السامري

[فهد المنيع]

[c] [/c]

[c]السامري : كلمة مشتقة من لفظه السمر ، حيث يؤدي هذا اللون عادة ليلاً ولليل سحر عجيب وسلطان نافذ على الطبائع المرهفة والقلوب الحساسة ، وقد فطر البدوي على تلك الطبيعة الجياشة المشحونة بالإنفعالات مما يدفع بالشاعر الشعبي في هويد الليل ، الى ارتجال شعره الفياض ، ويدفع بالحادي الى الترنم والغناء بتلك الأشعار . [/c]

[c]مثال على السامري [/c]

[poet font="Simplified Arabic,14,black,normal,normal" bkcolor="" bkimage="" border="solid,2,black" type=0 line=200% align=center use=sp char="" num="0,black"]
يا جر قلــبي جر لدن الغصــــــــوني=وغصون سدر جرها السيل جرا
على الذي مــــشيته تخطى بهوني=والعصر من بين الفريـقـــين مراً
يا ليـــــــــــتهم بالحب ما ولــــعوني=كان ابعدوا عـــني بـخـير وشرا
يا ليـــتهم عن حاجـــــتي سايلوني=يوم أني أقف عــندهم وأتـــحرا
يا ليــتهم من زادهم ما أطعــــموني=عليه من زاد الحـبايـــــب مضرا
وإن مت في ضافي حشاه ادفـنوني=في ضامر السرجوف ماني ببرا
[/poet]

[c]وسلامتكم ...[/c]

[سعود الخليل]

يعطيك العافيه أخوي حالم ليل على الموضوع الرائع ..

وهذي كم سامريه على الماشي أتمنى تعجبكم ...:

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/30.gif" border="double,2,sienna" type=0 line=200% align=center use=sp char="" num="0,black"]
حيا الله اللي يغيب ويسرع الردّه =اللي يجيني الا منه تباطانـــــي

قلب يوده وحالي كنها القـــــــدّه =ودّي بشوفه ودونه حوم عقباني

ياصاحبي جارك الله ويش هالصدّه =مهوب حق تولعني وتنســــــانـي

ان كان عندك حكى بي خامل السده= فأنت المصدق وأنا حقي وما جاني

أهرج على ما تورّى والبخت بده= لا تستحي يابعد حيي وحيــــــاني

ترى طراة الهوى لاطالت المـــــده= مهوب يوم صديق ويوم قومانــــــي

وإن كان ما أنتب مصافيني على الشده =وقت الرخا واجد ربعي وخلانـــــــي
(سليمان بن شريم )


[/poet]

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/30.gif" border="double,2,sienna" type=0 line=200% align=center use=sp char="" num="0,black"]

ياناس راعي المحبة لا تعذلونــــه =مهوب عن صاحبه داله ولا ســـالي

لو يسهر الليل كلّه لا تلومونـــــه =الحب بلوى مــانيب أول ولا تــالـــي


لي صاحب ماقطعت الياس من دونه =لو غاب عني خياله دوم يبرالــــــــي


الصاحب اللي سحر هــاروت بعيونــه =ودي بشوفه ولا كن ما تهيّا لـــــــــــي


ياهايف الخصر عيني فيك مفتونــــه= عزي لحالي عقب فرقا هوى بالـــــــي

ياكود وصلك على مثلي وياهونـــــــه =إن كان حالك طواها اللي طوى حالــي


عن غيرك القلب غسّلته بصابـــــونه=والعين ماتلتفت في كل الزوالــــــــي

مايجرح القلب كود فراق مضنونـــــــــه=أبطيت ما أرسلت لك يازين مرسالي

أجر صوت جميع الناس يوحـــــــــــونه=غديت مثل المصيح بالخلا الخـــــــــالي

( أحمد الناصر )


[/poet]

[سعود الخليل]

[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/30.gif" border="double,2,sienna" type=0 line=200% align=center use=sp char="" num="0,black"]
البارحة يوم العباد رقــــــود=النوم ما يطــري على بالي

مجروح روح وخاطري ملهود=ياناس خلوني على فالــــي

تبكي عيوني والدموع شهود=اي والله ابكي صاحب غالي

يازين مالك من عذابـــي زود=إرفق بحالي يابعد حالــــــــي

ودي بوصلك يانعيم العــــــــود=ودي ولكـــن ما تهيــّا لـــــــــي

اللي ذبحني بالعين الســــود=من قبل أعرفه خاطري سالـي

ترى المحبه مابها منقـــــــــود=والله فلا أسمع هرج عذالــــي


يا عود ريحـــــــان عليــــه ورود=ومنين ماهـــــب الهوى مـــالي

هبي بريحه ياهبوب النـــــــــود=يطفي بعض همي وغربــــالي


الحب يذبح والشقا محـــــــدود= مــاهي سوالف على الخــــالي

يا منوتي ياغاية المقصـــــــــــود=زولك يورّا لي ويرا لــــــــــــــــــي


(أحمد الناصر)


[/poet]

[فهد المنيع]

يا عيني عليك .....


الموضوع زاد حلا بمرور حروفك عليه ياخوي من التويم ...


وتسلم على هالاضافه الرائعه ...


وابنسخ القصايد واعطيهن واحد من اقاربي ... يموت في شي اسمه السامري ..


ما قصرت مشرفنا العزيز ..


تحياتي لك ...