جلابص + حرفوش من خرفوش = حب (قصة خبال)

[++جلابص++]

هلا بكل أعضاء منتدى سدير...

انا يالربع كتبت موضوع بمنتدى سدير واعجبني قلت خلني أجيبه هنا نوسع فيه صدور أعضاء سدير الحلوين... تعرفون اليوم خميس وبكرا جمعه وبعده اسبوع أجازه والعالم فاضيه قلت خلهم يقرون هالقصه يمكن يستفيدون منها او يكون معنا منتجين ونعملها فلم<<عساكم فهمتوها
-------------
سلااااااااااااام مربع لكل المقلعين

هذي قصه حقيقيه:015: تحكي معاناة الحب بيني وبين مشرفنا العزيز حرفوش بن خرفوش عشان مايزعل علينا مشرفنا الغالي (طبعأ القصه بناء على طلبه هو وحتى الموضوع هو الي محدده ) طبعأ هددني المشرف بحذف يوزري اذا ما كتبت له القصه خلال ثلاثة ايام وهذا الكلام البارح بالليل قبل أنام وان تكون ما تقل عن ثلاثين سطر (بدء يكب العشاء جلابص ) انا كتبت القصه بس مهوب خوف من تهديدات من خرفوش لكن عشان ينفذ طلبي زي ما نفذت طلبه واحب اقول طلبي قبل لا ابدء بسرد القصه:

طلبي هو انه يكتب فيني قصه ما تقل عن 33 سطر وخلال يومين فقط وبعنوان (( الزير جلابص )) وش تناظرون حر انا وأختار موضوع على كيفي

واذا حصل بعد يا حرفوش ترسم لي صوره تتخيلني فيها وانا زير وراكب حصان اسود ومعي سيف نيكل (هلا بيك يالرسمي ناقصك معروض فيه رقم الجوال وتدور عند الفيصليه ) لا تنسى تحط لي شعر طويل وحاول تكون البطله حلوه

الزبده نعطيكم القصه...

ترجع قصتنا الى عام 105ميلادي

المكان: قبل لا يخططون الدول لكن في مكان يدعى الجزيره العربيه الآن

كان فيه مدينه كبيرة تعج بالسكان والحضاره

وكان فيها فارس الفرسان اسمه جلابص

وكان محبوب وبنفس الوقت له هيبه بين الناس لدرجه انه اذا طلع زيقاره يتطامرون النا س بولاعاتهم عشان يولعون له

الزبده صديقنا جلابص بدء يكبر رأسه لانه ما في الساحه الا هو وباقي اهل الديره خجم

وصار يمشي بالشارع ويشوف الناس قواطي من زود الكبرياء

حتى فيه واحد ضعيف في ديرتهم وكلن يضحك عليه اسمه الظاهر انه (حرفوش بن خرفوش) لا يغركم الأسم تراه معصقل وقصير وبه ثعلبه بشنبه

المهم جاء هذا حرفوش يعرف جلابص وكل عمرهم يلعبون مصاقيل سوا ايام زمان وجاء يكشخ عند اخوياه وهم مجتمعين عند الحانه (البار حق الأولين) وقالهم دقيقه بروح اسلم على جلابص صديقي

يوم مد يده لجلابص

جلابص ناظره بنص عين وفصخ القبعه حقته (كو بوي الولد ) وعلقها على يده ودخل جلابص للحانه

وقعدوا اخويا حرفوش يضحكون عليه ههههههههههههه

حقد حرفوش وبنفس الوقت ما يقدر يتحرك الا لما يطلع جلابص ويعطيه القبعه لانه لو تحرك جلابص بيجلده جلابص ويمكن يحط قلم بين أصابعه ويرعص اصابعه

طلع جلابص بعد 6 ساعات وحرفوش منطق في الشمس تقول دميه الي في المزارع

اخذ القبعه جلابص وصفق حرفوش كف وقاله: وش فيك ما مسحتها يا صتيمه

راح حرفوش يركض وهو يبكي كما الحاشي العرج وكان يطلع صوت كما صوت الجنيه الي تولد ويسمون هالصوت بكاء حرفوش

وفي يوم من الأيام كان الفارس جلابص يلحق موكب تفحيط (مهوب كوامري عربات خيول)

الزبده انه قلب راعي العربانه الي يفحط واجتمعت عليه العالم (تراه من ذيك الأيام والناس ملاقيف ويحبون يتفرجون على الحوادث)

الزبده انه جلابص جنح عنهم وراح يتمشى في البراري وشاف شباب يتفرجون على فيديو (جلابص تراك في اول القصه قلت انها صارت عام 105 ميلادي يعني قبل الهجره وقبل التلفزيونات! جلابص:داري بس انا اقول كان عندهم ذاك الوقت تلفزيونات انت تقول لا بقولك انت كنت حاظر ذاك الوقت يوم انك تكذبني؟ خخخخخ )

