.gif "A (15)")
******بسم اللــه الرحمـــن الرحيـــم{
نزل أحدهم على حكيم ضيفاً يريد الزواج من ابنته فقال له الحكيم :
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
الحكيم / وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط
الحكيم / ما لك لوا ... هذا سعر البترول
طيب ... من هم اللي يكرهون المطر ؟
الضيف / ما أحد يكره رحمة الله
الحكيم / فيه طال عمرك ... المسؤولين اللي في البلدية
الضيف / وش السبب ؟
الحكيم / لأنه يزيد عليهم الشغل وتطلع فضايحهم والناس يدعون عليهم
طيب ... من هو اللي يصلي النافلة ويترك الفرض ؟
الضيف / المجنون
الحكيم / صدقت... .لكن انا اقصد.. هذي الموظفة اللي تخدم الناس وتضيع زوجها وأولادها وبيتها
من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب
الحكيم / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات
وش الدولة اللي فيها رئيسين ؟
الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين
الحكيم / شفت إنك ما أنت داري بشي ... هذي بيوت اللي ينادون بمساواة المرأة بالرجل
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط
الحكيم / ما عندك سالفة ... بوش على الذمة , ما تشوف كيف فسر لنا كلمة (( إرهاب )) وكل العالم وافقوه إلا طالبان
الضيف / أجل , الله يستر لا يجي اليوم اللي يفسر لنا فيه معنى التوحيد والإسلام
الحكيم / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة
الحكيم / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل
طيب ... منهم الأبرياء اللي يجوز قتلهم ؟
الضيف / ما فيه
الحكيم / هذول ... المسلمين , ما تشوف لما قتلتهم أمريكا في أفغانستان , وقالت حنا ما يمكن نقضي على الإرهاب إلا بقتلهم , وافقهم العالم كلّه حتى المسلمين , لكن لو إن المسلمين قالوا ما يمكن ندمر اقتصاد أمريكا إلا بقتل الأبرياء مثل ما صار في مركز التجارة العالمية , كان عارضهم العالم كله حتى المسلمين , وهذا اللي صار مع إننا ما قلنا شي
[foq][foq]إييييه ... [/foq][/foq]الظاهر يا ضيفنا العزيز إن ما لك نصيب في البنت لأن ما عندك (( فقه بالواقع )) وبعدين البنت باقي تدرس وعمرها لا زال 35 سنة وباقي صغيرة على الزواج،،،،
منقول
بس اش رأيكم بالحكيم...من جد حكيم على النـــــــــــــاس..بس علىنفسه ماأظن..؟؟
13-10-2007, 01:23 PM
العرض العادي
