كل كذاب أثيم...

[قلب الحوت]

قصيدة رائعه و مميزه للشاعر / عبدالله الدواس التميمي ...
أعجبتني واحببت ان اشاركـ بها هنا...
\
/
\
/
\

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]


0
0
0
0
0
0

أستعيـذ بقـوة الله مـن ( وساويـس الرجيـم )...=والغنـا والكبـر والتغـريـر وعـيـال الـحـرام
ضاقت الأربع جهـات وشنـت ياجـو القصيـم...=ضيقـةٍ والله ماهـي مثـل ضيقـة كــل عــام
البحـور تحدنـي والقـاع يلفظـنـي وأهـيـم...=وإن تصعـدت السـمـا زادت عـلـي الإنكـتـام
أركـب الموتـر وأقلـب باأشرطـة عبدالحليـم...=وأزهم الهاجوس وأسـري عقـب ماآتـك الحـزام
وأتـرك الديـرة خلافـي شاقيـة والجـو غيـم...=وآتنقـى لـي طريـقٍ خابـره مـابـه زحــام
وهات ياقوة هواجـس بيـن ظيـم وبيـن ظيـم...=ولـو تنهـدت الله أعلـم كـان بكـيـت الغـمـام
أمسك عروقي من أول عرق في صـدري سليـم...=ثم أفصفصها ولاآقـف غيـر فـي وجـه العظـام
يلعـن أم الحالـه اللـي كنهـا ( حالـة يتيـم )...=لاصحى ( وجه المدينـة ) لحـف همومـه ونـام
مهطـعٍ مقنـع وطرفـي ويـن أمـده والسديـم...=حايـلٍ بينـي وبيـن الـدرب والدنـيـا عـتـام
شق عينـي والعـزاري يشربنـي شـرب هيـم...=وإن نشدني واحدٍ وشلون ... !! ( قاطعته ) تمـااااام
خابرٍ لـو قـال ( حالـك ) كـان والله العظيـم...=تنفجـر عيـنـي ويالله عــاد يقلبـهـا مــلام
أصبح بصدري جحيمٍ وأمسي بصـدري جحيـم...=عفت ربعـي كلهـم وشلـون ماآعـاف الطعـام !!
شاقـيٍ ماأشقيـت نفسـي بالمـلـذه والنعـيـم...=أدرج لـي فـي بيـاحٍ مابـهـا غـيـر الـهـوام
ألتحف باالبرد وأشـرب وحشـة الليـل البهيـم...=كـل ذا مـن حظـي اللـي مايعـرف إلا يـنـام
وش خذيت من المواجع غير هالصـوت الرخيـم...=نبـرةٍ ماتنـبـع إلا مــن صمـيـم الإنـهـزام
سوء حظي والأمانـي وآآآآخـر العشـق القديـم...=خلفـت بـي هاجـسٍ ماخلفـه ( زلـزال بــام )
وش عزاي إلا إني أسجد وأرتجي رحمة رحيـم...=وأستعيذ بنور وجهه من غثا ( لو ) ( كان ) ( دام )
والله إنـك جبتهـا ياحـزام راسـي بالصميـم...=والله إنـك عـاد تستاهـل علـى ضحكـك وسـام
صاحبي ماني غشيـمٍ وأنـت ماخبـرك غشيـم...=تدري إن لا دينـي ( أ ) ولا ديـن تكثيـر الكـلام
أنت تبخص ويش أنا بالضيق و( الخطب الجسيم )...=وأنت تبخـص باإحترامـي كـان جـت للإحتـرام
أكره اللي راي راسـه يلعبـن فيـه ( الحريـم )...=يصبح بـ( شالت مرام ) ويمسي بـ( حطت مرام )
خلنا لاهنت فـي ( إن أنـت أكرمـت الكريـم )...=مالهـا داعـي نجـي لـلـؤم وعـلـوم اللـئـام
يعنـي الله لايهينـك ( كالصـراط المستقـيـم )...=صاحبـك لانـي وزيـر ولاأنـت ياعمـي غـلام
مايعرف العشـق رجـلٍ ماغـرق بعيـون ديـم...=ومايعـرف العـز قلـبٍ ماشـرب كـاس الهمـام
والله إن لعيون كهـلٍ مـن ورى حدبـي حليـم...=قلت ياضيقه سـلااااام وصـارت الضيقـه سـلام
جيتني ( بالسين ) وأبشر يابعد حيـي ( بجيـم )...=نصـه أن ( ياسيـدة .. ياآنسـة .. أو يامـدااااام )
لا وأنا اللي باإصبعٍ واحـد تحـرك لـي تميـم...=لابـةٍ لاقــام واحـدهـم وراه الـكـون قــام
والله إن تبطـي ويبطـي كـل ( كـذابٍ أثيـم )...=مابقى إلا عـاد نلعـب مـع ( خفافيـش الظـلام )

0
0
0
0
0
0[/poem]

شعر /
! .. ( عبدالله الدواس ) ..!

[align=center]\
/
\
/[/align]

[محمد المحارب]

تسلم ياقلب الحوت على النقل الرائع.......والله يعطيك العافية........

[النبع]

مشكور اخي الكريم قلب الحوت - صح لسانك ولسان الشاعر 0