غويمض يشارك في سوبر ستار العرب

[غويمض]

في مرة من المراير الماره كنت على السرير كالعاده انااااشق اناهق كأني حمار مغرز في الربع الخالي <<<<< ابوك على التعبير
ويوم اني قمت من النوم ولاني مااشوف شىء والغرفه ظلمااااااا اقول في نفسي لايكون الحين انا امشي وانا نايم والا سريري شرب ريد بول وصار له جوانح مالها داعي وماتشوفوني الا انا اعطيها بتسوووه ( يعني خربتها وصحت ) والله ياهي بتسوه الحاره(اللة اكبر يالتويم الفيصلية والمخطط الجديد ويقول الحارة) كلهم طلعوووا يحسبون زلزال في لمدينه وحطوها خبر عاجل في الاخبار كلها عشان الصيحه اللي انا صحتها <<<<<<< ابد لو تجيبون مسيلمه الكذاب بيصير الصادق ولابعد بيصير امين اذا صفيتوه جنبي
امي دخلت علي تقول وش فيك قلت يمه ويني فيه قالت انت في الغرفه قلت اجل تراني صرت اعمى ماعاد اشوف قالت اقول الظاهر ماعمرك جربت سكروب يفك بطنك يامال الموجع قالت هذا الغمص اللي بعيونك وانا اتحمد ربي اقول الحمد الله والشكر اني ماصرت اعمى ويوم جيت ابغسل واجيب فيري وليفه والغمص وش ثره تقول طابخين رز في زواج عشرين نفر <<<<<<<< يعني تراهم كثيرين
راحت امي جابت ملعقه ونحاول قلت بس واللي يرحم والديكم عطونا مغرفه وهااااااك ياغرف قسم بالله تقول تنقيب نفط موب نوخر الغمص وماش الوضع موهوب اللي نبيه ماش الغمض متحجر والا جاء ابوي قال وخروا وجاب معه ديناميت وابد لزقها بنمله وتسوي عمليه انتحاريه بعيوني ويالله يالله راح الغمص
ورحت لصاله قلت بنشوف التلفزيون مستانس بعيوني انا وخشتي اللي تقول محل صاينه وكاله فورد
وافر بها القنوات واشوف قناة اسمها وش طوله قلت خلنا نشوف وش ذي القناة شكلها جديده خلني ابشوف اسمها مصري امين_ سوداني نشيط _ حرمي فقير وانا اللي اللي اضحك ضحك مابعده ضحك اشهد ان الضحك عله عندي والله سويت زحمه في الغرفه سويت شعيب وجبال طاحن من عند خشمي وانا قاعد افرك خشمي وانا اضحك
قلت يابوي خلنا نشوف لبنانيا حلوات شىء خلنا نكحل عيوننا عقب ماانعمينا واحط على المستقبل واشوف مساابقه سوبر ستار قالوا للمشاركه وحاطين ارقام والقط الرقم قلت والله لااشارك عاد ادق عليهم وادز للبحرين واسجل اسمي قالوا لي ندق عليك اذا جت اللجنه قلت اوكي

عاد انا اتخيل اني فزت وصرت مغني مشهور وانزل البوم ( غموضي غموضي من الغمص غمضت عيوني) واسوي فديو كليب والبنات المزايين على يميني ويساري وانا فااااااق خشتي تقول قروي شاف عنزه وعطته وجه <<<<<<< والله اني راسب بالتعبير

