أترككم مع المحاوره الكيبورديه بين الفارس إبن عرفج التميمي
والشاعرالأردني الأستاذ علي الجهامنه
علي
بسم ربك والنبي الهادي الشريف=نبتدي هذا التحـاور باحتـرام
يا زميل القاف يا الحر العفيـف=مرحبابك والبدايه فـي سـلام
ابن عرفج
لا بدا إلا بسم من عرشه منيف=العظيم الواحد الفـرد السـلام
والنبي لا بسملهْ له يالمضيـف=إنتبه يا شوق وذفـات الغـرام
علي
ارتجل وانظم بصيفي والخريف=في حياتي دعوه ما احلى المقام
ما هقيت ان القلب مني ضعيف=والخطابه والشعر عندي تمـام
ابن عرفج
كان لك بالكيد لا تعطي رغيف=دسّم الجزلات لا تصفّ الكلام
لا يغرّك نايدٍ زولـه ظريـف=المياسم تآكل أطراف الحسام
علي
من صغر سني انا للقاف سيف=ليا بنيته للعدا فـارس وقـام
ما يجف الريق بايام الخريف=والحرف مني كما رمي السهام
ابن عرفج
يالهواوي كنّي في حالك نحيف=حلل الله قيس من بعض الهيام
خلّ عنك العشق ما يبري نزيف=فرّع إسمك خلنا نشـدّ الحـزام
علي
اشكر الله واقبل همومي واضيف=الحمد للـي جعلنـا فـي وئـام
هذا صوتي اردني وقافي ظريف=وبن عرفج والقوافـي باحتشـام
ابن عرفج
عونة الله يا مذوّحت اللفيـف=ما درى عن غارب اللمزه سنام
كل ما نوضٍ شعق جنّد عريف=شوف عيني روّحوا فيها الزلام
علي
زارني نظمك ومعناك الشريف=يا نديمي ماني بشاعر غـلام
ما ابيع ولا احرّف او ازيـف=والشكر لله مـا يبغـا عـلام
ابن عرفج
كان لك بالطايله خلّك حليف=لا تميلح عند راعين الجهام
ياخفوق ودّ أبو ذراعٍ سخيف=التميمي عادته لا شام شـام
علي
البحر لو يقصده مليون ضيـف=ما ييقول الاه من حمل الجسـام
من خفوقي ارسل احساس لطيف=للي جاور مسكنه البيت الحـرام
ابن عرفج
يا علي لا من عثا الشحواء لغيف=ضاع صفّ رسوسها بين الظلام
ما يعيق الطرق ياكود العسيـف=لو ملا جنبينها شيـح و خـزام
علي
البدر لا غاب ما غاب الوصيف=والكرم ماجود بديـار الكـرام
لو غزانا الفقر ما ذل الرغيـف=ولا عرفنا بيوم افعـال اللئـام
ابن عرفج
يا هل الثورة بني جهمه نعيـف=طاري ما فيـه طـاري للكـرام
ما دهل حوران مشعوق الصليف=غير غوش العنبري أهل الدحام
علي
بني عـمِ حسّكـم عالـي رهيـف=بيتكـم عالـي علـى تلّـه وقـام
يا الغضي يا ابن الاكارم يا الشريف=ما يبا نشهد على ضـرب الحسـام
ابن عرفج
بك تشرف قافي يا شوق الوليـف=لا عدمنـا شوفـة عيـال العمـام
عفيه عفيه والشكر إلـ. كل ضيف=ويا سلام الله عليكـم يـا سـلام
::
أشكرك ياعلي على الاستضافه وتشرفت بالمحاورة معك ولك ولـ كل المتابعين الشكر والتقدير وأعذرونا على القصور
جلّ التحايا