الزبده انه جلابص تكى معهم وتقهوى وجابوا له شيشه

وكانوا يتفرجون على فلم كرتون هذاك الفار الي انقذ الأسد من الصيادين وبعدين الأسد صار مدين بحياته للفأر

اول ما شاف الفأر تبادر لذهنه حرفوش بن خرفوش

وقال جلابص في نفسه لازم اضبط العلاقه معه لأني يمكن احتاجه في يوم من الأيام

ورجع جلابص للديره يمشي ترليون وكابس العالي بعد

وجلس يدور على الفار قصدي حرفوش

وحصل فيه بقعه مويه بالشارع وعيال الديرة باطحين حرفوش عشان يمرون من فوقه يعني بالعربي حاطينه جسر

جاء جلابص وصفق العيال الي لعبوا على حرفوش وقالهم قسم بالله الي يتحرش في حرفوش اني لا انتف اباطه

واخذ حرفوش من الأرض وقاله انا بطلع للصيد وابغاك تروح معي كانك فاضي؟ (جلابص خبيث يبي يضبط العلاقه مع حرفوش )

حرفوش قال: موافق موافق موافق

طلعوا للشرقيه واخذوا اليخت حق جلابص وأخذوا العده وعبوا الجراكل مويه واخذوا السلق والبنادق وطلعوا للبحر لانه جلابص ماسكه معي يذوق لحم الكنغر!


قاله حرفوش: الكنغر يا جلابص ما يطلع في البحر الا في الليل...قال جلابص لو اجلس اسبوع في البحر انا ماني راجع للكورنيش الا وانا صايد كنغر

وسبحان الله يقولك ما فيه حب الا بعد عداوه

بعد ما جلست يومين في البحر مع حرفوش حبيته وهو حبني

لانه بصراحه رهيب الولد وعنده مواهب بس ما كان يطلعها في الديره

لدرجه انه يعرف يقلد صوت الناموسه ههههههههه ويقلد صوت خالد عبدالرحمن (جلابص تراه السالفه في 105 ميلادي ! داري انت و وجهك مهوب خالد عبدالرحمن حقكم الي الحين هذا واحد اسمه خالد عبدالرحمن سوداني راعي بنشر ذيك الأيام خخخخخخخخ )

وفي الليله الثالثه حدث ما لم يكن بالحسبان >>> طرررررنن (موسيقى الأفلام المرعبه)

سمعنا خرفشه داخل السفينه وانا الي اطلع ومعي سكينتين كل يد فيها سكين وطلع معي حرفوش يوم فجأه

شيء ما حرك السفينه وكنت خايف على حبيب قلبي حرفوش لا يطيح بالماء

جيت بمسكه لكن للأسف نسيت انه يديني فيها سكاكين يوم طعنته طعنتين في يدينه

يوم انهبلت وجيت بشيله ادخله جوا السفينه ومن الروعه نسيت مره ثانيه انه لازالت السكاكين في يديني

وانا الي اشيله لكن السكاكين وحده دخلت في بطنه و وحده في ظهره

يوم الولد بدء يخرخر دمان من كل جهه

يوم اني انهبلت وبديت اصقع نفسي من الحسره وللأسف اني للمره الثالثه انسى ان السكاكين لازالت معي

يوم شققت راسي وصدري وانا الي اطيح جنبه وكلنا نخرخر دمان

واقعد اقوله معليش يا حرفوش والله أنا آسف قال ما عليك ما صار الا الخير

وتذكرت ذاك الفلم كرتون قلت في نفسي اكيد القصه كذبه لأنه هالفار الي معي ما انقذ حياتي

وما امداني اكمل كلامي الا حرفوش مطلع جوال من داخل الشراب الي هو لابسه حتى كان كوبرا احمر ما انساه طول عمري

وكلم على خفر السواحل و3 دقايق وهم عندنا وانقذونا

وبالفعل انقذ حياتي الفار قصدي حرفوش من خرفوش وصرنا بعدها اصدقاء ما نفارق بعض ليل نهار ونباشر على بعض

وخلصت وبلصت (احس انه نهاية القصه زي نهاية الأفلام المصريه بايخه هههههههههه )

(معليش حرفوش خليت نفسي البطل بالقصه بس عادي انا الي كاتبها وبعدين وش حيث السدحان والقصبي لهم 11 سنه ابطال طاش ما طاش وانا لا )

وعلى فكره تراني كاتب هالقصه وانا في الدوام يعني ما أخذت راحتي ولا كنت ادخن ولا مددت رجيلاتي وانا اكتب لذلك لا تشرهون علي.... حتى مكتب المدير جنبي ويسمعني وانا اطقطق في هالكيبورد وطلع لي وقالي: اعنبوك يا جلابص هذي كيبورد والا آلة شفرات جيش هتلر ههههههههه هذيك الي يطقطقونها ويرسلون برقيات سريه بين الكتائب...

