اخوي القاصف شكراً لك ولمرورك
وباحاول ان ارد على اسئلتك بطريقة مبسطة لاني لو باتكلم بطريقة علمية بحته يمكن ما تفهم علي او ما اعرف اوصلها لك بطريقة مناسبة واتمنى من الاخوان الي عندهم معلومات تفيدنا انهم يشاركونا
|
المشاركة الأصلية كتبت بواسطة
إخـواني ..
1- نحن نجهَل بعض ( مُصطلَحات السوق ) ؛ مِثل :
( سعر المُقاوَمة ) ، ( قاعدة الإرتكاز ) ، ( تصحيح المؤشر ) ..
وغيرها مِن المُصطلحات .. فيا ليت تبينونها لنا .
|
|
سعر المقاومة: هذا المصطلح يطلق على نقطة معينة لا يمكن للسهم تجاوزها لاكثر من اعتبار .. احيانا تكون المقاومة في الصعود او الانخفاض .. فالسهم لو انخفض مثلا راح يصبح خسران! وضعيف وسهل التحكم به ومعنى ذلك ان المستثمرين والمضاربين سيبتعدون عنه .. وفي المقابل احيانا يكون السهم وصل لسعر معين وتوقف عنها وما استطاع ان ينخفض دونها (وغالبا يعتبر حاجز مقاومة اذا عاود السهم الصعود ثم بدأ بالنزول يتم ملاحظة اخر سعر وصل له السهم في الانخفاض ويوضع كحاجز مقاومة رقم 1 ، بعدين يشوفون تاريخ السهم قبل المقاومة الاولى وعلى اساس السوق ممكن يضعون مقاومة ثانية
وطبعا كسر الحاجز صعودا وانخفاضاً ليس جيد دائماً .. حنا ممكن نستحسن الصعود بينما في الغالب ما يكون صحي لانه يكون عرضه لاشياء كثيرة منها التصحيح القوي ، تصريف الاسهم ( اي بيع الكبار على الصغار والخروج من السهم وهو مرتفع كي ياتي التصحيح والانهيار ثم يدخلون يشترونه بالرخيص)
قاعدة الارتكاز: والله ما اعرفها بصراحة كمصطلح لكن تستخدم في الغالب كخطوة صعود للمؤشر .. يعني ممكن اشبهها بواحد يرقى الدرج وهو يشيل الصندوق .. فبدأ توازنه يختل فنزل درجتين ثلاث ثمن ثبت .. الدرجة التي ثبت فيها درجة ارتكاز لانه اخذ توازنه كويس ويبدأ يصعد بهدوء وينطلق من هذه الدرجة بثبات .. هذا ما اعرفه او احيانا استخدمه كذا لكن مصطلح ما اعرف بصراحة
تصحيح السهم: التصحيح هذي حركة تكون في الغالب انها صحية ومن مصلحة السوق، ويقصد بها ان بعض الاسهم قد ترتفع ارتفاع كبير وتصل لمرحلة ان كبار الي في السوق ( اصحاب المحافظ او البنوك او القطاعات الكبرى التي تشتري في السوق) انهم يرفضون شراء السهم لأنه غير مغري لهم أو جاي عليهم بالغالي ! فيحجمون عن الشراء، طبعا كل ما كان السعر عالي ولا يشتريه الا المضارب او المواطن العادي فراح ينخفض بسهوله لان المضارب او متداول الاسهم يضطر انه يكتفي بمكاسبه دام السهم ما بدأ يتحرك بقوه فيضطر يبيع لو باقل من السوق بربع ريال لانه كاسب أصلاً عشرة ريال مكسب! فالحركة هذي تعطي دافع للمتداولين ان السهم بدا يفقد سعره فكلن يجي يعرض بيع فلوسه ويطلع لو باقل شي من المكاسب فينخفض السعر ويصل لسعره المعقول او سعر مقاومة حينها يرجعون صناع السوق والكباريه يشترون في السهم لأنه مرضي بالنسبة لهم وهكذا
|
المشاركة الأصلية كتبت بواسطة
2- فيه بعض الأمور التي لا نعرفها ؛ مِثل :
* ما العِلاقة بين سِعر المؤشر وخسارة أو ربحيّة المُساهِم أو
المُضارب العادي ؟
|
|
ما للمؤشر اي علاقة في الموضوع هذا ابدا
المؤشر هو معيار لحركة السوق بشكل عام .. ايام ازمة الاسهم كانت هناك شركات تقفل نسبة فوق !! ومرتفعه وفيه ناس عوضوا جزء من خسائرهم والمؤشر في 7400 .. فما للمؤشر اي علاقة بربحية المساهم .. المساهم او المضارب عليه من سهم شركته هو ..
