إستغاثة

[عبدالله الشويمان-الرعد]

[align=center]اليكم هذه الابيات اتمنى ان تحوز على اعجابكم.[/align]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إستغاثة
يالله يا مجيبٍ دعا شاعرٍ فات=يوم لعبادك إستغاث ولطفته
رجل الهزازن حي ذكره وما مات=عند العرب شعره موثق وشفته
أدعوك مثله يا الاه السموات=والارض وما فيها وكلش كشفته
منك الكرم يالله في كل الاوقات=وانت الكريم ان جا ضررنا كففته
تنشي مزون الوسم لقح مروات=غيثٍ يغيث القاع بامرك عسفته
لعبادك اللي مشتهين العطيات=والخير لامنك عطيته نزفته
ما غير كلمة كن الاهي يجي آت=غربيةٍ تنشي بها البرق خفته
تمشي على مهلٍ تهل المديمات=لين الثرى يجهض حياً ما ولفته
قريحتي جادت بتسعة هالبيات=والله لطيف وعارفٍ ما شففته
عبدالله الشويمان-الرعد
الثلاثاء 16/9/1426 هـ.
وسلامتكم[/poem]

[راعي الروضة]

[align=center]أخوي / عبدالله


تشرفت أن أكون أول المصافحين لهذه الراااااائعة


تقبل الله منا ومنك وأسأله تعالى أن يستجيب لك وأن يغيث البلاد والعباد


أنه سميعٍ مجيب


عزيزي :


شكراً لنثر أبداعك بين الحين والآخر


ودمت ودام تواصلك الغني بكل ماهو مفيد


وتقبل أصدق عبارات الود من أخيك


راعــي الــروضـــة[/align]

[سعود الخليل]

صح لسانك اخوي عبد الله على هذه الإستغاثة الجميلة ...

ونسأل الله العلي القدير ان يغيثنا ويرحمنا ...

[عبدالله الشويمان-الرعد]

[align=center]الأخ راعي الروضة

اشكرك جزيل الشكر على اطرائك الجميل..

وما عليك زود يا الغالي.

وصح بدنك.

ومع احترامي تقبل تحيتي وسلامي.[/align]

[ناصر الحنو]

[align=center]الله الله الله عليك

دعاء صادق

والتجاء لله

هنا ابداع شعر

وصدق نبض

وجمال حضور

نسأل الهل ان يتقبل الدعوات

وان يغيث البلاد والعباد

صح لسانك وسلم بنانك ولاهنت ياغالي


كل الحب والتقدير


اخوك ناصر
ظماالعشق[/align]

[عبدالله الشويمان-الرعد]

الأخ راعي الأوله
المشرف العام

صح بدنك يا الغالي.

سرني وشرفني مرورك..

ولا هنت ..

لك مني ازكى تحية.

[القيصـــر]

السلام عليكم


أخوي عبدالله الشويمان بوح راقي
وإحساس جميل
وشعور متميز

اللهم أغث البلاد والعباد يااارب

دمت بصفاء وشكرآ على الحرف الأنيق .


القيصـــر

[عبدالله الشويمان-الرعد]

[align=center]الأخ ناصر الحنو
ظماالعشق

تسلم يا الغالي

وصح بدنك.. وأشكرك على الاطراء..

وعيدك مبارك وعساك من عواده سنوات عديده.

وكل عام وانت بخير.[/align]

[عبدالله الشويمان-الرعد]

الأخ القيصـــر
مشرف المنتدى الرياضي

تسلم يا الغالي وما عليك زود.

واشكرك على تفضلك بالاطلاع والمتابعة.

لا هنت

[عبدالعزيزال حمد]

صح لسانك يالرعد
صح لسانك ياعبدالله
والله يستجيب منك امين يارب العالمين

والحقيقة ان رسالتك وصلت في الرد على قصيدة الاستغاثة التي من نظمي
والتي تبشرني فيها بنزول المطر على القصيم
الله يبشرك بالجنة وان شاء الله نشوفه على المحمل وسدير الليلة
ولاهنت ياشاعرنا المبدع