حرقة أم ابتهال
جريمة نكراء اهتزت لها مشاعر كل مسلم إنها جريمة الوحش الكاسر المتمثلة في اختطاف الطفلة البريئة (ابتهال) والتي لم تتجاوز عامها الثالث فتصورت ألم ولوعة والدتها فجادت قريحتي بهذه الأبيات :
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]حسبي وهو يكفي يا منزل أحزاب = وآيات قرآنٍ بمحكم كتابه
حسبي عليك حساب ما بعده حساب = يوريك ربي كيف سطوة عقابه
يا فاجع أمٍ تنتظر فتحة الباب = ترجي البشير لغايبٍ في غيابه
ويا فاجع أمٍ دون ذنبٍ ولا أسباب = عسى الولي يفجعك بعاجل عذابه
ويا فاجع أمٍ دمعها احرق أهداب = عسى الولي يحرقك بخزي ومعابه
وفاجع أبوها وضعه اليوم مرتاب = لامهتني بالنوم وسمٍ شرابه
حيران محزونٍ والدمع سكّاب = يبحث يمين شمال فكره غدا به
تخطف براءة طفلةٍ بعضة أنياب = وتقتل طهارتها بخوفٍ تهابه
قبل الجريمة ما تصورت منصاب = على ضناه ومنفجع بانتحابه؟
خلك مكانه لحظةٍ وأنت ترتاب = كيفه شعورك وطفلتك وسط غابه ؟
من حضنها الدافي تسللت يالداب = حرمتها حضنٍ كل الدفا به
الله يحرمك عند موتتك الأحباب = تموت في صحراء موت الكلابه
يوم الحشر ياويل نفسك من عقاب = ذنب الطفوله مطوقك والحرابه
يمهل ولا يهمل يا مجرم الغاب = بيجيك يومٍ ما تحسّب حسابه
يا أم ابتهال تصبري كلنا أقراب = حنا معك ندعي وقت الإجابه
والشاهد الله قلبي لحزنكم ذاب= تفطّر الخافق وزاد اضطرابه
ويا أم ابتهال مصيبتك مالها أجناب = الكل معك لو ماوصل في جوابه
ويا أم إبتهال تجبري برب الأرباب = وماجورةٍ وصبرك ربي درى به
وراعي الصبر يا اختي ماجور ومنثاب = الله وعد صبرك خير في كتابه
ولا تيأسين مهما بذلتي من أسباب = خلي الأمل بالله وهني من لجا به
يوسف رجع لابوه من بعد ماشاب = وعميت عيونه من البكاء والنحابه
ويونس في قاع البحر بالخوف منهاب = ويالياس من حوله وظلام سرابه
ويالله ياللي من ترجاك ما خاب = يا محصيٍ خلقك وناشر سحابه
تفرج لقلب أمٍ يضرب بمضراب = برجعة ضناها تحترق في غيابه
ما بين كاف ونون أمرك بينجاب = ترد الضنا وترد لامه صوابه
وصلاة ربي عد ما تنبت أعشاب = على شفيع الخلق يوم المهابة[/poem]
قصيده للشاعره ( بصمة حزن ) ســدير