في عيونك قبايل...للشاعر المبدع(حامد زيد)

[ابو الهنوف]

..


اليوم جبت لكم قصيدة قريبة مني جدا وهي

(في عيونك قبايل)

للشاعر المبدع حامد زيد


وهاذي القصيدة

(في عيونك قبايل)


ياشعرتبقى في نظرهم كحيلان
وبنظرتي تسوى عيال الحمايل


حنا اثنين اخوان واكثر من اخوان
لوماتجمعنا عروق وسلايل


لونختلف بأسماء وعروق وأوطان
يبقى التشابه بيننا بالخصايل


وانا ليا مني بغيت اكسب انسان
اسعى له بكل السبل والوسايل


أعرف كيف أرد الاحسان بإحسان
كيف أحصد بذور الفضايل فضايل


عايش زمان عاصرت به كل الازمان
مااعيل بس اكسر ثلاثين عايل


اكسب عدو واحرق به قلوب عدوان
اشعل فتيله بس اطفي فتايل


وان خفت ضعف اخاف من ضعف الايمان
وان عفت حمل اعاف حمل الجمايل


ماأظمأ على الساحل ولومت غرقان
لومركبي تابوت والموج هايل


تغرق شهيد أرحم من تموت عطشان
طيحة شموخ ولاوقوف امتمايل


ودك ليا من جيت في كل ميدان
لوماانت الاول..بالصفوف الاوايل


خلك لياعودت خسران ..خسران
ينقال عنك عامل لك عمايل


لاصرت تحلم احلم تكون سلطان
وان جيت تقنع اقنع بحلم زايل


الوقت غربه واخر الدرب عنوان
والعمر رحله والتجارب رحايل


وانا كثر مالي من الناس خلان
اللي صفوا لي بالشدايد قلايل


شايف حسد قل شايف اشكال وألوان
قابلت ظلم؟ إلا لقيت الهوايل


إن عشش بصدري من الغبن شيطان
وتسددت دوني جميع الوسايل


بلقى من عيال الحمايل كحيلان
اللي يكفي عن عيال الحمايل


مرات ربك يرزقك خوة انسان واحد ويسوى في عيونك قبايل



حامد زيد



..

[( عابرة سبيل )]

/
\


( حامد زيد )

والابداع الغير منتهي في البوووح

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرات ربك يرزقك خوة انسان= واحد ويسوى في عيونك قبايل[/poem]

فعلاً صدق .., ونثر درر ..

:
:

ابداعت في النقل اخي الكريم ( سديراوي )
وياهلابك ومرحبا...

[رررجه حيل]

انا اقراها وفيني نوم ان شاء الله بقرى شعر حامد زيد انا احب شعره ولي رد ثاني ان شاء الله

[ابو الهنوف]

المشاركة الأصلية كتبت بواسطة دمعة ألم   / \ ( حامد زيد ) والابداع الغير منتهي في البوووح [poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مرات ربك يرزقك خوة انسان= واحد ويسوى في عيونك قبايل[/poem] فعلاً صدق .., ونثر درر .. : : ابداعت في النقل اخي الكريم ( سديراوي ) وياهلابك ومرحبا...

مشكورة على مرورك اختي دمة الم

وردك المتميز

[ابو الهنوف]

المشاركة الأصلية كتبت بواسطة رررجه حيل   انا اقراها وفيني نوم ان شاء الله بقرى شعر حامد زيد انا احب شعره ولي رد ثاني ان شاء الله

اختي رجة متى مافضيتي تاعلي ردي على موضوعي

[* الخلود *]

بصراحة ماقريتها بس حبيت اردعليك
علشان اوصل لخمسين مشاركة
هذاااااااااااااااااااا
أأأأأأأأأأأأأأأأأأأأأأهم شي
منور المنتدي بوجودك

[ابو الهنوف]

مشكورين على مروركم