عزوز الخبل والعجوز.....

[غريب الدار]

في يومن من الادياز....... رجعت يم البيت متاخر حول مايذن الفجر توني داخلن للبيت ليني اسمع صوت مدابج في غرفة العجوز - - الله يطول بعمرها - - قعدت اسمي على نفسي شوي لاتصير ذا العجيز داقه الحنتس مع اهل الارض ولاش --- هقوتي رفعوها سامريّــه --- المهم قلت ابدخل بسرعه لغريفتها قبل لايهجون هاللي يدابجون ....... قلت لازم استعد قبل لاادخل عليهم .............. نطلت الخوف خلف ظهري ...وامتطيت صهوة زبيرياتي ... واسابق الرياح القادمه من ( باث رومها ) ياللهول ياللهول ...من الروعه ........ قلبي مهشوش وشعري منفوش اريــد كسر بابها لكنه بقروش ......... مازا افعل ياترا ؟ ....... ( آآآآه لو يشوف هالاسلوب ابو الطيب الفرزدق انتسان يتحسف انه كتب قصيده )...... توقفت بي قافلة الخوف اما بابها ....... وهنا .......قعدت التقط بداد انفاسي ( بداد = هماك لين كلتا الرز وطاح منك شوي اسمه بداد... صوره جماليه )

المهم المدابج في غرفتها مابعد راح قلت مابدهاش لازم ادخل وشوف وش السالفه فتحت عليها الباب ...... ليني اشوفها لحالها ماعندها احد داقه البرطم وزعلانه ...... ضاق صدري عليها شوي ذا العجوز قبلها زعلانه الله يعيني على طلباتها كل يوم ناقزت لي بطلب ....... قعدت ازبط نفسي قبل لااكلمها عقب الرحله الطووووووووووووووووويله اللي سويتها قبل لدخل عليها ...... الكشه المنتفشه قعدت اكدكد فيها والسعابيل المتطايره يمدحون طرف الثوب والحواجب ... الحواجب ...... ( اما الحواجب يبيلها قعده )



احسن طريقه لزبرقة الحواجب :-

المقادير : 1- مصبع ( السبابه ) . 2- قليل من السعابيل .

الطريقه : ضع مصبعك في طرف لسانك لمدة ثانيتين سيصبح مبللا بحامض هيدروسعابيل وصيغته () امسح مصبعك في حواجبك من بداية الحواجب لين نهايتها مسحه وحده ومالك الا ان تصير حواجبك مشبصه ويابسه تسنها عسيب ( سعف النخل ) .... واهم شي تاكل علك باطوق بطعم الفراوله او الموز اللي يجي عشان تصير ريحة الحواجب مقبوله ..... اما انكانك راعي لبان ( لبان = علك الاولين ) انكانك راعي لبان مثلي وشراوي الله يعينك على الصنقه والروائح اللي كنها ثاني اكسيد الخياسون ....... اما اذا بتتأكد من صحة الطريقة والمقادير يجب عليك التاكد من المعادله الجزيئيه للصيغه البنائيه لمادة هيدروسعابيل وهي :-



S3ABEL + H2 + O2 ـــــــ احتراق ــــــــ> S3ABEL OH + H2O + تطاير حامض العسبان

من الواضح ان المعادله غير موزونه ....... لوزن وزبرقة المعادله يرجى اكل علك باطوق ...... تحذير باطوق بطعم القرفه غير صالح للمعادله لمايسببه من احتكاك مع حامض العسبان



