[align=center][align=center]
بسم الله الرحمن الرحيم
السلام عليكم ورحمة الله وبركاته
هذي قصة شاب يشتغل مدرس
يحب بنت الى درجة الجنون
راح يخطبها من اهلها رفضوه
وبعدها انصدم وراح يتنقل من بلد لبلد عشان ينساها
وبعد ثمان سنوات رجع لبلده حائل وتهيضت اشجانه من موقف مر به يقال انه شاهد اطفال يلعبون من بينهم طفل يشبه محبوبته وضمه بعد تاكده ان هو ابن محبوبته بعد غياب ثمان سنين وقال قصيدته
[frame="10 80"][poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
غابت ثمان سنين حل وترحال= غابت ثمان كلها مدلهمه
قضيتها بالحب والشوق قتال=ومافيه قطر غيروجهت يمه
وعقب الثمان اللي تعبها برى الحال=جاب الزمن الكارثه والمطمه
جاني ولدها يبتسم بين الاطفال= ومن بسمته عرفت انا بسمة امه
شفته وصاحت داخلي كل الامال= بصوت عجزت بكتم الأنفاس المه
وركضت له دمعي على الخد همال= من كثر شوقي قمت بالحيل اضمه
ولحظة حظنته والطفل في يدي مال=شميت ريحتها على اطراف كمه
واستلهمت نفسي مقاديم الاهوال= وتم الضياع وأكدت لي متمه
ليت الغياب اللي شغل غربتي طال= ولا دور العاشق على حرق دمه
اليوم بنت الناس في بيت رجال= وحب على غير الشرف لي مذمه
لازم اعود واشتكي طول الاميال= بنفس حزينه كايده مستهمه
وارجع غريب بسكة البدو رحال= يموت يحيا يندفن ما يهمه [/poem][/frame]
منقول
منقول
تقبلوا تحياتي[/align][/align]