[poet font="Simplified Arabic,14,black,normal,normal" bkcolor="" bkimage="http://forums.sdair.com/poetimages/30.gif" border="double,2,sienna" type=2 line=200% align=center use=sp char="" num="0,black"]
الا يالله عـفــوك لا مـعــي بـيـجــر ولا جــــوال=ولا عـنـدي وضـيـفـة والـتـجـارة فـاشـلـن فـيـهـا
ولا عـنـدي شهـاداتـن ولا حـرفـة تـسـد الـحــال=ولا حـظـن كبـيـرن لا اخـطـت الـجــرة يقـديـهـا
مخابي الثوب تومي مـا دخلهـا مـن زمـان ريـال=بـهـا فـاتــورة الـكـهـرب ولا يمـديـنـي أقضـيـهـا
على ذيـك العـراوي تتعـب الحـادي مـع الجمّـال=ثــلاث اشـهـور فالـورشـه وشـهـريـنٍ مغطـيـهـا
أبيـهـا لــو تجـمّـل يــوم واجلبـهـا عـلـى الــدلاّل=يجيـهـا واحــدن حـظـه مـثـل حـظـي ويشـريـهـا
نصـيـت العسكـريّـة يــوم قـالـوا للنـظـام رجــال=وقـدّمــت الـمـلـف وصـــورةٍ متـشـخـصٍ فـيـهـا
خـذا الأوراق منـي واحــدٍ مــا عـنـد أبــوه دلال=سلـوم النـاس وأهـل المعرفـة والطيـب مخطيهـا
قراهـا فـي دقيـقـة والتـفـت عـجـلٍ عـلـي وقــال=شهادتـك العظيمـة يــا ولــد ويــن أنــت مخفيـهـا
هزّيـت الـراس ماعنـدي تقـول إنـي مـن البنـقـال=وقـمـت أحـــب خـشـمـه وأطـلـبـه بالله تمشّـيـهـا
حذفهـا مـن يــده شـيـن الطبيـعـة والنـبـا والـفـال=وقــال أزيــن اتـعـوّد صــوب نوقـاتـك iiتعشّـيـهـا
تناوشتـه مـن الكرسـي وعفـت الحـل والترحـال=وضربـتـه بالبيـالـة عـقـب مــا بيّـحـت شاهـيـهـا
خـذونـي للسـجـن لا نـيـب لا ظـالـم ولا محـتـال=مـجـرّد واحـــدٍ جـــا يـكـحـل عـيـونـه فيعمـيـهـا
ويوم إني خرجت أقفيت لارض الله وسيع الجال=عـلــى بـــرٍ هـــواه يـــداوي الـعـلّـة ويبـريـهـا
أدوّر قصعـة الجربـوع والضـب الفـتـي يخـتـال=والأرنـب يـا شفـاة الـروح مـا أحلاهـا وطاريهـا
بــلا كـهــرب ولا بـيـجـر ولا غـــازٍ ولا نـقّــال=قوانـيـن الحـضـارة لا تـبـي شـوفــي ولا أبـيـهـا
[/poet]
قصيده اعجبتني ولعلها تعجبكم ... وبصراحه لم اعرف قائلها ..
12-09-2003, 10:39 PM
العرض العادي
