ذكـرياتنا الرمضـانيّة !!!

[القاصف]

[align=center]السّـلام عليـكم ورحمة الله

إخواني أخَواتي


أحببت بهذا الشهـر الكريم أن نرجع للخلف قليلاً .. أو كثيراً !

ونتذكّر بعض أعمالنا وألعابنا الشعبيّة وشقاوتنا وشطانتنا في أشهر

رمضان أيام الصِبا والشباب

واللي يتذكّر وش سوّى بالقرقيعان -رغم مآخذه الشرعيّة- لكننا هنا

نتكلّم عن أيام ( المَبزره ) يفتح قلبه لنا ويسولف لنا هوشاته مع عيال الأحياء

والفرجان الثانية .. وكم مرّة تسطّر وإنطـق

فاللي عنده شيء مِن هالذكـريات الرمضـانيّة يقولها لا يستحي


ترى البسـاط أحمـدي



أروح أرقـد .. وأنتظـر ذكـرياتكم[/align]

[يـــزيـــد]

السلام عليكم

القاصف

موضوعك رائع ،،، لالا استهبل


موضوع جهنمي


لي عودة يالغالي مع الذكريات الحلوة وهي كثيرة

[يـــزيـــد]

السلام عليكم

هلا بك اخوي القاصف وحياكـ الله

ورمضان أول ذكرياته حلوة وكانت فرحته تختلف عن الآن


من برامج العصر أول

فوازير رمضان ،، الله يالدنيا كانت ايام حلوة قبل فترة قريبة تقريبا 5 سنوات

وكان القائم بها مشقاص ،، واغلب ظني انه توفي الله يرحمه

وبعد اذا تسدحنا عند التلفزيون العصر كنا نشوف برامج كثيرة وكانت شيقة مهب

زي هـ الحين ،،

كان فيه برنامج مستحيل احد ينساهـ للمقدم " ماجد الشبل " الله يرفعه بالعافية الآن هو تعبان وطريح الفراش

برنامج السبيكة الذهبية >> انا اخبر السبيكة هو الدلخ ولايهونون الدلوخ

الفريق الأخضر والفريق الأحمر ،،، ومبروك ربحت سبيكة ذهبية

الله عليها وناسة هاك الحين



====

أما جوائز مسابقة رمضان للكبار ومسابقة رمضان للصغار
اموت واعرف من الي ماسك الاعلانات فيها ،،، مهب يحط الا حليب بوني بالدعايات




ولايهون باب فرحان وام الخير يوم قالت مقولته : انا شفت الحلاوة قدامي اكلتها حسبتها على شاني >> اعقلي بس خخخخخخخخخ

[شريك المشاكس]

المشاركة الأصلية كتبت بواسطة   برنامج السبيكة الذهبية >> انا اخبر السبيكة هو الدلخ ولايهونون الدلوخ الفريق الأخضر والفريق الأحمر ،،، ومبروك ربحت سبيكة ذهبية

ما السبيكه الا انت الله يحفظك لأهلك


اسمه حروف


هيظتن يا دب بأرجع برب صلاة

[شريك المشاكس]

تيت >> بعد يوم كامل


بصراحة كنت احب اشوف امي وهي تصلح السمبوسه .. وكانت تخمني خمه اني اكل اللحم المفروم والكراث >> وهو ني يععععع



وكنت اخذ بقايا الصحن الي تسوي فيه امي كريمه الدريم ويب بعد الخلاط وخذ تلحيييييييس >> مشروع ثور


وكنت اتسدح في الصالة اشوف برنامج حروف كانت مقدمته خطيره >> تجي ايام حرب الخليج


وفيه متسابيقين في فريقين

اخضر واحمر


ولوحة الاعلانات صفراء


واحسن واحد يجاوب يطلعونه لدائرة الضوء ويسألونه بسرعة واذا فاز خذ السبيكه الذهبيه مهيب حقت يزيد


همين نجلس لين الافطار عند برنامج الطنطاوي الله يرحمه

ونشرب شوربه وفنتو


همن عاد ما اذكر وش باقي اليوم



الله ياهي ذكريات



ايه صح


الفوازير


يان الي يسوون الرعاية فيهم سقامه بعد


ربوع بلادي علينا بتنادي >> ذكرت رامي يحبها


كانوا يجيبون بعد طاش واحد واثنين

وناصر والسدحان سبايك محلقين شنبهم ويقولون: لا تكذب لا تكذب ترى الكذب خيبه

[يـــزيـــد]

السلام عليكم

هلا بك شريك

المشاركة الأصلية كتبت بواسطة   همن عاد ما اذكر وش باقي اليوم الله ياهي ذكريات

ايه ماتوقع ،،، اجل نسيت السياكل عقب التراويح والترجيم

[شريك المشاكس]

ايه على طاري السياكل


على وقتنا طلع 14 و16 الجبلي


وجلتر


خلصنا الشطرطونات عليها

[أموَآج الحَنِين]

موضووع راااائع,, فكرة أروع,,

أمممممممممممممممممممم’’’’


مره من المريرات,,

كنت صايمه انا حمد لله اصوم من يومي 5 سنين مدري وش عندي الموهم

وقتها كانت قبل الاذان بخمس دقايق تقريبا,,

وخالتي تقلي دونات,,

كلهم صايمين طبعا وهي تقول ودي احد يذوقها اشوف استوت والا لا

قالت فلانه فاطره<--انا يعني

من غبائي بسوي فيها فزعه واني اريحها من الهم قلت ايه

وقالت ذوقي واكلتها وفطرت على اخخخخخخخخخخخر دقايق


ما انساها ابد,,

وشكرا عالطرح

اذا ذكرت شي جيت,,
دمتو,,
أمواج

[أنس بن عبد الله]

المشاركة الأصلية كتبت بواسطة   مشقاص

المشاركة الأصلية كتبت بواسطة   وفيه متسابيقين في فريقين اخضر واحمر

وإن بغى يجاوب الواحد

يرن الجرس على شان يجاوب الله يازينهم


وفيه شئ نسيتوه قبل صلاة العشاء يبدأ تجهيز عسكريم فيمتو

بوضعه في الفريزر بعد سكبه بأكياس لحم وربطه ربطا محكما

والباقي بعدين

[يـــزيـــد]

المشاركة الأصلية كتبت بواسطة نصراوي سديراوي   وإن بغى يجاوب الواحد يرن الجرس على شان يجاوب الله يازينهم وفيه شئ نسيتوه قبل صلاة العشاء يبدأ تجهيز عسكريم فيمتو بوضعه في الفريزر بعد سكبه بأكياس لحم وربطه ربطا محكما والباقي بعدين

صدقت يانصراوي سديراوي ،،،

والله ياجرسهم مركبه ظني كهربائي وماحاسبوهـ

واما الفنتـــو صح اني مالحقت الا على تاليه بس كنا نعزم عيلان الحارة عليه ونقول ويشتكي رصيفنا من الشلة