قصيدة اعجبتني ,,,

[بنت المناااعير]

قصيدة تحكي معاناة صاحبها , اتمنى ان تنال اعجابكم ..



العام قفـّا وابتـدت الامتحانـات
والقلب ضايق من هموم الدراسـه

هم الدراسه حاشر القلب بالـذات
عزي لقلب(ن) همه اليوم حاسـه

كل(ن) توفق واعتـلا بالدراسـات
كل(ن) توظف واهتنى وسط ناسه

وحنا نعيد العـام مـره ومـرات
نعيد درس(ن) قد مضى من أساسه

الله يوفقهم مـن القلـب دعـوات
ما نحسد العالم سـوات النجاسـه

مير الخطا منـا والأيـام نكبـات
حنا جنينا الذنب من صلب راسـه

وقت مضى نمشي بجهل ولقافـات
ماهمنا ياكود ضـرب وشراسـه

فالمدرسه نرقد وفالليل سهـرات
لا ما حسبنـا للزمـن وانعكاسـه

واليوم نندم لكن الوقـت لا فـات
الصـوت ماينفـع تعلـي قياسـه

كل أخوياي اللي معي وسط دورات
فالعسكريـه والرواتـب طفاسـه

جندي تخصص شغلته بالحراسات
همه وهـم الحـال ولا الحراسـه

يكتم همومه داخل القلب بسكـات
والهـم بايـن مايفيـد انحباسـه

الله يوفق ربعنـا كـل الأوقـات
والله يزيـل همومهـم والتعاسـه

وأنا لحالي صامل(ن) وسط هيات
هيات مابينـي وبيـن الدراسـه

ودي أنا أنجح وأرتقي بالشهادات
حسب الظروف الراهنه والسياسه

وأنا أحمد الله من نجاح لنجاحات
تبنا وشبنا عقـب ذيـك البلاسـه

والله يوفقنـا لخيـر ومـسـرات
نترك قراح المـر ونكـب كاسـه



للشاعر بــدر بن صقر العجالين الدوسري ..

[بنت المناااعير]

يستاهل الشاعر ..

حياك الله اخوي حمد

شرفتني بتواجدك وثناءك على القصيدة ..

[خٍُآَفٍيً آٍلهُمٌٍَسٌٍُ]

مشكور على الموضوع الرائع

لاحرمناك،،،