غويمض ينقذ الرئيس الامريكي من محاولت اغتيال
هلووووووووووووو شباب وشلونكم عساكم طيبين.....؟
هذي قصه ( حقيقيه طبعا!!) صارتلي من مدة الله اعلم بها
في ليله من اليالي كنت جالس مع واحد من السملق الي اعرفهم
وكنت انا وياه نسولف عن سفريات بعض السلق الي نعرفهم
وقلت له ماودك نسافر لديره ما قد راحله احد من ربعنا
( كل اخويانا راعين البحرين وانت جاي مافيه الا واحد تهور وراح اندونيسيا وصجنا فيها )
اتفقنا نروح امريكا ولاناب معلمين احد الا لين نجي!!
رحنا حجزنا وقصينا التذاكر ومن قدنا بنروح امريكا
--طبعا ماندري وش الولايات الزينه -- ( ترا مناب قراوا ابد )
المهم سافرنا ,
وصلنا واشنطن وكنت انا الي افت انقليزي اما الي معي ما حولك احد
طلعنا من المطار بعد احداث دراماتيكيه--->يسمعها في المصارعه
نصينا الفندق وكان الوقت تالي اليل يعني وقت متأخر من اليل
كنا تعبانين من الرحله { مانمنا في الطياره ابد******
حطينا روسنا وخذ يا نوم صحيت من النوم ولقيت خويي يحتوس
ويطل من الدريشه( الشباك ) ومبلم من المناظر الزينه والزحمه
وكان منهبل من هالحريم الي لابسات........(من غير هدوم)
نسيت اقولكم ان خويي اول مره يسافر ويظهر برا السعوديه
قال يا غويمض --> الي هو انا تراني جوعان مررررره
شفلي حل ابي اكل _ والله الظرس مشاء الله عليه
طبعا انا فاقش على اخوياي وقايلهم اني مقطع العالم(بن بطوطه)
قلت بطلب الاكل وبعد ما نخلص اكلنا نروح للبيت الابيض
عشان نشوف الرئيس الامريكي (بوش وانتم بكرامه)على الطبيعه
------->> ولاني رجل انتهازي واستغلالي
وخويي اسملقي مهوب راعي هذي الامور(دوره في الامور الشينه)
ههههههههههههه منيب عاقل يا المثقف
وافق السلوقي على شرطي واكلنا وعبينا الكروش(هذا همه)
وبعدين لبسنا بناطيلنا وقمصانا,,اجل وش بتلبس في امريكا!ثوب؟؟؟
وحولنا من الغرفه و وقفنالنا ذاك التكسي وقعدت اكاسره؟؟؟؟؟؟
( متعود على تكاسي البطحا ) ركبنا معه وقلت الله يعافيك ويخليك لعين ترجيك يا ( علج ) ودنا للبيت الابيض طبعا حاتسيته
بالانقليزي قالي ok (هذي الي اعرفها من الانقليزي )
وصلنا عند بخشة{حديقة****** البيت الابيض وعينك ماتشوف الا النور
من الزحمه كلهم مركزين مع سعادة الريس,,, وين الاخ في مصر؟؟
وخوي قاعد يبربر ( يحتسي) قالك عدلتها ههههههههه
وانا متنح مع ها العالم , وما دريت الا جايتني ذيك النغزه على جنبي
------> ضب على طول يلافط من اي نغزه
وانا الي افقع وجه الي جنبي من الجهه الثانيه ( خاااااااااال) يعني
من زنوج الامريكان لابس بالطو اسود جلد <---- وش رايكم في دقة الوصف,,,,, ويقعد يهوش والله مدري وش قال---> امحق لغه,
بس حسيت انه سبني وانا الي اعطيه بوقس{ طالع صفق ستالوني******
واتلاقط انا وياه ونبقس بعض الا شوي ويطيح ذاك البندق
يعني بالعامي رشاش وبعد صجه ولجه محوسه وازعاج و......
