لماذا قلة الدخل لهذا العام 1424

[تميراوي]

يا شباب المنتدى .......
ماتلاحظون ندرة الدخل لهذه السنة . حيث لم نسمع أن أحد صايد 200 أو 300 دخلة . حيث قد جاء وقت الصفاري ويالله الواحد يصيد غداه . حيث قل الدخل والواحد ماعاد يقدر يعزم خويه على غداء الدخل ..
فهل يأتي يوم يكون فيه الدخل كالقميري ... " يذكرون انهم شايفينه اليوم "
فيا ترى مالأسباب .................

[المولع]

انا ملاحظ انه تأخر هالسنه عن وقته ، و لاكن نقول لعله تأخير و ليس انقطاع ، و فعلا الصفاري بداء يجي و الدخل يعني مهوب واجد ..
وترى التوفيق من الله و الحظ في بعض الاحيان له دور ..

[اتيكا]

من الملاحظ أن أعداد الطيور المهاجرة تزداد في سنوات وتقل في سنوات أخرى ، بسبب شدة برودة الشتاء في موطنها الأصلي ، حيث أن الطيور التي لا تتحمل البرد تهاجر جنوبًا ، وكذلك يقل توقف هذه الطيور في المملكه إذا كان الشتاء غير ممطر في الجزيرة العربية ، والملاحظ حالياً أن مناطق كثيرة من أوروباء تشتكي من أرتفاع درجه الحرارة بها مما يؤدي إلى أعتدال الجو ويسبب قله الطيور المهاجرة منها .

هذا ماأراة أنا من وجهه نظري


وتقبل التحيه

[مفتون صيد]

هلابك اخوي تميراوي معنا مره اخرى في المنتدى وان شاء الله تبي تبتل معنا دون انقطاع

كلامك صحيح ياخوي ان الدخل هالسنه مره قليل في النزل انا العام واللي قبلها اذكر انه ينزل قبل موعده بأيام قليله واذا جاء وقته جاك كب عليك وانا اوافق كلام المولع انها توافيق وكذلك اخوي اتيكا .....على سبيل المثال الان عندنا بعض الطيور استوطنت وكانت في السابق مهاجره عندنا ولكن جلست عندنا وتلقى اهلها ذيك الديار يقولون مثل ما انت تقول الان انها قليله ويمكن يجي مع كبة الصفاري وانا ملاحظ هذا الشيء انه الان جاء مع الصفاري وخصوصاً الشيوخ ........ ولا تنسى عامل اكثر ان الصياده كثروا مره البزر تلقاه معه بندق والله لو تجيب قوطي له ما عرف ينيشن عليه بس يهجج الطيور عليك واللي يصيدون بشراهه على 1500 او 2000 وين حنا فيه لو في مجاعه هذا اسميه طمع وحسد ....... ومن ما لاحظته من خلال طلعاتي في الشعبان هذه الايام للصيد ان اهل الابل يخلون ابلهم ترعى من الطلح وتجرد الغصون من الاوراق تشوف الشجره بس غصون شهبه ..... والطيور ما تبغى الا الخضار تاكل منه وانا الاحظها انها ما تجي مثل هالطلح المنتف ....... لكن نصيحه هالسنه بالذات روحوا للمزارع ترى الصيد فيها وفير مره ....... بس عندي احساس انه بيجي اسبوعين او اسبوع وشوي بيجي فيه النزل خيالي .... واتمنى ذلك من الله

تقبل التحيه شكله جاك النوم من الهذره

[ابو صالح]

اخوى تميراوى مساك الله بالخير 0

شكرا على المشاركه وبالنسبه للدخل فهو ارزاق يجيك يوم اعوذ بالله ويجيك نزل يروع القلب اسئل الله ان يرزقكم ونحن معكم ويكفينا شر حملات التفتيش على اهل الصيد

اخوك ابو صالح

[تميراوي]

حياكم الله جميعاً وصبحكم الله بالخير .....

الحمدلله من يوم طرحت الموضوع والأمور زينة .

أبشركم أمس الثلاثاء جاء كبه دخل وصيدوا الناس وفسقوا به ناس تطبخ وناس تقلي وناس تشوي الحمدلله أتوقع كل من طلع أمس شبع ..

عني أنا صدنا حول 200 دخلة أنا ورفيقي في شعيب الأرطاوي وكلمنا شيابنا وواعدناهم على الغداء .... وربع ساعة وهو زاهب في وسط الكاتم " عطي الله "
وعقب الغداء صدنا حول الستين ثم شوي مع ذاك الشاهي العاقد عقب العصر ....

أشكر الأعضاء المولع وأبو صالح ومشرفين المنتدى ولد الديرة اتيكا والأخ مفتون الصيد على تفاعلهم وترحيبهم الحار ..........

[مفتون صيد]

وش دعوة انت اخوي وكلكم اخواني وانت امرني بس

وحياك الله في اي وقت

[ابودجانه]

لو انك صايد يوم الثلاثاء ماقلت هالكلام

العليمي صاد اكثر من 100دخله

[مفتون صيد]

هلا اخوي ابو دجانه وين غطست عنا
اخوي تميراوي معه حق لانه هو كلامه على وجه العموم على النزل كله يعني وقت النزل .....صح انه فيه يوم الثلاثاء وغير من الايام المفرقه ........ بس موهب مثل العام ...... انا طلعت اسبوعين ورى بعض انا والمولع في الخميس ولا لقينا اي شيء......على العموم العالم كثرت وهذا من اهم اسباب قلته

[تميراوي]

السلام عليكم ورحمة الله وبركاته

أهلاً بكم جميعاً ...........

ومساك الله بالخير يا أبو دجانه وان شاءالله أنه اسم على مسمى ونرى أبو دجانه اللي يصيد الكفرة ان شاء الله مهوب دخيخلات ......

المراد : أشكرك على انتقادك اللاذع واتمنى أنك صدت أكثر من 100 دخلة ....

على كلاً أنا يوم الثلاثاء ماطلعت إلا الساعة التاسعة ونصف وذلك بعد المعلومات اللي وصلتني بوجود كبة دخل في الديرة عشان كذا طلعت ... ومثلك خابر أقرب شيء للديرة
الأرطاوي واتجهت له أثر الأوادم أكثر من الطلح ولكن الله وفق وصدنا 200 دخلة ...
==================================
مشكور أخي ومشرفيّ مفتون صيد على لطف الرد ............