المهم عقب مازبرقت نفسي وشخصت جلست جمب العجيز قلت هاه ياقميل ( ياجميل مهوب شي ثاني ) هاه يا قميل القمر وش بلاه زعلان ؟؟؟؟؟؟؟ ...... صارت خدودها برتقاليه ( برتقاليه من الحيا عقب ماقلت لها ياقميل ) ....... قالت لي ياعزوز ..... قلت يالبيه ..... قالت لي ياعزووووز ... قلت لها لبيه بعد تسبده وش عندتس لاتستحين .. قالت لي .... تراي حلوه وقمر انا عارفه بس لاتقولها لي قبل عشان ماتفتقد الكلمه لرونقها --- وشو رونقها ----- قعدت اسمي عليها شوي قلت لها ... انتي تقرين قصص من وراي؟؟....... خابرن ماعندتس الا هالسامريات اللي تردحين فيها من الضحى لين تغيب الشمس من وين جبتي رونقها ؟؟؟؟ ........ قالت لي توني زارفتها ( زارفتها = مشلحتها = سارقتها = اخذت الشيء زرفاً ) ...توني زارفه هالكلمه من فلم عربي جابته لي ام دحيم مرت جارنا ابو علي ----- ابد ماهذرت هالعجوز ----- قلت ايه تعالي ونا ولدتس يومني ادخل البيت سامعن صوت مدابج وملاطخ في غريفتتس وش ذا الصوت ؟؟؟؟ ... قالت لي ابد ونا امك انا قاعدتن امتر الغرفه قلت لها وشهوله ؟؟ ..... قالت لي ابيك تغير لي مهوب كيت الغرفه .. مهوب كيت = موكيت الغرفه ) قلت لها اراه ونا ولدتس توني مغيرن لتس مهوب كيتك ماله ولا شهر :...( ....... قالت اللون ماجاز لي ابيك تغيره ...... قلت اذكري ربتس يابنت الحلال طفرتي بي طلباتتس كثرت مهيب مشكله بس خليها على سنع ...... قالت خلاص انا قررت..... وراسي مندزلب من كثر التمتير قلت اذا على راسك ازهب لتس قهيوة يحبها قلبك .......... وانا الي اطمر للمطبخ وازبرق لها ذيك القهوة اللي تاكل مصابعها اللي تسنها بسكوت ( رينجو ) من زينن في طعم قهوتي .......... شربت اول فنجال وماش مابعد اسفهلت ... قالت لي قم جب لي مسمار قهوتك مافيها مسمار ........ دوكاه في المطبخ في الدولاب الفوقي تلقاه في قوطي نيدو ......... رحت للمطبخ فتحت الدولاب الفوقي على قولتها لقيت ثلاث قواطي نيدو ...... وين المسمار منهن مدري ...:.... تعيجزت افتح القواطي مافيه الا حقره بقره ... واطق الحقره بقره بين القواطي واخذ لي واحدن منهن ..... عطيته العجوز قالت لي اندزلع مناك خلني اتهنا بالقهوة ...... قلت ابشري يابعد تسلوتي اليمنا .



فتحت القوطي صبت منه على فنجالها ...... هي عندها الشوف شجر مهيب تشوف زين ..... انا قعدت اناظر هاللي في القوطي لونه ابيض ؟؟؟؟؟؟؟ مسمار لونه ابيض ؟؟؟؟ اول مره تجي سكت وخليتها تتهنا بقهوتها ..... همن يوم خلصت قلت هاه ؟ بشريني استقعد راسك عساه مهوب مندزلب للحين ؟؟.....



قالت ياوليدي قلت لها لبيه ....... قالت ياوليدي ياوسالي ياوهايدي ياوكبتن ماجد ----- قعدت اتحمد شوي ---- قلت لبيه وش عندتس ؟؟ قالت غير لي لون المهوب كيت ( الموكيت ) ...... قلت انشالله ابشري الله يصبرني عليتس بس وش تبين لونها عشان مهوب تجيني باتسر ولا عقبه وتقولين لي عزوز غيـّـر المهوب كيت ......... قالت ابي اللون مثل الوان البوكيمون .. وابي تحط لي وسط المهوب كيت صورة بيكاتشو وصورة اللي مابعد كشتو ...قلت لها انشالله ..... انا من عقب ليدي وهايدي وسالي وكبتن ماجد وانا قلبي ناغزني حاس فيه شي غلط وشو مدري لاوجتني سالفة البوكيمون بعد ....الله يصبرني عليتس ياعجوزي .......


المهم قلت لها خلينا نردزد ( نرقد ) ومن اصبح افلح ....... قالت عزوز قلت لبيييييييه ... قالت منتاب مغني لي اغنيه قبل لاانوم ؟؟ ...... قلت ابشري ... وانا اللي الحفها بالكنبل ذاك اللي فيه صورة نمر احول ... واوسدها بذيك المخده ام ريش مكتوبن عليها تصبح على خير يالاشهب ( هالمخده حقتي بس جازت لها وخذتها مني .... ......وغنيت لها .... كان فيه سحليه ...... عايشه في الدرعيه ...... لها ذيلين ...... واربع رجلين ..... جعلها تاكل عدوتس ...... هم هم هم ........ نومي نومت العوافي .


