أقرب طريق للربع الخالي !

[متعلم]

مساك الله بالخير ياللي تقرا في المساء ... وصبحك الله بالخير ياللي تقرا في الصباح

عندي سؤال الحقيقه ما هو صعب على أهل المقانيص وهو / وش أقرب طريق أو أسهل طريق الى الربع الخالي للي جاي من جده ؟ وأيضا أحد منكم وصله قريب وش علوم الأرانب فيه ؟ ومشكورين والله على التوضيح

[مفتون صيد]

هلا اخوي المتعلم
بالنسبه للطريق انا ما ادري لاني ما بعد رحت ولا ودي اروح لذيك المناطق ... لكن اللي انا سمعت عن الناس انهم يروحون من عند الاحساء وكأنهم يبغون الامارات ... اما من عند جده ما ادري وانت من اهلها وابخص.... لكن مثل ما قلتلك لو بغيت اروح ... عطيت الله السودان فيها كل شيء وآمن من قطاع الطرق.... وصارت الان ما تكلف واجد 3500 هاذي هي في الغالب القطه وفيه ايضاً المولعين بالصيد ينظمون بعض الرحلات وبالقطه وهم تلقاهم ما يعرفون بعضهم بس اللي يجمعهم هواية الصيد

[اتيكا]

أولاً أشكر الأخ متعلم لطرحه هذا الموضوع الحيوي والهام لمناقشة هذا الجزء الذي نسمع به كثيراً لكن مع الأسف أننا لم نشاهده والكثير من الأعضاء يتمنى أن يزور هذه المنطقة الجميلة في تضاريسها ونباتاتها وحيواناتها وأنا واحد منكم

ولكنني لا أعرف الطريق بالتحديد من جدة إلى الربع الخالي ( وأهل مكة أدري بشعابها ) يعني ممكن تسئل الصيادين ألي في جدة وهم يدلونك أو تسئل عن طريق أجهزة الأتصال الهوائي

الارانب طردها سعة صدر بس معاد فيه شي قريب الا اذا حطيت البنزين والماء وجميع الاحتياجات الضرورية في ظهر الشاص ومعك النشاما
ومعك تصريح بالسماح بالصيد لان الدوريات اعتبر انهم يقصون جرتك ولا المشلحة انتبه
وسقته 500 ك جنوب اوجنوب مائل للشرق شي بسيط عن حرض يعني في الربع الخالي الله يالربع الخالي بس دونه الدوريات لايصيدونك0
ولا في الشمال لاكن اهلها قشران ماتدري الا والامارة طابت عليك وان كان ماهم بمعلمين
الاماره تناشبو معك ويجي شيل وحط وانت في غنا عن ذلك لانك رايح تقنص وتوسع صدرك
وهوب تطاق العالم والبا قي المناطق فيها لكن قليله وشكرا0وتقبل خالص تقديري

ومن هذا المنطلق ومن خلال هذا المنتدى الرائع بأعضائه جمعت لكم هذة المعلومات الجميله عن الربع الخالي ووضعتها في موضوع مستقل على الرابط التالي

http://forums.sdair.com/showthread.php?s=&threadid=7150