مادريت الا والشرطه سادحينه على بطنه ها (الخاااال) ومكلبشينه
اما انا فقالولي تعال معنى لمركز البوليس -->طبعا هو البطل ماينطق
ركبت معهم في الدوريه ورحنا للمركز وقعدو حولي ثلاثة(3)ضباط
وقالولي انت وراك متطاق انت وذا العباد (صار قسم النسيم )
قعدت افكر وافكر وافكر وش السوات وش الدبره يا غويمض
وش الحل وقلتلهم ابي محامي--->اسمع في الافلام يقولون كذا
قالي واحد من الضباط انطم وقل وراك سويت تسذا (قايلكم قسم النسيم)_ ارجعو كلامي مع خويي_ بتلقون اني استغلالي ولوقي واحسن التصرف في مثل هذة الامور
قلتلهم ياجماعة الربع انا شفت ها الاسود معه سلاح (الي هو البندق)
وكان موجهه يم الرئيس ناوي يقنصه{ طلع ارنب مو رئيس دوله ******
فقلت لازم اشوش توجيه على الرجال قبل مايطيح الفاس في الراس
لاني لو تأخرت لين اقولكم كان راح فيها الضعيف ويمكن اقعد طول
عمري ندمان على فعلتي لاني تسببت في موت انسان؟؟؟؟
(والله قهر ودي اني مخليه) تسنه صدق,,,,,,,,,,,,,,,,,,,,,,
المهم انهم صدقو وطافت عليهم تسذبتي وقالي واحد من
ها الضباط والله انك سنافي ذيب ولد ذيب
وقالو لازم نكرمك لانك من الناس الشجعان(الله من الصدق)
وبنسوي معك مقابله في الcnn ودق قلبي وقمت ارجف
من الخوف{لاني شالخ على الهلي وقايلهم بروح ابها******
ولزمو علي اسوي المقابله وجابو الصحفيين يصوروني وصارت ضجه
في امريكا ذاك اليوم لاصارن ولا استوت{صار مندي ذا****** وخذ يا تبويس وحبحبه
تقول كن الامريكان ذاك اليوم ياسر عرفات,, وش دخله مدري
وقال بوش جيبوه عندي في البيت الابيض,,قلت هذا المطلوب
بس قلتلهم جيبو الوح خويي معي{الزم ماعلي ربعي******
ودخلنا البيت الابيض وجا بووش يسلم علي وقالي : والله مدري وشلون ارد جميلك
قلت: يارجال وسع صدرك ماسويت الا الواجب{مسوي رجال******
قالي:ترا عشاك اليوم عندي وتكفى لاتردني{ذكرني بجارنا الحقنه******
قلت: تم,,,, بس ودي اخذ فره في البيت الابيض كله ودي اشوفه
--كان همي اشوف المكتب الي بوس فيه كلنتون مونيكالونيسكي--
الله من زين الطموووووووووح بعد
قال: ماطلبت شي غالي والطلب رخيص
ورحنا نتمشى ودخلت المكتب البيضاوي الي انفرد فيها كلنتون
وقال : الا ما ودك نعطيك الجنسيه الامريكيه وتقعد فيذيا
قلت: لا تحرجني انا سعودي ولا ارضا باي جنسيه اخرى<--- صادق
قال:الي يريحك بس ودي تقعد عندنا كم يوم
قلت:اعذرني ما اقدر اجلس عندي اشغال لازم اخلصها وياليت تودوني اليوم عقب ما تعشينا {ما يفوت عزايم******
قال: وراك عجل يارجال
قلت: تكفى لاتظغط على اكثر لاني لو قعدت بيصيرون ها العالم يلاحقوني
ويقولون هذا الي انقذ رايسنا وانا ما احب الشهره
قال : براحتك
وخلصنا فرتنا في البيت الابيض وقلطنا على العشا وخويي مايدري وش السالفه وقالي خويي والله خويك { كاش مهوب سهل ******
قلتله والي يرحم والديك خلك ساكت وانا متنرفز
وش ذا الوح الي مايعرف رئيس امريكا
وقل بوش الله يحييكم على شرف الذيب غويمض----> اسلم
وانا الي التفت على بوش وقوله في الذنه عسى مافيه لحم خنزير-الله يكرمكم- قال لا مافيه كل لاتخاف
والله ونطب في ها النعمه وخذ يا اكل لين امتلت بطونا
بس ما قهرني الا خويي الي فشلني (قاعد ياكل بيديه)
وقمنا من الاكل ورحنا نغسل----->الاخ قاعد على مفطح
وبعد كذا خذتلي حبتين (بيره) يؤيؤيؤيؤ لا يروح فكركم بعيد
اقصد (بيره بربيكان) وطلعت انا وخويي ونائب الرئيس (ديك تشيني)
لان الرئيس اعتذر وقالي بعد اذنك ما اقدر اخاويك للمطار
لاني الان بروح اسلم على الوالد (جورج بوش الاب)وهذا غراب تشيني
اقصد ديك تشيني بيخاويك بدالي
قلتله مدام بتروح لبوك عادي اذنك معك
قال :يالله في امان الله ونشوف على خير والله يخليك لاتقاطعنا
ولاتحرمنا من سماع صوتك او حتى رسايل (على الجوال) وعطاني
ارقامه وراح
وركبت انا وخويي في ذاك الكدلك اليموزين(يعني ابو كم باي) لا
تحسبونه شي ثاني ,,, ودزينا للمطار وختمنا الجوازت
ومادريت الا طيارة الF15 وقفه تحترينا
والتفت على تشيني وقلت وش ذا الكلافه
قال: هذا اقل شي نقدر نسويه لك يا بطل وترا الطيارة بسواقه لك
قلت يارجال ترا هذا كثير {وانا متورط وين بلبقها فيه****** وبعدين كذا
تسببلي احراج في موقفها ومصاريفها-------> حضرمي
قال: كل شي على حسابنا وبعدين من ناحيت الموقف ما عليك
بنخليها توقف في قاعدة(الخرج)
قلت : الله يعافيكم وماقصرتو ,
وتوادعنا وحضنا بعض وخويي إلا الأن ما يدري وش السالفه
وركبنا الطياره وعلى طول على الرياض وتحديدا (الخرج)
ونزلنا في الخرج وخذت ونيت وجيتك موشح على بيتنا.
وانتهت قصتي
واسف على الاطاله
27-04-2003, 07:17 PM
العرض العادي
