تعالوا شوي نتكلم عن مثل معروف / سافرت مع الرجال لا اجل ماعرفته

[يـــزيـــد]

السلام عليكم ورحمة الله وبركاته

اهلاُ وسهلاُ بكم كلكم واحد ورا الثاني


اليوم كنت مع احد اقاربي نتمشى في الرياض >> لاحد يسمعك يالي تمشى في شانزليه الحين >>> إلا ورا مــــــ ـــا

المهم نتكلم عن بعض الأمور ونحش في بعض الناس ونقطع بعض الناس

لين تسلخت جلود بعضهم >>> تراي امزح اصلا لو بحش فيهم ماقلت لكم

===

المهم مالكم دخل >> قصدي خلونا بالمهم


قعدنا نتكلم عن فلان وعلان وقال : انا اعرف الرجال من شكله
قلت : بعضهم لازم تجربه بمواقف عشان تعرفه صح
قال : شف ماتعرف الرجال الا اذا سافرت معه .. !

واسترجع بالذاكرة قليلاُ لاتذكر هالمثل العريق الي يقول :

تعرف فلان : ايه اعرفه
طيب سافرت معه : لا ماسافرت معه
أجل تراك ماعرفته
،،،
وهذا مثل قديم وفسرته ،، بان السفر من أول فيه تعب ومشقة
وكان السفر هاك الحين ياخذ وقت من ديرة لديرة يعني شهور
وخاصة بذاك الوقت مافيه سيارات وكذا يعني السفر بالجمال وغيرها أو رجلية

يعني بهذاك الوقت كان الواحد يتعب ويبان عليه التعب بالسفر وتصليح الأكل
وتجهيز العتاد والزاد وكان صحيح يبان الرجال من غيرهـ

ولكن بهذا الوقت بنظري مافيه اي تعب ومشقة ابداُ
السيارات موجودة ومكيفة ومريحة والأكل والشرب موجود ونعم يالله لك الحمد
موجودة بكل مكان يعني الواحد يالله لك الحمد مايتعب الا اذا عاقهم شئ مثل كفر أو تعطلت سيارة او كذا

فهل هالمثل ينطبق على المسافرين بالوقت الحالي ,, او مضى عليه الدهر وقضى ؟


وسلامتكم

[طالبة المعالي]

وعليكم السلام ورحمة الله وبركاته ..

المهم نتكلم عن بعض الأمور ونحش في بعض الناس ..

عسى بس مهوب انا بعض الناس ..


فهل هالمثل ينطبق على المسافرين بالوقت الحالي ,, او مضى عليه الدهر وقضى ؟

نعم ينطبق .. وأنا مجربة .. مرة سافرنا عوائل .. وكشفنا حقيقة اللي سافروا معنا .. وكشفونا هم

بعد .. سبحان الله تبينت لنا أشياء ماكنا نتوقعها .. وياما ورا السواهي دواهي ..

شكرا لك يزيد على هذا الطرح الفريد ..

[فهد المنيع]

اعتقد انه ينطبق في الوقت الحالي مثل الماضي


قبل كانت صدور الناس وسيعه بالرغم من عيشتهم الصعبه والمتعبه والحين حتى مع الراحه وتعدد وسائل السفر الا انك تقدر تعرف الشخص على حقيقته ..



يعطيك العافيه

[يـــزيـــد]

السلام عليكم


الله يعطيكم العافية هند السبيعي وحالم ليل

والاخت هند السبيعي : صحيح كلامك لا بسفريات العوائل أو الشباب

كلن يتبين معدنه وهذا مايعني اننا نعيب الطرف الأخر ولكن يجب ان نتعامل

معه بما فيه يعني لانخسره ولا يخسرنا اذا عرفنا سلبياته فنحن نتعامل معه وفقاُ لما نراهـ

حالم ليل ،، بالفعل الآن وسائل الراحة والسلامة موجودة
وكذلك المركبات بشتى انواعها موجودة بانواع مختلفة وممتازة
ولكن كما ذكرت ان القلوب هي الي اختلفت ففي السابق الوسائل عادية ولكن القلوب متقاربة ومتحابة والآن العكس صحيح

بعض الناس من ادنى كلمة يزعل بالسفر ،،



شكراُ لكم

[طالبة المعالي]

وهذا مايعني اننا نعيب الطرف الأخر ولكن يجب ان نتعامل

معه بما فيه يعني لانخسره ولا يخسرنا اذا عرفنا سلبياته فنحن نتعامل معه وفقاُ لما نراهـ ..


