@ المراجل @

[سطام الشمري]

[align=center]بسم الله الرحمن الرحيم ..
السلام عليكم ورحمة الله وبركاته ..


.

.

.


.. أقبَلُوها كَمّا هِيَ ..


.

.

.





[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماكل من جابت ولد صار رجال=بعض الرجال اليوم مامن رجوله
ولا كل من هاز الطويله لها طال=المرقب الشامخ صعيب(ن) وصوله
الخيل ماتبغى لها كود خيٌال=يضرب بحد السيف للي يطوله
ومن لا يٌدسم شاربه والرجٌل قال /=ترى المراجل ماتجي بالسهوله
بعض الرجٌال يوقٌف بيوم الأبطال=والبعض منهم ينسحب في البطوله
وبعض العرب ألهم تواريخ وأمثال=وأفعالهم جزله ولا هي هزوله
ومن يحسب أحساب الخساره في الأموال=يفداك حاله والعٌوض فاللي حوله
ولا يارحم من صك بابه بالأقفال=من دون ضيفان(ن) بعيد(ن) عنوله
هذا الزمن واحد ويفرق بالأجيال=أربع فصول(ن) تختلف من فصوله
أمنول(ن) ماهمهم كثرة المال=لان الشجاعه للفتى هي ميوله
الفال فالك لا تقفى له أعقال=والناقه إللي ساريه أمعقوله ..!!
لا تتبع إللي يتبع القيل والقال=مجنابك أطيب من كلام(ن) يقوله
أحذر منه لا صار في أقفاك وأقبال=مثله يبي يعتاش عيشة عموله
وإنهج على إللي يعشٌق المرقب العال=إللي ليا جيته يسرك قبوله
هذاك لا أعتزته على كل الأحوال=عشاك لو مايملك ألا ذلوله
وجنٌب عن إللي مجلسه كله أنذال=ولا يغرك زين هرجه ودلوله
وإفطن من هروج الحواسد وعذال=لا طاحت براسك مشاكل ختوله
خذها نصيحه من قريب(ن) ولد خال=نصيحة(ن) ماهيب والله عذوله
لا صرت ذيب(ن) مالقى الذيب مدخال=والمشكله لا صرت سهل(ن) دخوله
عٌزي لحال إللي رقد يوم الأهوال=يوم الزمن دقت علينا طبوله
الشايب إللي ورٌث الطيب لإعيال=يفداه عود(ن) لاش من هالحموله
يالعنبوها من ورى خشمها ريال=تسانه يذلك يارجٌـل في حصوله
مايجتمع عقل ورجوله مع أخبال=ولا كل شي إليا بغيته تنوله ..!!
الوادي إللي ماتعرفه ترى سال=ومن لا يعرف السيل يجهل فعوله ..!!
يجيك علم(ن) مايجيلك على البال=مثل العلوم إللي تهز لها دوله
المرجله موقف وصمله مع أفعال=وفزعات قرم(ن) من نخاها صموله
بنت(ن) تزيدك مرجله ماهي أقوال=من حكمة(ن) في راسها مع ذهوله
تاقف معك حتى لو الدم لك سال=شيهانة(ن) ماهيب والله جفوله
لا جا نهار(ن) مغبر(ن) كله أرمال=وطاحت نجوم القايله من نحوله
موتك من إللي ماوراها سوى أهبال=ولا تدري إنك طايح(ن) في أمهبوله
فنجالها ماورثت طيبه إدلال=وزود(ن) على هذا تراها عجوله
لابو الردي لا صابه أخراش وإجفال=في ساعة(ن) فيها النشاما أوقفوله
ومن صكته بقعا على أشهب اللال=لا يشتكي إلا لواحد(ن) هم شكوله
وصلاة ربي من عدد وبل همٌال=وعد السحاب إللي سقانا هطوله
على الرسول اللي له الخير مازال=إللي أخذ بالخير صوله وجوله
أختم كلامي من قبل تختم أعمال=ويالله حسن الخاتمه لا تزوله[/poem]


.

.

.


سطام فيصل الشمري[/align]

[( عابرة سبيل )]

[align=center]

:
:



اللهم صلي وسلم على رسول الله ....
ياســلام ياسطام .... ابدعت في نظم القوافي
واعتليت .....

:

[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المرجله موقـف وصملـه مـع أفعـال=وفزعات قرم(ن) مـن نخاهـا صمولـه[/poem]



رائعه بـ حق وهناك ملاحظه ..

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالعنبوها من ورى خشمها ريال=تسانه يذلك يارجٌـل في حصوله
[/poem]

ليتك استبدلت ( يالعنبوها ) بكلمه مرادفه افضل
:
:


يضل جمال القصيده في علو
وسمو
وروعه
:
:


حفظك الله اخي

[/align]

[وارث الطيب]

أصيل ياسطام ... ونص يحمل الكثير من الحكم

دائما تأتي لتثبت لنا أنك شاعر جزل ومعطاء

وصح كلك يا الطيب









.

[مداءات]

لاهنت يا اخوي يا سطام..

وصح لسانك ,,

[قلم رصـــاص]

المشاركة الأصلية كتبت بواسطة   أصيل ياسطام ... ونص يحمل الكثير من الحكم دائما تأتي لتثبت لنا أنك شاعر جزل ومعطاء وصح كلك يا الطيب

نفس الكلام

[علي القديري]

صح لسانك يابن عمي

والله لايهينك قصيده جزله من شاعر جزل

تحياتى

[طالبة المعالي]

[ALIGN=CENTER][TABLE1="widt95%;"][CELL="filter:;"][ALIGN=center]
وعليكم السلام ورحمة الله وبركاته

يعطيك العافية أخي الكريم/ سطام الشمري
قصيدة رائعة حوت الكثير من الحكم والنصائح ؛؛ بارك الله فيك اخوي وما قصرت
[/ALIGN][/CELL][/TABLE1][/ALIGN]

[عبدالله الشويمان-الرعد]

صح السانك يا اخ سطام

قلت فابدعت واجزلت

دمت بخير وصحه وسلامه ولا هنت يا الغالي

[ناصر الحنو]

الله الله الله ياسطام

حضور شعر وابداع فكر
ونص يحمل التوضيح بين الرجال

ويبقى لكل زمن رجالة
وكل زمن يحضى بالطيب والردي

صح لسانك ولاهنت ياغالي

كل الحب والتقدير

اخوك ناصر
ظمال