه
جزاك الله خير واثابك على النصيحه
وجعلها في موازين اعمالك

تقديري

[الجنراااال]

شاكر مرورك

[الجنراااال]

للرررفع

[بقايا الذكريات]

ابيت للموعظه والحكمه


دمت بالف خير اخي وننتظر قادمك

[حتما ً سأكون]

كلام جمييييل .. لكن من يسمع

جميل هو إنتقائك