المهم اصبحنا رحت شغلت ونيتي عشان بروح اشتري لها مهوب كيت غريفتها ....... قلت منيب رايحن لحالي ابزهم على اخوياي الشقرديـّـه ( حقين الفزعات بس ) ...... عشان يشيلون معي ...... رحت وزهمت على ثلاثه منهم العزيزين علي مرررررررره ريان وهاني ولؤي ..... واعدتهم عند المحل والله ماقصرو فزعو في المكاسر ( المكاسر = تنقيص قروش المهوب كيت ) ..... هاني مشالله عليه فنان في هالامور مهوب مثلي الله يخلف ........ المهم جا وقت الفزعه الصدزيه ...... جا وقت شيل المهوب كيت ....... ريان نشب في حلدزي قال لي ياعزوز هات مفتاح الونيت بقربه لكم وانتم شيلو ( امحق فزعه ) ..... هاني قال لي ياعزوز انا بروح اركب في صندوق الونيت وافتح لكم بابه عشان اسرع في التحميل ........ معاد بقا الا انا ولؤي ....... وش السوااااااات ؟؟؟؟؟؟؟؟ ....... مالنا الا نزحجل هالمهوب كيت لين ناصل الونيت ( نزحجل = تحريك الشي من مكان الى مكان اخر ..... وهي مقسمه الى قسمان ... نزح و جل ... اما نزح ماخوذه من النزوح و جل ماخوذه من الجلول ... وشو الجلول مدري )........... المهم بعد معركة حامية الفطيس .... وصلنا للونيت وركبناها عقب مشقه وعناء وكرف ......



وصلنا للبيت ...... وجا وقت الفزعه مره ثانيه ...... نبي نحول هالموكيت في غريفة العجوز والله ونعم كلهم هالمره فزعو....... فرشنا المهوب كيت الجديد قامت ذا العجيز تطامر وتناقز فيه ( مستانسه بعد تسبدي ) ............ المهم عقب المطامر والمدابج على مهوب كيتها الجديد قعدت على حيلها ..... همن ........ رفعت رويسها وقالت لي ...... عزوز .....قلت لبيه بعد تسبيده ....... قالت لي راسي مندزلب ابي لي قهيوه تعدل مزاجي ..... قم زهب لي هالحيييييين ........ قلت ابشري طال عمرتس ....... وانا اللي اقمز للمطبخ وازبرق لها القهيوه واجيها طااااااااااااير ...... حطيت عندها القهوه وقالت لي يالله عاد انفهدز مناك خلني امخمخ على هالقهوة قلت ابشري ........ شربت فنجالها الاول همن ناظرتني نظرة انكشاح وتعصب ( نظرة انكشاح = واحدن زعلان ) ..... قالت لي كم مرتن ونا اقولك قهوتي اي فيها مسمار اراك ماحطيتا لي مسمااااااااار ؟؟؟؟ ..... قلت لها ياميمتي هماتس حاطتن المسمار عندتس حدر السرير من البارح دوكي قوطي النيدو حدر السرير محدن جاه ........... ......

المهم السرير ورا ها تعيجزت تلتفت عشان تروح له ... والله وهي اللي تسوي سوبلكس رائع ... ( سوبلكس = يعرفونها حقين المصارعه وهي عباره عن كنبسه خلفيه ) ... المهم خذت القوطي اللي فيه المسمار يوم صبته على فنجالها ..... واناظر...... لونه ابيض ؟؟؟؟؟؟؟؟ ....... خلصت من قهوتها ...... قلت لها هاه .؟ بشريني استقعد راسك ولا توّه ؟؟ ...... قالت لي عزوز ... قلت لبيه بعد تسلاه ...... قالت ماودك نلعب شبرا امرا ...... ولا نغني انا في الروضة ويّا ارفدزاي ..... ؟؟ قلت وش بلالالالالالالالاتس؟ من عقب السامريات قمتي تغنين انا في الروضه اكيد صار لك شي وش منه ؟؟؟ ...... من عقب البوكيمون وهايدي وسالي وكبتن ماجد وطقتها ونا قلبي ناااااااغزني ........



هقوتي المسمار الابيض فيه بلا ...... وامعط قوطي النيدو اللي فيه المسمار من ذا العجوز واشوف لين غطا القوطي محطوطن عليه لزقه ومكتوبن عليها

؟

؟

؟

؟

؟
؟
؟
؟
؟
؟

سيريلاك

[هادي]

ممكن مترجم لبعض الكلمات
وسلامتكم