واجيك انا وانزل عند عنزاتنا وامثل واغني اشقر على اشقر و دعلج<<< لاتقولون اني اتلزق بالمسئولين
ماسك المرواس ونكهة الديزل ماسك العود bns561 ماغير يدوس على البنزين يقالك يعطي صوتي شوي من النعومه وانا ماغير امسك بها العنزات واعطيك من هالغزل وعندنا عنزه مرشحينها بالحاره ملكه جمال العنزات شعرها اشقر وعيونها خضر( تشبه شاكيرا بالضبط اللهم هي عنزه وشاكيرا حيوانه ) <<<< شفتوا وشس يقول ان ابوها لبناني وامها روسيه وبعد ذا الفيديو كليب دقوا علي قالوا تعال يالله تر اللجنه وصلت وانا اسنع عمري وأصك لك هالثوب اللي مشقوق مع الركب وادور على شماغ ابلبسه والله مالقيت اروح وانقز للمطبخ واشوف لي خرقه حمراء والببسها على انها شماغ وادور عل عقال واشوف الربطه حقت كتب المدرسه حقت اخوي واخليها عنها شماغ والله لو تشوفون شكلي تقولون هندي متجنس بالغصب بطلعه الروح وبالوساطه ومسوي كافل عيال حارتهم بالهند <<<< قايلكم انا بالوصف انواع المصاله
واركب سيارتي ( 200 ال ) ولونها اخضر ويدلعونها خضيروووون ابد نص ساعه ووصلت الجمارك <<<< والله اني اقوى من صواريخ كروز

يوم جيت واعطيه الاستماره والرخصه واشوف الرجال طووول واشوفه يكلم بالتلفون !!!!!!!
ومادريت الا خمس هليكوبترات وعشر مدرعات وخمس فرق كوماندوز محاصره موتري وهم يقولون اطلع وارفع يدك وانا خلاااص منتهي قلت الله يلعن سوبر ستار كلها قالوا اطلع ومد يدك اخلص قلت امد عصاقيلي واللي تبون لو تبون امشي على خشمي وأصابعي تحت اباطي ورجلي ادخلها بسروالي اللي تبونه وانا اطلع وام يسكوني وانواع التصفيق بس تصدقون صرت املح من اوووول بواجد اس بضرباتهم عدلوا من خشتي اشياااااااااء واجد
ويدخلوني على مدير الجمارك واشوف وجهه الا والله الشنب مغطي على خشمه وبرطمه واصل الى سره وانواع التحقيق انت من وولد من وليه جاي ؟؟؟؟؟؟؟ عاد انا خريت لهم السالفه كلها ؟؟؟؟ الا والله مديرهم يناظرني من فوق لتحت قال اخاف انك ارهابي منحاش من السجون النجديه <<< الظاهر ان مديرهم شارب ودابغ من هالشراب الين قال امين من كثر ماهو يشرب شنبه طالع ابيض ( يعني شارب لبن ) <<<<<< احس انكم بتتعشون فيني من المصاله اللي فيني



عاد بعد ساعات من التحقيق اكتشفوا اني مسكين وشين وفقير <<< اشوى ماعرفوا اني ماصل قسم ان مايفكوني
ورحت ركبت سيارتي ومادريت الا ينادوني ثانيه قالوا ان الاستماره منهيه قلت لاحووووووووووووول وانا اشوف باص وحقين الجمارك يفتشون الشناط ويوم انهم خلصوا وركبوا المسافرين الباص وانا اتوزى مع العفش واشوى مشينا ودخلنا البحرين وانطلق لحقين سوبر ستار والا قالوا اسمي <<<<<<<< والله اني بالمواعيد مضبوط
وادخل وانا متبهذل وخشتي مفلطحه عقب التسطير وخشمي على راسي صايرين قلم رصاص بمساحه

قالوا شو بدك تغني لنا قلت اغنيه الفتها ولحنتها واخرجتها وانا اللي مزبرقها <<<<< اقول بس ماانتب عاقل
قالوا خل نسمع وانا على بالي فاهم بالاغاني واحرك راسي وتوني مابعد قلت كلمه وخشيت جو( بيني وبينكم انا اصلا ماعمري سمعت اغنيه ) قالوا ياله وين الاغنيه قلت اصبروا قالوا وش فيك قلت ابرمج قلت سولفوا شوي بس اضبط عندي الصوت واسمعهم يقولون شكله هذا داهيه شكله هو سوبر ستار قالوا يالله غن ترى فيه ناس وراك اخلص وانا اتذكر اغنيه عاجبتني واغني (لسلامة العبدللة ومزعل فرحان) والله ماشووووووف الا شايتيني بنعله مقاس ديناصورات حاطينها للتشويت

وارجع للتويم والدجه !!!!!!!!!!!!!!!!!!!!!

