شاعر المليون

[ابو عبد العزيز]

السلام
يمكن معظم الاعضاء يتابع شاعر المليون
عجبتني قصيده المري محمد بن فطيس فحبيت انقلها هنا واتمنى تحوز على اعجابكم
مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه

الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه

الشعر جمعنا لو تفرقنا
حدودنا وظروفنا الغلابه

الله يبيض وجه راعي الفكره
عز الله انها تنحسب لحسابه

والله يبيض وجه من يرعاها
محمد الله يحفظه لاحبابه

محمد ولد زايد عريب المجنى
ولي عهد الديره الخلابه

الشعر تاريخ(ن) لنا من مبطي
واعلامنا يوم السنين نهابه

الشعر بيت(ن) والوزن عمدانه
معناه طنب وقافيته حجابه

الشعر واد فيه صيد(ن) واجد
وكل على الوادي يهج ركابه

والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

شاركت امثل ديرتي وربوعي
وكلن يمثلن ديرته واقرابه

والله الا الله راد والله قاله
اني لسلمها الفخر وكتابه

داري قطر وانا اهنا امثلها
المجد مطلوبي وانا طلابه

عهد علي اني لشرف داري
ترك صبي ما يعز ترابه

شوفوا دمي من حبها عنابي
وحماستي من ضووها شبابه

شاعر خليجي والعروبه بيتي
والبيت ماياقف بدون اطنابه

وان عودت بين القبايل فزعه
انا اشهد ان لي فاللوازم لابه

لي فالقبايل ربع واقدرهم
ماني بمن يجهل مقام اصحابه

وان عودت لاصلي فانا اصلي مري
من صلب يام اهل القنا وخضابه

قوم لنا فوق المعالي بيرق
والسيف قوة سلته بانصابه

الشعر طوقني وانا طوقته
قمت اتمشابه وفك ابوابه

يابنت ياللي تفرقين بعودش
مالومهم لاكثروا الخطابه

لامر بش دربش على خلق الله
قالوا كذا بالاصبع السبابه

زينش يزينه فعل ابيش وجدش
وانتي بدورش للنقا كسابه

قومي تباهيبي وفلي راسش
عليش من ستر الشرف جلبابه

وان ماسترتش بالفعول وباسمي
فعقبني الفنجال ياصبابه
__________________

[ســــامـــيـه]

السلام عليكم,,

ابو عبدالعزيز,, رائع مانقلته

ويستاهل المليون بكل جداره ,,

الله يجزاك خير.

.
.

[بنت الشيوخ]

ما شاء الله عليه..

تبرع بالمليون 500 الف للمعاقين بقطر
و500 مليون لاطفال فلسطين.

والله كفو

مشكور ابو عبدالعزيز ع القصيده
بارك الله فيك


فمان الله
وبس خلاص

[طالب علم]

يستاهل بن فطيس

ومشكور ابو عبدالعزيز ع الموضوع الرائع


سلام

[فهد المنيع]

مبروك لابن فطيس ويستاهل المليون وتمنيت العازمي يفوز بأحد المراكز الثلاثه لانه يستاهل ..



مشكور

[تأبط شرًا]

شاعر بكل ماتحمله الكلمة من معاني
أبدع في نظم القصيد
كما أنه إضافةً إلى شاعريته يتحلى بحسن خلق وأدب جمّ وينتمي لأسرة معروفة بالشعر في دولة قطر الشقيقه

ألف مبروك لأبوحمد على المليون ومبروك لأهالي قطر والخليج وجود مثل هؤلاء الشعراء الذين يحملون فطرة سليمة تجلت من خلال قصائدهم ويحملون همّ الأمة الإسلاميه ووطنية نحس من خلالها بالغبطه .

شكراً لك أخي أبوعبدالعزيز على هذا النقل

وتقبل تحياتي

[M.M.Z]

[align=center]وعليكم السلام والرحمة

مشكور " أبو عبد العزيز " على نقل هـ القصيدة و فعلا يستاهل المري اللقب. .![/align]

[بنت المناااعير]

ايه بالله انه يستاهل الفوز , وفاز بمكااانة كبيرة بنفوسنا قبل المليون ,,

شاعر ولد شاعر ومن لابة(ن) كلهم شعراء ,, ال بن فطيس معروفين بشاعريتهم ونظمهم للشعر ,,

يستاهلون النوماس ( ال مرة ) خاصة , واهل قطر عاااامة .. وربي اني تنومست يوم فاااز ,, وتنومست

زود يوم انه تبرع بالمليون , جعلها سفرتن له , [جعل ربي يعيضه خير ان شاءالله , ويبشر بعزه من حكومته

وجماعته ..

وذا الايام كلها احتفالات في الدوحة بمناسبة المهرجان الثقافي , ويوم الاثنين بتكون فيه امسية لابن فطيس

لاتفوتكم للي يبغا يروح للدوحة للمهرجان , ترا الفعاليات جدااا رائعة ..


تسلم يابوعبدالعزيز ..



تحياااتي ..

[ابو عبد العزيز]

شكرا لكل من قام بالرد او التعليق

[مثل النخيل خلقت]

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه



الف مبروك للمري ..

شاعر ممتاز ..

ويستاهل المليون ..


يعطيك العافية اخوي ابو عبد العزيز على هالقصيدة الرائعة ..