عزي لمن مثلي من الهم ملتاع...!!

[فهد بن سريع]

[align=center]السلام عليكم

مصافحه أخرى أتمنى أن تليق بكم وبتواجدكم



أقول





[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عزي لمن مثلي من الهم ملتاع=سود البخوت بخوتها مستعده
اليا عطت بالصاع توفي لي الصاع=واليا عطت بالمد توفيه مده
والبارحه ياصاح والناس هجاع=طارٍ طرالي طاري النوم رده
والدمع من عيني على الخد نباع=لو نلزمه غطى على بحر جده
بداية الموضوع ياراع الاسناع=قد قيل علمٍ تستحي منه بده
ياخوك انا قلبي من اسبابهم ضاع=ضايع بحب الزين الله يرده
اللي وصف خده تقل شعشع اشعاع=شعاع شمسٍ شعشعت وصف خده
لي مدةٍ وانا مع الهم بصراع=انا صريع الهم من قبل مده
اصبر على هم الليالي والاوجاع=مير الصبر وصلت ياخوك حده
حالي قضى والشيب فالراس قد شاع=وانا سنينه تقل فأسنان جده
خلي يعذبني على كل الانواع=وزودٍ على التعذيب ياطول صده
وأن قلت لاتعذبني يازين ماطاع=يقول من عذبك ياشين هده
وأن قلت خلك ياأريش العين منصاع=خلفك عساك تروف فيه وتوده
قال الهوى ماللهوى عندنا داع=توه صغير ولا يعرف الموده
وأقفى وانا واقف مكاني ومرتاع=خوفي عليه من الليالي تحده
يوم أختفى زوله كفخ بين الاضلاع=قلبٍ من المعلوق كنه يشده
عزي لمن مثلي من الهم ملتاع=من ماجراله بيح الهم سده[/poem]





وسلامتكم

فهد بن سريّع




[/align]

[ابن عــمــار]

[align=center]الشاعر فهد بن سريع::

صح لسانك وعلااا شانك ..

قصيدة رائعة بروعة حظورك لاعدمناك..

تقبل مروري وتحياتي...[/align]

[المنفي]

[align=left]صح لسانك يالسريع
قصيده كيف اوصفها
كلها درر
لاهنت يالغالي


يوم أختفى زوله كفخ بين الاضلاع
قلـبٍ مـن المعلـوق كنـه يشـده
عزي لمن مثلي مـن الهـم ملتـاع
مـن ماجرالـه بيـح الهـم سـده



الف شكر لابداعك
والقادم احلى واحلى[/align]

[ناصر الحنو]

الله الله الله يافهد

قاف وفكر وحكمة
وشعر يرتسم سحر وبهاء

تنبض وفاء وتمطر عذوبة
وتغرد بالشوق وله وحنين

صح لسانك ولاهنت ياغالي

كل الحب والتقدير

اخوك ناصر
ظماالعشق

[Mمرفوعة الراسA]

قصيده رائعه

قوة في الوصف والتعبير

تحياتي للاخ الشاعر فهد بن سريع

[عبدالله الصالح]

[align=center]ابن سريع



صح لسااانك وعلا شانك



ابيات جميلة


لي تسائل حول احد الابيات


( وأن قلت لاتعذبني يازيـن ماطـاع) الا تلاحض ان هناك كسر في هذا الشطر

تحياااتي لك[/align]

[ابو أحمد 1]

صـــــح لســــانكـ ولا هنـــــت علـــى هالقصيـــدهـ الأكثــــر مـــن رائعــــه..

نـــزف مستطـــاب وحـــروف لا تقـــف عنـــد حـــاجز معيـــّن ..

بـــدون ادنـــى شـك تستقـــر فـــي قلـــوب عشـــاق سمـــو حـــرفك ..

مجـــاراة امتعتنـــي ...

ســـأعاود القـــراءة ..

فـــي انتظـــار جـــديدك ...

فهد السريع

قصيدة
راااااااائعة لانستغربها من شاعر من ابناء سدير
ولا تستغرب منك بالذاات فأنت جدك سعد بن سريع (راعي المعشبه) والشاعر المعروف رحمةالله عليه
وأعمامك شعار
موفق ان شاءالله

[القيصـــر]

فهد المعطاء ... كريمٌ أنت بحروفك ومشاعرك
ونحن وراء هذا الحرف بالتأكيد ( نستاهله )


مشاعر جداً راقية ... وقصيدة في الحقيقة لامست الوجدان
والبيت الأول يذكرني بـ قصيدة جميلة لشاعر الشعراء الأمير الأنيق ( خالد الفيصل ) يقول :


[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عز القصيد وزاعلتني حروفه= من يوم غاب اللي قصيدي مهاويه
غابت به الدنيا وخلت طيوفه= ( عزي لمن مثلي زمانه يعاديه )[/poem]

[البانكر]

شاعر جزل وابيات اكثر من رائعة وانتظر جديدك انت شاعر ولد شاعر من اسرة كريمة ومعروفه في ديرة العز المعشبة ونبي اكثر يا ابو محمد،،،،

[وارث الطيب]

فهد السريع ... صح نبضك

ونص يخلق لنا من الوجد شعراً وإحساساً


شكرا لحرفك ونبضك الماطر

[البانكر]

تحياتي لك وشكرك ماتلاحظ انك تأخرت علينا وين الجديد ،،،،،،،،