ابيات قالتها الزوجه لزوجها قبل وفاتها 000
[align=center]هذي قصيدة قالتها زوجه لزوجها قبل وفاتها بساعات والسبب معاناتها للأمراض وهي صغيره بالسن وبعز شبابها ، غفر الله لها ولإموات المسلمين،
وصيتها بالقصيده طيبه،،
ترى الذبايح و أهلها ما تسليني .... أنا أدري إن المرض لا يمكن علاجـه
أدري تبي راحتي لايا بعد عيني .... حرام ما قصرت يديـك فـي حاجـه
أخذ وصاتي وأمانه لا تبكيني .... لو كان لك خاطـرٍ مـا ودي إزعاجـه
أبيك في يديك تشهدني وتسقينـي .... أمانتـك لا يجـي جسمـي بثلاجـه
لف الكفن في يديك وضف رجليني .... ما غيرك أحدٍ كشف حسناه واحراجه
أبيك بالخير تذكرني وتطريني ..... يجيرنـي خالقـي مـن نـار وهاجـه
سامح على اللي جرى ما بينك وبيني ..... أيام نمشي عدل وأيـام منعاجـه
همي عيالي وأنا اللي فيْ ..كافيني ..... علمهم الديـن تفسيـره ومنهاجـه
طبعا هذه القصيدة للشاعرة عابرة سبيل رحمها الله
وهذا هو رد زوجها :
حاولت أنام وحاربت عيني النوم ...... وجريت صوت مثل صوت الذيابه
الجفن كنه صار ضايق ومهزوم ......ودموع عيني مثـل رس السحابـه
على وليف قالوا اليوم مرحوم ....... فارق وراح وماتهنـى فـي شبابـه
زرت القبور اللي على بعضها ارسوم .....وخطيت رسم فوق ذيك النصابه
قلبي من الدنيا عليه مرسوم ........ والرسم تـوه عقـب خـط الكتابـه
أحبها مير القدر صـار مقسـوم ..... ويحبهـا كـل الاهـل والقرابـه
الموت اخذها واودع القلب مثلوم ..... جرح عميق وما يـداوي صوابـه
الموت اخذ شجعان وارخوم وقروم ..... واخذ رسول الله وباقي الصحابة
لا حــول ولا قــوه الا باللـــه[/align]
|