يله سلاااااااااااام واعذرونا على القصور...(قصور ولا فلل انخخخخخخخخخخخ سامج حتى الموت ) وانتظروا مني الجديد

شيخ المقرقعين

جلابص

[ملك البلوتوث]

كع كع كع كع كع
كع كع كع
كع

الله يرج قريحتك...والله منتب صاحي انت وخويك اللي اسمه مدري وش يبي

مشكور حبيب قلبي على القصة ولاتحرمنا من جديدك

ملك البلوتوث

[King Sudeer]

هههههههههههههههههههههههههههههههههههههههههههههههههه هههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههههه
هههههههههههههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههههههههههههه ههههههه
ههههههههههههههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههه


الله يرجكـ رجا مبرحاا


مشكور اخوي جلابص قصدي الزير جلابص على الموضوع الجميل


والله لا يحرمنا منكـ ولا من مواضيع الجميله


والله يعطيكـ العافيه

[المغترب]

ههههههههههههههههه


الظاهر اننا كسبنا عضو جديد مقرقع في منتديات سدير

أسمه جلابص

لاتحرمنا من جديدك

وشكرا

[++جلابص++]

المشاركة الأصلية كتبت بواسطة   الله يرج قريحتك

الحمدالله قريحتي متعطلة ضاربه فيوزها خخخخخخخخخ

المشاركة الأصلية كتبت بواسطة   والله منتب صاحي انت وخويك اللي اسمه مدري وش يبي

خخخخخخخخخخخخ...تعال ياأبن اللذينا...قريت اسمي والا نسيته تقرأه




شاكر لك هالطلة

[++جلابص++]

يوووووووووه قلبت المواجع يا كنج سدير يوم رديت على هالموضوع

تصدق انه الموضوع صار له سنه من تاريخ كتابته

وجلست اتذكر يوم اكتبه كأنه امس اتذكر زين

سبحان الله كيف العمر طاير ورافع ثوبه ويركض

وشاكر لك هالطله

[++جلابص++]

هلا بالمغترب

وراه ماعندكم احد مقرقع مثلي في هالمنتدى...وماعندي مانع استقدم سواويق وخدامات وعمال مقرقعين من بلدان الشرق الاسيوية خخخخخخ<<تراني مزوووحي

والله يجبر بخاطرك لانه هالأعضاء التالين صايرين يقرون المواضيع ويهجون بدون ما يردون موضوعي اصنق وهو ما رد عليه أحد لكن جابك الله يا عطية الله

ومع ذلك لن أيأس وراح انزل مواضيع لعيون هالمنتدى <<اموت عليك يالعصامي

وابشر بعزك والقادم احلى وصيفنا مع اهلنا احلى

شاكر لك هالطلة

[هرمنا]

جلابص

جلابص


جلابص

ياجماعة هالأسم قد مر علي

انت دارس معي في مدارس الرواد ايام التمهيدي؟؟؟

===================

((((((((واذا حصل بعد يا حرفوش ترسم لي صوره تتخيلني فيها وانا زير وراكب حصان اسود ومعي سيف نيكل (هلا بيك يالرسمي ناقصك معروض فيه رقم الجوال وتدور عند الفيصليه ) لا تنسى تحط لي شعر طويل وحاول تكون البطله حلوه ))))

الله يرجك يا شيخ

شاريه من الغرابي اجل

خخخخخخخخخخخخخخخخخخخخخخخخخخخخخخ

من جد موضوع فلللللله:

بس ماش عسى مهوب جو العمل ومديركم هالعلة تبي تخلينا نبطي عن جديدك


القف مني احلى تحية


اصبر قبل ماتلقف التحية

توقيعك ورى ما يجيب اسعار الاسهم

[جورية]

[grade="00008B FF6347 008000 4B0082"]جلابص جلابص جلابص

هالاسلوب مار علي بس منهو منهو يارب ؟؟

الظاهر اني عرفتك

بس مانيب قايلة خلها سر يا الزير جلابص

عاد انا فطينة من عمري بسم الله علي

عموما موضوع مصرقع كما عودتنا عليه يا احلى جلابص

بس اموت وافهم وش معنى جلابص ؟؟

((ومع ذلك لن أيأس وراح انزل مواضيع لعيون هالمنتدى <<اموت عليك يالعصامي ))<<<<<<< اموت بالوفاء[/grade]