شيء أكيد .. مارحنا حنا علشان نتحارب .. وتشين القلوب .. ونتباعد .. بل حتى ان رأينا منهم

مايغضبنا .. نتغاضى وكأننا لن نسمع شيئا .. ونصفح ونغفر .. فنحن بذلك نكون قدوة لهم ..

[M.M.Z]

[align=center]وعليكم السلام ورحمة الله وبركاته

أنا أيضا ً أعتقد أنّه ينطبق على المسافرين في الوقت الحالي[/align]

[أم فيصل]

ينطبق هذا المثل في وقتنا الحاضر وبقوه ..


سبحان الله مهما كنت تعرف الشخص الا ان صفاته وطبائعه تظهر جليه في السفر ..


ولقد جربت ذلك كثيرا ..


قد تكون المشقه والتعب في االسفر قديما أحد الأسباب ..

إلا ان السفر كفيل لمعرفة الشخص جيدا حتى في وقتنا الحاضر ..

وسبحان الله مع تطور المواصلات وتوفر سبل الراحه للمسافر في هذا الوقت إلا ان المسافر

يصيبه التعب فلقد ذكر ذلك رسولنا الكريم عليه افضل الصلاة والسلام حين قال ( السفر قطعه من

العذاب )

[سلطان العضيدان]

وعليكم السلام ورحمة الله وبركاته ..

في البداية احب اقدم شكري لاخي العزيز : يـــزيـــد على اثارة مثل هذه المواضيع المهمة

مااريد توضيحه قبل الدخول الى صلب الموضوع .. هو ان الامثلة الشعبية المستخدم حاليا او قديماً
فيها نوع من المبالغة فلا نعتبرها دليلاً قاطع (فهي ليست قران منزل ) ...ففيها ما هو صحيح وفيها ما هو شبه صحيح وفيها ايضا ما هو غير صحيح ..

فلو اخذنا المثل الذي ذكره لنا يزيد ..
تعرف فلان : ايه اعرفه
طيب سافرت معه : لا ماسافرت معه
أجل تراك ماعرفته

فانا لا اقول انه صحيح ولا اقول انه خاطئ لانه خاضع لشروط

فعلى سبيل المثال اذا كان السفر مع الصديق لغرض المتعة او التنزه بالصحراء او لزيارة بعض الامكنه
فهنا في هذه الحال لا نستطيع ان نطبق المثل .. لان السفر في هذه الحاله ليس فيه مشقة وتكلفة

أما اذا كان السفر مع الصديق لغرض العلاج خارج المملكة او لغرض الدراسة او السفر لتنفيذ بعض
المشاريع التجاري .. فهنا نطبق المثل .. لاننا في هذا الحال سنواجه المشاق والتعب ..
ويتبن لنا شخصية هذا الرجل ..

[لهفة الخاطر]

[align=center]
إيه والله صدقت يايزيد
تنطبق هالحاله في السفر والله...

وخاصة في المسافات الطويله ...

هيه ياذيك السفره ماتنمحي من البال أبد والله ... من الرياض إلى المدينه ..على طريق القصيم
. من المدينه إلى مكه ورأينا مالم نتوقع أن نراه ... وياعيني والله تشوف اللي ماكنت متوقعه

وصدق هذا المثل والله الله المستعان بس ..

تسلم يايزيد على إتحافنا بهذا الموضوع ورعاك الله ووفقك [/align]