(( الهم حرّاقٍ وللفرح سرّاق ))

[ثامر البدراني]

[align=center]السلام عليكم

هذي قصيدة لي في الهم أتمنى ترقى لمستوى ذوقكم الرفيع

أقول فيها :

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضاق الصدر والحزن والله ما اطيقه=وحروفي هلّت دمعها فوق الأوراق
الوقت ضيّق زود على الغم ضيقه=والفرح ما له بالرجاجيل ميـثــــاق
مره طبوع الحظ تصبح شفيــــقـه=تعطف وتعطي للرضا أمر الإطلاق
وإلا بدال السعْد دمع(ن) تريــقــه=في ليل هم(ن) ماله اليوم إشراق
كنّ الحزن لا صاح أقبل رفيــقه=لين اجتمع ضيـقٍ وهــمٍ وارهـاق
ما كنه إلا بحــر يهلك غريـــقـه=وما كنّي الا جثة(ن) وسط الأعماق!
أو كنه الثعبـــان والسم ريــقــه=ينفث سمومه بين زفرات وشهاق
وإلا سيوف عداك لاحت بريــقــه=وإلا مثل سارق للأمـوال بــــوّاق
لا والله .. إلا موت محدن يعيــقه !=لا القوه ترده .. ولا طيب الأخلاق!
وما كني إلا حلم بعد الحقيــقــة=أخذني نزّاع(ن) للأرواح زهّــاق!
الجسم بارد والعقل بــه حريــقه!=ثم التقى الضدين بــارد وحــراق!
حالي كما عاشق وخانه عشيـقه=ومن صدمة الموقف إلى الحين مافاق!
وإلا مفارق خلّ حسبة شقيــقــه=وإلا غريب الدار لا حنّ واشـتــاق
العــقل محتاس(ن) وضيّــع طريقه=والعين تنزف دمعها حيل رقــراق
يا اللــه فرّجها يــا رب الخليــقــه=والطف بقلب(ن) من عنا الوقت خفّاق
الهم ما يعرف قلوب(ن) رقيــقـــه=الهـــم حــــرّاق وللفـــرح ســرّاق[/poem]

أتمنى تعجبكم

لكم مني كل الود

ثامر البدراني[/align]

[القيصـــر]

السلام عليكم


حزن .. وشجن .. وألام تعتصر تنتظر الفرج
ثامر ( المبدع ) ( المميز )
عطاءٌ جزل .. وحرفٌ سلس
أحسنت إنتقاء الحرف
لله درك .. وفرج الله همك .


لك أكاليل الورد .

[علي القديري]

الاخ ثامر صح لسانك والله لايهينك

تحياتى

[ناصر العبيد]

صح لسانك أخوي ثامر وماقصرت

تقبل تحياتي

[ثامر البدراني]

[align=center]

المشاركة الأصلية كتبت بواسطة القيصـــر   السلام عليكم حزن .. وشجن .. وألام تعتصر تنتظر الفرج ثامر ( المبدع ) ( المميز ) عطاءٌ جزل .. وحرفٌ سلس أحسنت إنتقاء الحرف لله درك .. وفرج الله همك . لك أكاليل الورد .

وعليكم السلام ورحمة الله وبركاته

القيصر يا هلا بك والله

تسلم على مرورك وكلامك اللي أسعدني

لك مني كل الود والتقدير[/align]

[ثامر البدراني]

[align=center]أبو لافي

صح بدنك وشكرا لك على مرورك

لك مني كل الود[/align]

[ثامر البدراني]

[align=center]ناصر العبيد . . يا هلا بك والله

صح بدنك وشكرا لك على مرورك اللي أسعدني

لك مني كل الود[/align]