حضور على الطاير

[ابو الوردتين]

بسم الله الرحمن الرحيم
السلام عليكم ورحمة الله وبركاته
ونحن على ابواب اجازة نصف العام..
مخيمات البر هل هي ترفية ام اتكاليه..
اجتماع وصله رحم وفله أو وجبة تؤكل وانتهينا..
فلنناقش هذا الامر..

[حتما ً سأكون]

وعليك السلام والرحمه
على حسب شخصية الواحد ..
إذا هو مؤثر والا يجي كمالة عدد
و بعضهم يمل من كثر الكرف والتحضير كل مره .. فيصير مثل غيره ضرس اعلى


شكلك ناوي على مخيم كم يوم

[بنت الاصول]

وعليكم السلام ورحمة الله وبركاته

البر وماادرك مالبر كلها كشتات اما تقليد او عاده يعني يحسبون اذا جاء الشتاء لازم يخيمون

او تباهي كل واحد يسوي له مخيم كنه قصر مكتمل من والى حتى الدبابات الفخمة يجيبونها

وبعضهم هوايه يجد فيها كل المتعة خاصة اذا كان بصحبة اناس اخيار

اخي الكريم ابو الوردتين شكرا لك على اختيار هذاالموضوع الجيد

[ابو الوردتين]

المشاركة الأصلية كتبت بواسطة حتما ً سأكون   وعليك السلام والرحمه على حسب شخصية الواحد .. إذا هو مؤثر والا يجي كمالة عدد و بعضهم يمل من كثر الكرف والتحضير كل مره .. فيصير مثل غيره ضرس اعلى شكلك ناوي على مخيم كم يوم

حتما ساكون
حياك الله
اي والله ياكثرهم الضرس الاعلى
عند الوجبة مابه انشط منه لكن بالفزعه البنقالي انشط منه هههه
وش دراك اني ناوي ع مخيم انا الحين متدغمل بالفروة وقدامي حطب السمر ودلة حليب بالزينجبيل
والهيل تدهر ههههه
مشكوووووورة والله يعطيك الف عافيه

[ابو الوردتين]

المشاركة الأصلية كتبت بواسطة بنت الاصول   وعليكم السلام ورحمة الله وبركاته البر وماادرك مالبر كلها كشتات اما تقليد او عاده يعني يحسبون اذا جاء الشتاء لازم يخيمون او تباهي كل واحد يسوي له مخيم كنه قصر مكتمل من والى حتى الدبابات الفخمة يجيبونها وبعضهم هوايه يجد فيها كل المتعة خاصة اذا كان بصحبة اناس اخيار اخي الكريم ابو الوردتين شكرا لك على اختيار هذاالموضوع الجيد اختي بنت الاصول للاسف لقد بالغ الكثير باساليب الترفيه الى حد انهم يجيبون الدشوش والاجهزة اللوحية فسلبت الرحله رونقها وبساطتها مشكوووووورة والله يعطيك الف عافيه

[حتما ً سأكون]

المشاركة الأصلية كتبت بواسطة ابو الوردتين   حتما ساكون حياك الله اي والله ياكثرهم الضرس الاعلى عند الوجبة مابه انشط منه لكن بالفزعه البنقالي انشط منه هههه وش دراك اني ناوي ع مخيم انا الحين متدغمل بالفروة وقدامي حطب السمر ودلة حليب بالزينجبيل والهيل تدهر ههههه مشكوووووورة والله يعطيك الف عافيه

بالعافيه .. أنا توني راجعه البيت بس الجو الجميل ( زي اليوم ) يلغي التعب


إحنا نخيم كل سنه في الثمامه ( الملك خالد ) لكن ملينا منها ودنا نغير

والمشكله أن المخيمات اللي شفناها كلها تستخدم الخيام اللي بحبال ، خطيره ومتعبه في الحركه
وبرضه أرضية الخيام مهي مستويه ..

نبي شي في مستوى مخيمات الثمامه من النظافه والترتيب والامان .. والله انها مشروع مربح بس عيبه أنه وقتي في الشتاء فقط ..

طلعنا برا الموضوع

[انثى الجزيره]

وعليكم السلام ورحمة الله وبركاته
مقدر افيدك ماعندنا طلعات اقاربيه 《ربعها ناعمين

لكن من الذوق كلن يجيب معه شي وغالبا يكوون كل شي قطه

الف شكر اخي ابو الوردتين

[ابو الوردتين]

المشاركة الأصلية كتبت بواسطة انثى الجزيره   وعليكم السلام ورحمة الله وبركاته مقدر افيدك ماعندنا طلعات اقاربيه 《ربعها ناعمين لكن من الذوق كلن يجيب معه شي وغالبا يكوون كل شي قطه الف شكر اخي ابو الوردتين

حياك ربي اختي انثى الجزيرة
انتم ع الاقل تتعاونون غيركم يجي يفنك وفي رواية ياكل
ومايجيب معه الا المناديل عشان يمسح فيها ههه..
مشكوووووورة والله يعطيك الف عافيه

[بنت الاصول]

هههههههه حلوه المناديل مايتعب نفسه

بس ارى انه قبل الاتفاق على الطلعة للبر يكون فيه تنسيق مسبق

كل واحد له شغله يسويها ويحظر محتوياتها وتكون عن رضى الجميع

حتى تكون الطلعة مريحه للجميع وكل عارف شغله

اما الي يجي وياكل ويمسح فمه بمنديل فبيته افضل له