وش تسوي في شهر مايو و يونيو و يوليو

[متعلم]

سلم الله الجميع هذي الأشهر اللي تقر فيها الطيور يعني ما فيها هجرة طيور ، ودي لو جميع الاخوان يقولون لنا وش يسوون فيها .. يعني هل هم يطردون الأرانب والا يهدولون الصقور والا ينتقون الجرابيع والا على الوبران والا يوظبون الموتر ويمرنونه والا .......... ! المقصود كل واحد يفيد ولا يقرأ ثم يحيد.............

ولكم التحيات والردود الوفيات

[مفتون صيد]

هلا وغلا باخوي المتعلم
بالنسبه لي انا ما عندي شغله في هالفتره الامقابل دروسي لاني في اخر سنه ان شاء الله في الجامعه.. وان سمحت لي الفرصه احاول اني اتدرب على التصويب علشان نرجع اللياقه شوي وبعدين نبدا في الصيد ... او تصدف نطلع نصيد حجل ..... والا ودنا نربي طيور وصقور ومواتر صح وبنادق صح بس الميزانيه ما توفي معنا ..... وماشين في هالدنيا تدربينا وندربيها ... لكن خل الوظيفه تجي وتشوف وش العلوم

[اتيكا]

مشكور أخوي متعلم على هذا الموضوع

وبالنسبه لي قبل موعد هجرة الطيور يعني أشهر مايو و يونيو و يوليو

أقوم بتركيب السلاح وتجهيزة حيث أنني بعد أنتهاء وقت صيد الطيور

أقوم بتفكيك السلاح قطعة قطعة ومن ثم أشحمة وألفه في بلاستيك ثم ألف علية قطعة قماش وأخزنة

وكذلك أقوم بتسعير الفشق وأخذ المناسب منه وبالكمية التي تكفيني أثنا وقت هجرة الطيور لأنها قد ترتفع أسعارها وغالباً لاتجد النوع الذي ترغبة

ثم نأخذ نجرب الفشق الجديد في صيد الضبان والحجل لأنها هي المتواجدة في هذة الأشهر