قصيدة أغضبت الخليجيات..

[طالبة المعالي]

السلام عليكم ورحمة الله وبركاته..



هذه قصيده كتبها احد الخليجين بعد قدومه من المغرب .. وقد أغضبت الخليجيات ..


دعونا نرى ماذا قال ..



ياللي تنشد عن علوم الذي طاف
كل البحور وكل دوله وديره


خذ من علومي علم اوصافه اوصاف
جزل سمين يشتعل له سعيده


الزين عقب المغربيات ينعاف
غيد لهن بالزين ذكره و سيره


فيهن حلا طاغي ولين و تعطاف
وفيهن حنان يشعل القلب غيره


حلوات وصف وفاهمات بالاعراف
زيننات منطق صافيات السريره


بنات قوم طيبهم غصب ينشاف
اولاد مغرب بالليال العسيره


ياللي تنشد عن علومي بالانصاف
هرجي يكفي صامله عن كثيره


الزين في لميا وتغريد و الطاف
ماهوب في حصه وكشره ومنيره





وقد جاءه الرد القاصم حالا .. وسمعت أن من قامت بالرد هي احدى الخليجيات ..



قال الذي في بدع الامثال صراف
جزل يفرق بين درهم وليره


ياللي مدحت المغربيات بجحاف
الله يجيرك من عماه البصيره


لو تعجبك لميا وتغريد والطاف
مايصلحن لهل الوجيه السفيره


مفصخات ولبسهم حول الارداف
وبليس اغواهم بكشف الستيره


متعودات كلهم زيف وخفاف
على التغنج والتعطف وغيره


كل يوم مع صاحب ولا فيهم اعفاف
خويهم اللي فلوسه كثيره


ترى البضايع عده اشكال واصناف
وكل ينوخ وسط سوقه بعيره


عز الله ان الطيب في بنت الاشراف
اللي على الحشمه تربت صغيره


ولا تبين منها كود الاطراف
مثل القماشه فالبحور الغزيره


ياللي تدور بالجواهر والاصداف
الزين كله في بنات الجزيره



وكذلك جاءه .. رد أعتقد أنه من أحد شعراء الخليج ..




يابن الحلال ان طعتني خل الاسراف
واترك جمال الغيد لاهـل البصيـره


الزين موبس في الملامح والاوصاف
الزين روح وعفـه وطيـب سيـره


مانيب من يهـوى سريـا وانصـاف
انـا هـواي وبـس بنـت الجزيـره


بنت الخليج اللي تمـاري بالاعـراف
وحنا نمـاري باسمهـا كـل ديـره


مالي غـرام بقـول وخـا وبالـزاف
اذبحتني عنـد الطرحـه المستديـره


احب قولة ياهـلا وعـل وماخـلاف
من بنت ثوبي بنت الارض النضيـره


اللي تحلاها الظبي حلـو الاطـراف
جمـال فـي عفـه ورقـه وغيـره


واللي بها سحر مهو سحـر عـراف
ياعـل عيـن ماتراهـا ضـريـره


عطف وحنان وذوق في لين الاعطاف
واليا كشفـت لثامهـا شفـت أميـره


صعب على اللي بالردي شاف ماعاف
وحلوه على اللـي سنـه الله ضميـره


شمس الى من اشرقت والدجا طـاف
غابت نجومك غصب لو هي كثيـره


السيف مايزهى سوى كـف سيـاف
والخيـل دون حصانهـا مستخيـره


بس أنت دورلك على قـدك لحـاف
وان طعتنـي دور بدلنـا عشـيـره






يستاهل والله ماجاه .. أجل يسب في بنات وطنه!!

[بنت المناااعير]

ترى البضايع عده اشكال واصناف
وكل ينوخ وسط سوقه بعيره ..


ياسلااام ..


وهذا روووعة ..



اللي تحلاها الظبي حلـو الاطـراف
جمـال فـي عفـه ورقـه وغيـره


واللي بها سحر مهو سحـر عـراف
ياعـل عيـن ماتراهـا ضـريـره


السيف مايزهى سوى كـف سيـاف
والخيـل دون حصانهـا مستخيـره ..




صح لسااان شعرائنا الغيورين اللي يعتزّون بخصوصيتهم , سلامي عليهم , بالعون انهم كفّوا ووفوا ..

وبالعكس هذي ماتغضبنا الا تسعدنا لانها تبين المعدن وغلاه .. وكلٍ ورايه ..
وتسلمين يالغلااا على النقل الوافي ..

تحياااتي ..

[المتأني]

المشاركة الأصلية كتبت بواسطة   احب قولة ياهـلا وعـل وماخـلاف من بنت ثوبي بنت الارض النضيـره اللي تحلاها الظبي حلـو الاطـراف جمـال فـي عفـه ورقـه وغيـره واللي بها سحر مهو سحـر عـراف ياعـل عيـن ماتراهـا ضـريـره عطف وحنان وذوق في لين الاعطاف واليا كشفـت لثامهـا شفـت أميـره

ما أقول غير يسلم الذوق وأهله

[anaconda]

الله يعطيك العافية ومشكورة على الأختيار الرائع

[طالبة المعالي]

هلا فيكم .. حياكم الله .. جميعا .. نورتو لما زرتوا

[سلطاني]

طال الزمن ولا قصر بنت الخليج حلوة الأوصاف


مهما وصفتها من وصف تراني مقصر في أشياء كثيره



الله يعطيك العافيه ياهند على مجهودك


وهذا البيت اللي الله قدرني عليه(ماعاش من يغلط على بنات الخليج)



أخـــــــــوكــــــــم

[طالبة المعالي]

الله يسلمك .. ياخوي .. ويجزاك خير .. وتسلم وتعيش على هالذوق ..