عشق سديراوية

[بنت الاصول]

ادوج في دعاسيق الحب مجنون مهجوج باب قلبي لذيك العيون
اطمر العرفجه اقولها كل ماقال اشلون يأم لآلي يعرف نقطة ضعفي هالمزيون
قطيشة مارحم يوم حالي المغبون أدربي دمجتي أدور عن قلبه الحنون
اتلحطم وأبرطم على عمري من كثر الظنون ياحبيبي هيت لما قلبي وشوف انت من تكون
الله يزديلك حبيبي مليت وانا أعمت أدور عن قلبك الحنون أفق كشرتي كل ماشفت وجهك المحسون
أها عاد خل عنك الدلع وعطي اخر العلوم زمان استاحش من الحب لكن تغيرت اليوم
(حبيبي) كوه نروح عن هالعالم وهالكون تعال فيذا بعيد عن هالرخوم
حبيبي صيفت علي وشفيك تمشي على هون أنهج تعال داوي قلبي الي كله طعون
حبيبي حبك بقلبي فارشه له مرقد للنوم حبيبي تتروح وتخليني بدون علوم
حبيبي الله يكسمرني ان كنت في يوم بحبك اخون ياحوول لاتخليني ادرعم في حبك وتقول الهوى مقسوم
من بعد ماشفتك راحت عني الذراقه والغموم لما اشوفك مع غيري أحس بالقلب غتسه وهموم
مهوب صيدي نجاسه لكن الغيره تحطم قلبي المكتوم قط انك تحب غيري من هالبشر الشيون

[B](والحين بقلب عليه ) لاني كفشته خاق مع وحده <--- مايمديكم على ذا الغيره

أرجوك لاتخلي قلبك سمردحه الكل عليه يمون أكيد انت كمخه يوم تركت القمر ورحت لما النجوم
طنقرت في رأسي ماعاد اكلمك بعد اليوم أونس بتسبدي حروره واحس اني محموم
أمحق انك تحبني أجل تسيف اللي يحب يخون انا كنت خبله يوم حبيتك ونقيتك من ذا القوم
المفروض اني افطن لك وأعرف أن ضميرك معدوم دزميحه ياليتني ماصرت في حبك مفتون
بصرك ماعاد تعني لي شي بعد اليوم أشوفك تزقح مع غيري دايم دوووم
أفا ياذا العلم صرت بحياتك مالي لزووم وانت تردح بقلبي وحتى انا خاشع بالنوم
وجع يرقعك تخونني لاجل عيون فتون حبيبي لاتجيني بكره تطوطح يدك وتقول وينك يالمغروم
تتسحتني يالهيس الاربد وتطعني بسكين مسنون حسبي اله عليك اقولها كل ماتشرق الشمس ويطلع المون
تهقى اني على جريف مااقدر اخون مجزور يوم تحسب انك ملك الكون
واخيرا حجت البقره وباض الديتس بعد هالغموم يبطش حبيبي يوم قال احبك ونقيتك في هالكون
لكني سنعة هيله مايمشي معي هاللون قلت ابعد لاتحسب اني مبوبزه على زلفة الحب احتريك عقب هاليوم
سديراويه حبيبه ماهي من الي يغلطون ومن يغلط عليها تقلب عليه فرعون

معاني بعض الكلمات لغير الناطقين باللغه السديراويه :

ادوج : ادور فيذا او فيذا
دعاسيق : هو جمع دعسوق اي الممر
مهجوج : مصدره هج وهو عكس تزديم اي تزديم الباب اي فتحه ( مفتوح )
قطيشه : مأخوذه من القطيعه وهي سب
أدربي دمجتي : تجي بمعنى المسبوه او المفهي:o
اتلحطم وابرطم : احاتسي روحي من شدة الزعل
هيت لما : اي تعال بقربي
الله يزديلك : الله ينور عليك
أعمت :احوس وابحث .
استاحش : من الوحشه بفتح الحاء اي اخاف
الذراقه : تجي بمعنى الجبن والزبده قصدي الخوف.
غتسه : اي ضيقه وكتمه .
ماهوب صيدي : ماهوب قصدي
قط : ولا مدري وش معناتها
سمردحه: اي مشرع الكل يدخل ويطلع على كيف أم جابته .
كمخه وطبله : سيه ( لاتعليق )
طنقرت : مأخوذه من الطنقره مثلا يقال رجلا مطنقر اي مصر على رأيه.
أمحق : طل

[بنت الاصول]

اعتذر عن نقل العنوان بالغلط

هو عشق سديراوية == وليس عشت

[بقايا الذكريات]

ههههه

فديت السديراويه


لا هنتي بنت الاصول على النقل الجميل مثلك

[بنت الاصول]

المشاركة الأصلية كتبت بواسطة بقايا الذكريات   ههههه فديت السديراويه لا هنتي بنت الاصول على النقل الجميل مثلك

ههههه
هلا فيك يالغاليه

الله لايهينك بقايا الذكريات

مرورك اسعدني شكرا لك وجزاك الله كل خير