[المغترب]

.
يووووووووووووووووووه يا غويمض سوبر ستار مره وحده
.
من زين هالصوت عاد
.
والله لو تشرب زيت فرامل ما فيه أمل يزين
.
تقل صوت حراثه ( ادري حطمتك لكن اتوقع هذي الحقيقه)
.
وتقبل تحياتي
...
..
.

[غويمض]

اخوي المغترب
انا من يومي صغينون ونا صوتي حلو وكانت العصافير تجي جنبي من زين صوتي بس مرة كلت عسكريم في البرد وانشحط حلقي وزاد الطين بلة الكنود كنت اطلع على الجهاز بصوت شاحط لين صار صوتي مثل قحطة بس تراني مزيون وكانو يسموني يومني صغينون الحوري يعني منيب اشبة قحطة

[غويمض]

للرفع بمناسبه انتهى برنامج سوبر ستار العرب
مع تحياتي
غويمض ابو رويدا

[فهد المنيع]

هخ هخ هخ هخ هخ هخ هخ هخ >>>>>>> ضحكته وهو شبعان


غويمض والله لو تشرب مويه نار ما تغير صوتك ذا اللي تقل صوت مكاين البلاكستون القديمه


بس ولو فيك بحّه لو سمعها محمد علي كلاي كان شغلك عنده تبيع بليلا


شير بخ بخ زررررررررر >>>>> امعط تحياتي باليوناني ..

[ربى الجنان]

ولا يهمونك ياغويمض


كل تفااح احمر وتخف بحه الصووت


وخذ لب السندويش وغطه فى زبده وكله


وانشاء الله تتعدل بحتك

[الناصح]

[IMG]JPEG Image[/IMG]

[غويمض]

تسلم حالم ليل على الطله الحلوه
وترى صحن البليلا بريالين
امعط تحياتي

[شوق القلوب]

هههههههههههههههههههههههه

غويمض والله احلامك واسعة مرررررررره

اقول اشترك دجاجك معاك خخخخخخخخخخخخخخخخخخ

حلوه احلامك ابحلم اني فزت ب 20 مليون ريال ريال ينطح ريال ههههههه

واشكرك علي مشاركتك الحالمة .

[أتابك]

إخوتنا في فلسطين يقتلون ...

والأمة الاسلامية فيها مايكفيها من المصائب وهؤلاء ( المغنون والفنانون ) أشغلونا بسخفهم !!!

إني أربأ بأخي غويمض وجميع الإخوة أن يتطرقوا لهذه السخافات ولو من باب المزاح ...

والله يحفظكم .


محبكم / أتابك .

************************************************** ******





الاخ قرقوف

يبدو انك تراهن كثيرا على صبر المشرفين على تصرفاتك

الرجاء مخاطبة الاعضاء باسلوب ترضاه لنفسك .وان تحترم من تخاطب

[غويمض]

الاخ العزيز اتابك
اشكرك جزيل الشكر على اهتمامك وملاحظاتك وبارك الله فيك
وصدقني ياخي العزيز اننا ابنا فطره ونغار على ديننا الحنيف ونلعن ونشتم هولا الكفره الفجره في كل صلاه وفي كل وقت هولاء بني علمان يريدون ان يمسخوا ابنا ء الاسلام
اما بالنسبه لموضوعهي فهو للتهكم عليهم
ولكي توسع صدرك بهذا التهكم
اليك اخي العزيز هذا الكاركتير
وشكرآ لك اخي العزيز