شباب عندي سؤال

[ابوعمر]

كم سعر السكتون؟؟؟

لأني ودي أشتري واحد

منتظرا منكم أجوبتكم.

أخوكم،

ابوعمر

[مفتون صيد]

حياك الله ابوعمر

لو ابعددلك انواع الصواكتين واسعراها اذن الفجر ونمنا وحنا ماقضينا

شف انا ابقولك انت اذا بغيت تشتري لازم تحدد الصناعه سواء الماني او انجليزي او او.....
وبعدين تجي للسرعه والصواكتين تختلف السرعه بين واحده واخرى بعضها 200 و250و300 وكل ما زادت السرعه صارت اقوى لها بس على اليور الصغار ما تنفع الا اذا كنت بواردي ما تجيبها الا مع الراس بس اما الصغيره سرعتها حلوه بس رميتها من بعيد تكون اثرها على الطير اقل من اذا صارت المسافه قريبه
والالماني الى الان على شكله التقليدي ما تغير .... والانجليزي اقوى منها في بعض الموديلات

انت حدد بس ولعلنا نفيدك باللي نقدر عليه

[ابودجانه]

هلا اخوي ابو عمر ومبروك فكرة دخولك مجال الصيد بس تراه تعوب وشموس وخساير0 واخرتها كم طير ماتسوي0


تبي نصيحتي هون من الحين 0وخلك مرتاح عند المكيف في هالقوايل0



وان كان لازلت مصمم ماازيد عن الخبير اخونا مفتون صيد ان الانواع كثير جدا واسعار مختلفة وقوات مختلفة بس قل وش تبي هالبندق له0فنصيحتي للبندق الهوائية مقاس 35الالمانية ديانا0 لانها تنفع للدخل وللطيور اللى تجي مع الدخل مثل الصفار والحمام0

[المولع]

الساكتون الهوائيه تنفع لصيد الدخل و الطيور الصغيره . ومن افضل الانواع واكثرها انتشار في صيد الدخل هي الساكتون الالمانيه و اسمها ( فايروخ 35 ) و سعرها ان ما خانتني الذاكره من 1100 الى 1300 ريال . وهناك انواع اكثر و اقوى .
مثلا عندك الفايروخ 80 انا اشهد انها قويه و اتحدى الحمام تنفس بعدها لاكن هذه البندقيه يعيب عليها وزنها الثقيل جداَ وسعرها تقريبا 1400 ريال .
عندك ايضا فايروخ 85 قويه ووزنها اخف من الــــ 80 .

لاتنسى ان هذه البنادق تتعدد احجام طلقاتها فهناك رصاص حجم 4،5 و 5،5 لاكن حجم 4،5 افضل لانها ينطلق مسافات ابعد من المقاس الاخر و يخترق الصيد احسن بسبب صغر حجمه ..

ارجو ان اكون افدتك بهذه المعلومات البسيطه و الشباب ما يقصرون معك ..

[مفتون صيد]

دام انتم تكلمتوا عن انواعها
انا بصارحه ما تعجبني الالمانيه ولا ودي اخالف الاخوان الباقين لكن لكل واحد له ذوقه . وذلك لسبب او اكثر
منها ان الالمانيه مايصبر الياي وبعد فتره يضعف ولازم تغيره وثانياً ماسورتها ضعيفه وتقليديه ويا كثر ما تميل وثالثاً ان النيشن حقها موهب دقيق مره ......لكن ازين ما عجبني فيها وبصراحه 35 و 80 بس وعلى فكره ترى هاذي الاسباب ما جمعتها من راسي وانما من تجربتي لها واشوف بعض الاقارب مقتنيها فذلك جمعت هاذي النقاط

لكن الانجليزيه بصراحه روعه مره مهيب علشانها معي لا بل مع ناس اعرفهم ولا بعد اشتكوا منها او غيروا فيها شي واعرف واحد معه بندق من يوم وانا ما اعرف شيء عن الصيد ..... يعني في الصغر والى يومك هي معه ولا غير فيها اي شي الا اللهم الياي .... ويوم يغيره بعد ما كان له داعي تغيره بس يقول شي في النفس والى الان معه ومسكها عياله وهم في الجامعه اليوم ولا قالت لا.......( صارت قصه )
وبعدين الانجليزيه فيها تقنيه قويه مثلاً نظام النيشن متغير كلياً عن الالماني والقويات منها تبرد التسبد..... واللي معي ياوالله جاها من الطيوح والحمدلله ما ضرها بس ثقيله في وزنها وكسرتها لكني متعود عليها وغاليه مره سعرها تقريباً 1800 بس هي ثاني اقوى بندق هوائي في السوق كله وكذلك هي اقوى من الموديلات الالمانيه ومن الصناعات الاخرى والاولى في القوه ايضاً انجليزيه ومحتكرها زيد الحسين واللي معي ماشاء الله قوتها او سرعتها 350 والالى 356

وهاذي بالضبط مثل اللي معي اختها ..... ولا كنت حاط عليها دربيل بس ما نفع لانها تنفض وزنية الدربيل .... يعن قويه







وبعدين الماصوره مختلفه تماما عن الباقي لانها مبطنه ... وشكلها تقول ناري ..... ;)

شفوا ترى اللي في الصوره قوتها اقل بشيء بسيط وناظروا وش مسويه

[ابوعمر]

الله يجزاكم كل خير إخواني لكن أنا أبغى السكتونات الزينه و أشوف إن الأغلبيه يفضلون

البنادق الألمانيه.

فأرجوا منكم طرح أسعارها لو سمحتم.

أخوكم،

ابوعمر

[ابودجانه]

اخوي ابو عمر البندق اللى قلت عليها سعرها خابره من650الى 700والله اعلم0الحين كم

[ابو دحيم]

تحيه طيبه

اخوي ابو عمر والله خدق اخوي ابو دجانه الصيد زين بس انتبه تولع فيه تراه خساير وتعب والله ومثل الهروين ما تقدر تتركه مع انك تدري انه تعب وخساير.

اما من ناحيت طلبك فانصحك بشراء 35 -36 المانية تراها ممتازه ووزنها مقبول وتنفع لك الطيور الصغيره والكبيره .

اما سعرها والله اظاهر انها ما تعدى 800 من غير تاكيد




لك تحياتي

[ابوعمر]

من وين أشتريها؟؟؟

إذا كان فيه محلات مشهوره.

إذا كنتم فاضين.

أخوكم،

ابوعمر

[ابودجانه]

وين تشتريها منه000000000من اقرب بقالة جنب بيتكم 0000000000000000اقول تراك ادوختنا بكثرة اسئلتك 000000000000000000000000000000000000000000000امزح 00000000000000000000000000000000000000000000000000 0000شف الله يسلمك تبي تشتري جديده عندك الرميح اللىفي شارع الستين او الرماية او المقناص او محل ثاني ناسي اسمه وكلهم في شارع التخصصي بالرياض0000000000000000000000000000000000000000000 0000اما اذا قلت ابوفر واشتري مستعمل فعندك سوق الزل اللى في الديرة عند ميدان الساعة ولو جيت العصر ازين تلقي صاحب البندق هو اللى يبيعها بنفسه يكون ارخص لك بعد من الشريطيه0

[ابوعمر]

[gl]الله يجزاكم كل خير على جهدكم هذا الرائع.

أتأسف إذا كنت ضيقتكم.

و ما قصرتم الله يعافيكم.

و من لديه المزيد من المعلومات فاليطرحها.

و شكرا

أخوكم،

ابوعمر[/gl]