ما هي افضل طريقة لصيد القميري (( ارجوكم ساعدوني )) تفضل بالدخول

[جحفاني]

السلام عليكم


كيفكم يا أهل الصيد


في جعبتــي سؤال او استفسار ودي اسدحه بينــكم ؟


وان شاء الله انكم بتفيدوني لاني متامل فيكم الخير

انا يا شباب اليوم طلعت للصيد وكنت ناوي القميري نيه


القميري ما شاء الله كان كثير جدا جدا جدا

لكن كان حذر جدا وما يمديني ارفع البندق الا وهو طااااار


وبصراحه المسافه اللي بيني وبينه كانت تقريبا 60 الى 70 متر وبعضها اقرب

لكن مشكلته انه حذر جدا ويطير بسرعه

وانا يا شباب حبيت استفسر منكم طريقة صيده علما اني استخدم بندق هوائي (( فايروخ )) 80

وهذي هي صورة السلاح



وش تنصحوني فيه

وشي الطريقه اللي اقدر اصيد فيها القميري ؟

تنصحوني ادور بالسياره والا امشي على رجولي احسن (( عشان القميري طبعا )) ؟؟


وبالله عطوني كم نصيحه من عندكم

وجزاكم الله الف الف خير مقدما

[ابو هاجر]

وعليكم السلام

حيالله جحفاني في منتديات سدير

يوجد في المنتدى نخبة من الصيادين آمل ان نستفيد جميعاً من خبرتهم في هذا المجال

والله يبارك لك في بندقك ..

المعروف عن الطيور المهاجره عموماً والقميري خصوصاً انها لاتجفل من السيارات الا اذا ذيرت يعني جاها رمي ...

والبنادق الهوائية عموماً مبروكة وفي الغالب تجدع الطيور الكبار مثل القميري والصفاري والخواضير

بس على قولتهم الحي يحييك

الشوزل ما مثلها ان طار الطير لحقتة الرمية وهو طيار وان شاءالله ان الطير مضمون بالشوزل ..

الله يرزق الجميع من واسع فظلة وآآآسف على الاطالة أخي الكريم ...

أخوك حيدرهـ

[ابو سايل]

وعليكم السلام

حياك الله اخوي جحفاني عضوا في منتديات سدير


والله انا اعتقد ان افضل طريقه لصيد القميري عن طريق السياره لان الطيور قد تعودت عليها تقريبا


اما اذا كنت على رجلينك فأنصحك انك ما تصطحب معك الجوال ولا تلبس ثوب زين
لانه يبلك تخف من حركتك وتتخفى عن الطير

وكما قال اخوي حيدره الشوزن عطيه الله ما يمديه يتحرك الا وهي ناشته
ولكن ترا بندقك جيده بس شيك على السسته لكي تكون قويه ولا تستعمل الصتم المحدب بل المقوس

واذا كان لديك اي استفسار فأنا موجود بالخدمه



تقبل تحياتي اخوك



ابو سايل

والله الله بالمشاركات