قصه وقصيده

[فتى المهد]

بسم الله الرحمن الرحيم....

السلام عليكم ورحمة الله
سبب كتابتي هذه القصيده"
انا وخوي في الصف الاول الثانوي نجحنا في كل المواد الا مادة الادب المهم كتبت هذه القصيده
انخا بها مدرسين اقول فيها.

طلبت ربي ثم ذرفين الايمان****اهل الشجاعه والكرم والشهامه
لبو سعد ومحمد العاصمي شان***ياسعد منهم فالشدايد حزامه
قومن ليا جات المواقيف شجعان***في يوم كلن يعتزي في عمامه
جات الشهاده بس فالبعض نقصان**وانتم هل المعروف واهل الزعامه
طالبك يامحمد سندنا كحيلان****يا ابو سعد راعي الكرم والكرامه
ولاني بناسي العاصمي نسل قحطان**يالعاصمي ياللي رفيعن مقامه
انخاك بسم امطير في كل الاوطان ***جيتك وفي جوفك حذفت العمامه
هرجك ليامنه صدر منك نيشان ***وليا هرج رجال تمحي كلامه
اانا وخوي اليوم ياطير حوران*** من يدك نغاها مجرد علامه
ووقفتك ننقشها على القلب عنوان**ونشهد على فعلك ليوم القيامه
والخاتمه نطلب من الله الغفران***هذا طلبناجاك ونرجو تمامه

(وسلااااااااااااااااااامتكم)

والسلام عليكم ورحمة الله وبركاته

[وارث الطيب]

فتى المهد ... ياهلا فيك ومرحبا

وليتني مدرس الادب والله أن تنجح باللي هي به
وأملنا بولد قحطان أنه راعي نخوه وشيمه وماراح يخليك

وصححح قلبك

[نــــــوفــــا]

فتى المهـــــــــد


ماشاء الله راسب في الادب وشااااعر ..

صــــح لساااااانك وعلا شاااااااانك يالقرم

قصيده جزله وعلى قوله وراث الطيب

ليتني مدرس الادب كان نجحتك لو بس تكتب اسمك ..

تقديررري

[عبدالله الشويمان-الرعد]

صح السانك يا فتى المهد..

ابيات جميله محرجه لمن وجهت له.

لكن يقوونها الرجال.

لا هنت وبالتوفيق ان شاء الله.

بارك الله لك في شهر رمضان.الله لا يحرمك فضله.

[فتى المهد]

مشكووووور اخوي وارث الطيب
وبيض الله وجهك على المرور
وابشرك نجحت وماقصر الحطاني سنع اموري وماهي غريبه منه

[فتى المهد]

صح بدنك

اخوي نوفا
والف شكر لك على المرور
وكان ودي انك مدرس الادب عشان تنجحني

[فتى المهد]

صح بدنك
اخوي عبدالله
وتكفيني شهادتك كشاعر
ويعطيك الف الف عافيه على المرور

[سعود الخليل]

صح لسانك يا فتى المهد ...

ومبروك النجاح زين انك لقيتا لك مخرج ...

في انتظار مشاركاتك ..

[فتى المهد]

صح بدنك
والله يبارك فيك
والحمد لله اني لقيت مخرج
وابشر بالمشاركات الجاي اكثر انشاء الله
والف الف شكر لك على المروووور