يعني زي امس .. الي مضاربين مثلا في اتحاد الاتصالات خسرانين رغم ان المؤشر مرتفع 155 نقطة !!
وهذا الشيء ساهم في خداع الناس .. عندك الراجحي والكهرباء والاتصالات وسابك لهم ثقل كبير على المؤشر يعني لو يحترك شوي فوق شفت المؤشر واو وطاير .. لكن فعليا بتلقى ان 50 % من الشركات احمر والعياذ بالله
هالحركة حاولوا فيها شركات القياديه في السوق تسوييها ايام الازمه علشان تعيد الثقة بالسوق خصوصا يوم وصل المؤشر 10000 قبل ما يجي الانهيار ( غير الطبيعي)
|
المشاركة الأصلية كتبت بواسطة
* كيف يتم توزيع الأرباح النصف سنويّة أو ربعها ؟
|
|
غالبا تحسب كذا
(الربح الموزع للسهم ÷ العائد على السهم) × 100
|
المشاركة الأصلية كتبت بواسطة
وما تأثير ذلك على السهم ؟ وماذا يحدث بعد توزيع الأرباح ؛
هل يصعَد السهم أم ينخفِض ؟
|
|
على حسب .. في الغالب اذا كانت الارباح جيده والتوزيع مناسب يكون فيه صعود .. وطبعا وش كانوا يسوون روساء مجلس الادارات سابقاً ، كان يطلع واحد منهم قبل عقد مجلس الادارة باسبوع يقول ما اعتقد ان فيه توزيع ارباح .. فتلقائيا ينخفض السهم ، فيقومون اعضاء مجلس الادارة بشراء السهم بقيمة منخفضة ، فلما يعقد مجلس الادارة ويوزعون الارباح ترتفع الاسهم فووق فيقومون ببيع الاسهم الي شروها بالرخيص !! هذه الحركة فطن لها كثير من المضاربين والمستثمرين فما صار يفرق معهم كثير خصوصا فترة توزيع الارباح لان قيمة السعر ما تكون حقيقة
ولعلك تشوف ارباح سابك والاتصالات كويسه ، لكن سابك طالعة والاتصالات على حالها ، وانا اعتقد ان سابك طلعت مو علشان الارباح وبس علشان نشاط البتروكيماويات عامة يعني ان توزيع الارباح في نظري حاليا مش مهم او ما يفرق كثير بالعكس ممكن يخلي الشركة ترتفع وهي ما تستاهل
تابع معنا اليوم التعمير والدريس بعد اعلان الارباح ونشوف وش يصير عليهم
|
المشاركة الأصلية كتبت بواسطة
براسي أسئلة كثـيرة .. لكن أكتفي اليوم بهذه الحزمة
على فِكرة .. اليوم بدأ الإكتتاب في تأمين ( الصقر ) ؛
فما مدى شرعيّة الإكتِتاب بها ؟ ومتى يبدأ التداول بها ؟
|
|
حياك الله في اي وقت يا الغالي
وما نستغني عن ردود الاخوه
اما اكتتاب الصقر فكما اعلم ان جزء من راسمالها امراتي
ولا اعرف وش حكمها لكن انا من طبعي ابتعد كثير عن شركات التأمين لان فيها شبهه والله المستعان ( ما افتيك في هالموضوع اتمنى ترجع لمشائخ فضلا وعارفين بالاسهم والشركات)
وبدأ في تداولها امس مع شركتين ( التامين العربية التعاونيه) و ( الاتحاد التجاري للتامين التعاوني)
موفق يا غالي