عرفتوا ليش؟؟

[أخت فهد]

[align=center]على ذاك الرصيف أسهر,, وأنادي بكل الجنون القار..
أكلم شارع خالي سواده من سواد الليل..
ترى ما هو فلس,, بقلبي قلت: الأشعار..
ولكن واقعي يفرض علي اكتب بلا تعديل..
أنا راح العقل مني,, وعندي للجنون اعذار..
معاناتي إذا بوصف يفوق الوصف والتعليل..
من اللي قد وقف مثلي؟؟ يواجه لعنة الأقدار!!
رضى يبقى ويتحمل.. عشر أضعاف همه يشيل..
من اللي؟؟ ثبت أقدامه يقاوم شدة التيار!!
ويعرف إن النخل وهو النخل راح وجرفه السيل..
من اللي حب له طفله؟؟ وحلم من يوم كانوا صغار!!
يتوج حلمه بفرحه وأمه تحضنه بتهليل..
يمر الوقت وسنينه تمر ويستوون كبار..
ويتغرب لأجل حلمه يسابق كل شباب الجيل..
ويرجع رافع راسه بعد ماصار هو طيار..
وبقى من حلمه الوردي زفاف يرفض التأجيل,,
يجيها يقول: حان الوقت تعالي نكشف الأسرار..
طفح كيل الصبر ماعاد في صبري وصبرك كيل..
ويذكرها بوقت صار مع مر الزمن تذكار,,
بأيام الطفوله يوم يغرقها غلا وتدليل..
يمازحها وتردد له ((ترى الكذاب يروح النار))
يجافيها وتهمس له ((اعرف ان الجفاء تمثيل))
وتدمع عينهم الاثنين يهلون الدمع مدرار..
ترى الذكرى ولو حلوه طواريها تهد الحيل..
وتسرح في وسط عينه.. تفكر.. ترتجف.. تحتار..
يسألها عسى ما شر؟ ويطيح من إيديها المنديل..
وتنزل على الركب وتقول: تسامحني على اللي صار,,
حشا والله ماخنتك ولكن حصل تبديل..
تراها غيبتك طالت وتدري وقتنا غدار..
كبرت وخفت تتأخر وخير البر بالتعجيل..
ويشهق يلمح الخاتم.. يحس القاع تحته دار..
ولا يستوعب الموقف بليا شرح أو تحليل..
يسود الصمت.. ولا كلمه ونظره كلها استنكار..
شلل صاب اللسان وصاب كفين العتب تكبيل..
دقيقه تمر.. طعمها مر.. نهاية عمر.. موت أزهار..
خسارة حب.. ضياع فدرب.. نار تشب.. عذاب وويل..
ويسرح لو بعيده تهون ولكن كيف بنت الجار؟؟؟؟؟؟
ويكسر صمته بصرخه تعدت في مداها سهيل..
ويفقد وعيه وينزل على قاع الثرى منهار..
مصيبه كيف يتحمل؟؟ترى ما بالأمر تسهيل..
مابينه وبين غرفتها.. ممر ونخله وجدار..
وهذا اللي يعذبه ويزود طينه بتبليل..
يشوف اللي سرق عمره سكن وياها نفس الدار..
غدى جار وله حق نزل في محكم التنزيل..
ويتخيله يغازلها ويقول إنه عليها يغار..
ويتردد صدى صوته وهمسه وضحكه وتدليل..
يناظر دارها وفكره ورى ذيك الستاير حار..
وشباك الهوى عتمه بعد ما زادوا التظليل..
يقرر زوجها يبني ويرفع مستوى الأسوار..
ويتصرف على كيفه عنده منهم توكيل..
ومكسور الجناح اللي بلا ذنب يذوق امرار..
يسارع حسرته ويجر بعد ذيك الهزيمه ذيل..
يفكر كيف طاوعها الضمير تكون شي ضار..
بعد ماكنت لعمره عمر يحسب مداه طويل..
خذت كل ما بقى منه ومن عقله خذت الأفكار..
وبرواز الوعد مايل خذته تخاف قال وقيل..
عطت بروازه لغيره وخلت في الحشا مسمار..
وآخر كلمه قالتها رجاءً ما أبيك تعيل!!!!!!!!
ورد بكل غضب يسأل تحسبيني من أهل الثأر!!!!
أنا وقتي غدى ملكي ولا يتحمل التعطيل..
وداع الله و إذا بعدك مرض ايماني العطار..
أنا لي رب ما يهمل بقرأ كتابه بترتيل..
و إذا كانت مسافات المنازل بيننا أشبار..
لخليه سفر أيام و أساوي كل شبر ميل..
و إذا قالوا: علي مجنون أو ملبوس أو صابه زار..
لناجي شارع خالي لوحده في توالي الليل..
بقول:إن الجنون أرحم كتبت من الجنون أشعار..
وصدق شعري يتحدى الذي قال الشعر تمثيل..
و أعيش العمر أرددها ((ترى الكذاب يروح النار))
برآءه كانت الجمله ولكنه حصل تبديل..
حكاية عمري من يوم الطفوله لين صرنا كبار..
في هذي الصفحه شفتوها وعايشتوها بالتفصيل..
أبي شخص ينورني ومن ابياتي بس يختار..
حرف ماشكى من هم ويبشر مني بالتعديل...
بعدها يعلن افلاسي ويترك عالم الأشعار..
لأني ماقدرت أعطي لحزني في الشعر تعليل..
ويرجع للسرير اللي من غيابي شكى محتار..
واريح عين شوهها سواد يشبه التكحيل..
وفي آخر بيت بسألكم عرفتوا ليش أناجي القار؟!؟!؟
قولوا: للثرياء من تناجي لو خذلها سهيل؟؟؟؟؟؟؟؟؟[/align]

[عمر بن عبدالعزيز]

الله المستعان

خواطر رائعة

أشكرك أخت فهد

[أخت فهد]

[align=center]][®][^][®][عمر بن عبدالعزيز][®][^][®][[/align]

[align=center]«®°·.¸.•°°·.¸¸.•°°·.¸.•°®»اشكر لك مرورك«®°·.¸.•°°·.¸¸.•°°·.¸.•°®»[/align]

[( عابرة سبيل )]

.
.
.




ألم .., ووجع .., هي هذه المشاعر ..!!
لامسنا تفاصيلها بـ شفافيه ...
وعايشناها بـ كل مافيها من حزن ..
.
.
.


اخت فهــد ...

ذوق رفيع ..
وتواجد جميل
.
.


لاتحرمينا

[أخت فهد]

[align=center]دمعة ألم[/align]
[align=center]الأجمل مرورك[/align]

[ღأغاريد الأملღ]

مـــــــــشــــــــــكــــــــــوررة و يــــــــــعطـــــــــــــيك العــــــــــــــافــــــــــــــــية

[أخت فهد]

[align=center]][®][^][®][غايه][®][^][®][[/align]
[align=center]«®°·.¸.•°°·.¸¸.•°°·.¸.•°®»مشكوره على مرورك«®°·.¸.•°°·.¸¸.•°°·.¸.•°®»[/align]