أنت الصديق الصادق الود ياسعود,,,

**فقيدة امها** · 17-12-2013, 08:00 PM

الامير سعود بن بندركان شاعر وقدوه في الاخلاق يحب امه البندري بنت عبد العزيز حب لانظير له وفي يومآ من الايام يمر بمرحله صعبه لان امه كانت في العنايه المركزه وكان يلازمها في كل وقت وحين ,,,

بينما امه كانت في المستشفى دخل غرفه العنايه واذا بامه فاقت واستعادت عافيتها ,,فرح
وابتهج وقام يقبل يديها وينشد لها هذه الابيات التي اسرتني بكل حواسي,,

ياليتني بينك وبين المضـرة
من غزه الشوكة الى سكره الموت
او ليت شاورني القدر بس مـرة
ولبى مطالب رغبتي قبل ما أفوت
او ليتني جـرة لمواطيـك جـرة
احمي قدم رجلك مثل جزمة البوت
او ليت بيديني السعـد والمسـرة
واحكم عليها عنك مالحظة تفـوت
يفداك عمر منك يشعـر بعمـره
انتي الحياة لنفسي وردة الصـوت...
بعدها خرجت امه من المستشفى واذا بالعيد على الابواب ولكن اي عيد هذا,,

قبل العيد ببضع ايام يودع اميرنا الحياه ويكتب الحزن على ملامح امه التي لم تحبب احدآ مثل حبها له ,,,

حزنت حزن لايوصف ولا يروى ,,ومع مرور الايام وحلول العيد دخلت الام المجلس واذا باخوانه واولاد عمه يجتمعون ويتحدثون في ما بينهم ,,, عند دخولها

لزموا الصمت واذا بها تناظر لهم وعيونها تذرف بالمودع وتردد هذه الابيات التي تفطر القلب..

لين اجتمعتوا لدت العين لسعود
قامت تلفّت وين قرّة نظرها
وين الكريم اللي سلك سكّة الجود
كم واحدٍ نفسه كسيره جبرها
أضحك وانا قلبي من الحزن ملهود
وأغضى وأذل العين تنثر دررها
رضيت بالمقسوم وأيامي السود
وكتمت نيرانٍ تطاير شررها
أبي رضا ربٍ كريمٍ وماجود
علام مافي برّها مع بحرها
لعل يجمعني بهم خير معبود
في جنة الفردوس نقطف ثمرها ...
وايضآ هذه القصيده
جرحي على سعود ما ينفع به الطبي
وشلون أبسلى وهو دايم على بالـي
من يلوم العين لو هلـت دمـوع
ومن يلوم القلب لو صفق وصاح
لي حبيب راح ماطرى الرجـوع
ليتني ودعـت زولـه يـوم راح
اه من قلب كفخ بيـن الضلـوع
مثل كفخ الطير مكسور الجنـاح
ليتني وسط الخلا وأعطش واجوع
ولاسمعت اللي نعى هاك الصباح
ساهره ياسعود والعالـم هجـوع
ليت من هو مات قبلك واستـراح
,,,
ليت المنايا وقفت عنـك ياسعـود
خلّتك لين أوريتني في ضريحـي
اوليتني حطّيت انا عنـك بالعـود
وانت معافا ياجنينـي صحيحـي
أنت الصديق الصادق الود ياسعود
وانت الطبيب لقلبي اللي جريحـي...

يارب اسألك بإسمك الأعظم ووجهك الأكرم أن ترحم من أشتقنا لهم

وهم تحت الثرى وتجعل الفردوس الأعلى مستقرا لهم يارب...